Jio మరో కొత్త రీఛార్జ్ ప్లాన్ ను మార్కెట్ లోకి తీసుకొచ్చింది. తన వినియోగదారులను కాపాడుకోవడానికి, పోటీ టెలికాం కంపెనీల నుంచి వినియోగదారులను ఆకట్టుకోవడానికి అద్భుతమైన ఆఫర్ తీసుకొచ్చింది. ఈ ఆఫర్ కచ్చితంగా మార్కెట్ లో బలోపేతం అవుతున్న BSNL కి పోటీనిస్తుందనడంలో సందేహం లేదు. Jio పోటీ ప్లాన్ పూర్తి ప్రయోజనాలను ఇప్పుడు తెలుసుకుందాం.
టారిఫ్ ధరలు పెంచి Jio, ఎయిర్ టెల్.. పెంచకుండా బీఎస్ఎన్ఎల్ టెలికాం ఇండస్ట్రీలో పోటాపోటీగా నడుస్తున్నాయి. రీఛార్జ్ ప్లాన్ ధరలు పెంచి వినియోగదారులను కోల్పోతున్న జియో, ఎయిర్ టెల్, వోడాఫోన్-ఐడియా తిరిగి ప్లాన్ ధరలు తగ్గించే పనిలో పడ్డాయి. ఇదే ఆసరాగా బీఎస్ఎన్ఎల్ తన నెట్ వర్క్ ను బలోపేతం చేస్తూ పోటీ నెట్వర్క్ వినియోగదారులను ఆకట్టుకుంటోంది. ఇప్పటికే లక్షల్లో వినియోగదారులు Jio, ఎయిర్ టెల్, వోడాఫోన్-ఐడియా నుంచి పోర్టబులిటీ ద్వారా బీఎస్ఎన్ఎల్ లోకి మారిపోయారు. ఇంకా మరి కొంత మంది మారేందుకు సిద్ధమవుతుండగా, వారిని వెళ్లనివ్వకుండా ఉండేందుకు ఆయా టెలికాం కంపెనీలు ప్రత్యేక ఆఫర్లు ప్రకటిస్తున్నాయి. అందులో భాగంగా Jio మరో సూపర్ ఆఫర్ ను తన వినియోగదారుల కోసం తీసుకొచ్చింది.
భారతదేశంలో దాదాపు 490 మిలియన్ల మంది రిలయన్స్ Jio SIMని ఉపయోగిస్తున్నారు. హై స్పీడ్ కనెక్టివిటీ అద్భుతమైన ఆఫర్ల ఆధారంగా Jio టెలికాం రంగంలో అత్యధిక సంఖ్యలో సబ్‌స్క్రైబర్‌లను కలిగి ఉంది. ఇటీవల రీఛార్జ్ ప్లాన్ల ధరల పెరుగుదల కారణంగా కొంతమంది Jio వినియోగదారులు కచ్చితంగా నిరాశ చెందారు. కానీ ఇప్పుడు Jio మళ్లీ తన వినియోగదారుల హృదయాలను గెలుచుకొనేందుకు చక్కటి 100 రోజుల ప్లాన్ తీసుకొచ్చింది.
రీఛార్జ్ టారిఫ్ పెరుగుదల తర్వాత సరసమైన ఎంపిక కోసం చూస్తున్న వినియోగదారుల కోసం Jio తక్కువ ధరలో దీర్ఘకాలిక ప్లాన్‌ను అందిస్తోంది. ఈ రీఛార్జ్‌తో Jio వినియోగదారులు దాదాపు 100 రోజుల పాటు రీఛార్జ్ గురించి ఆందోళన చెందాల్సిన అవసరం లేదు.
Jio తన వినియోగదారుల కోసం 98 రోజుల దీర్ఘకాలిక వ్యాలిడిటీతో అద్భుతమైన రీఛార్జ్ ప్లాన్‌ను తీసుకువచ్చింది. మీ Jio నంబర్‌ను రూ.999కి రీఛార్జ్ చేయడం ద్వారా మీరు 98 రోజుల పాటు ఏ నెట్‌వర్క్‌కైనా అపరిమిత ఉచిత కాల్‌లను చేయవచ్చు. ఇతర ప్లాన్ల మాదిరిగానే వినియోగదారులకు ఉచిత వాయిస్ కాల్‌లతో పాటు రోజుకు 100 ఉచిత SMSలు కూడా లభిస్తాయి.
ఈ Jio రీఛార్జ్ ప్లాన్ వినియోగదారులకు చాలా డేటాను కూడా అందిస్తోంది. ఈ ప్లాన్‌లో మీరు రోజుకు 2 GB హై స్పీడ్ డేటాను పొందవచ్చు. అంటే మీరు 98 రోజుల్లో మొత్తం 196 GB డేటాను ఉపయోగించవచ్చు. అందువల్ల ఈ రీఛార్జ్ ప్లాన్ చాలా డేటా అవసరమైన వినియోగదారులకు చాలా అనుకూలంగా ఉంటుంది.
అపరిమిత 5G డేటా సౌకర్యం ఈ ప్లాన్‌లో అందుబాటులో ఉన్న బోనస్ ప్రయోజనం. రోజువారీ డేటా పరిమితి సరిపోకపోతే, మీరు 5G డేటాను ఉపయోగించవచ్చు. Jio ఈ ప్లాన్‌తో అపరిమిత 5G డేటాను అందిస్తుంది. కానీ, మీ ప్రాంతంలో Jio యొక్క 5G నెట్వర్క్ కనెక్టివిటీ అందుబాటులో ఉంటేనే మీరు దీన్ని ఉపయోగించవచ్చు.
జియో ఇతర ప్లాన్ ఇవే...
ఓటీటీ లంటే ఆసక్తి ఉన్న వినియోగదారుల కోసం జియో రూ.1,049, రూ.1,299 ప్లాన్లను అందిస్తోంది. ఇవి రెండు 84 రోజుల వ్యాలిడిటీ ఉన్న ప్లాన్లు. ఈ రెండు ప్లాన్ల ద్వారా అపరిమిత వాయిస్ కాల్స్ చేసుకోవచ్చు. రోజుకు 2 జీబీ డేటా కూడా లభిస్తుంది. అయితే ఈ రెండు ప్లాన్ల మధ్య కొన్ని తేడాలున్నాయి. రూ.1,049 ప్లాన్ లో సోనీ లివ్, జీ 5 సబ్ స్క్రిబ్షన్ దొరుకుతుంది. రూ.1,299 ప్లాన్ లో ఉచిత నెట్ ఫ్లిక్స్ మొబైల్ ఉంది. ఇటీవల మరో సింపుల్ ప్లాన్ ను జియో విడుదల చేసింది. అదే రూ.175 ప్లాన్. దీని ద్వారా పలు ఓటీటీ ప్లాట్ ఫామ్స్ కు 28 రోజుల యాక్సెస్ తో పాటు 10 జీబీ అదనపు డేటా లభిస్తుంది. ఈ ప్లాన్ తో సోనీ లివ్, జీ5, జియో సినిమా ప్రీమియం, లయన్స్ గేట్ ప్లే, డిస్కవరీ+, ప్లానెట్ మరాఠీ, చౌపాల్, జియోటీవీ తదితర ఓటీటీ ప్లాట్ ఫామ్స్ ఉచితంగా చూడవచ్చు.