Today Gold Rate: బంగారం అంటే కేవలం నగలు మాత్రమే కాదు… భద్రత, పెట్టుబడి, భవిష్యత్తు. అలాంటి పసిడి ఇప్పుడు ఒక్కసారిగా ధర పెరిగి కొనుగోలుదారులకు షాక్ ఇచ్చింది. గత కొన్ని రోజులుగా స్థిరంగా ఉన్న బంగారం ధరలు మంగళవారం ఉదయం ఒక్కసారిగా పెరిగాయి.
బంగారం తగ్గిందనుకునేలోపే మరోసారి ధరలు ఎగబాకాయి. పసిడి, సిల్వర్ రేట్లు పెరిగాయి. ప్రస్తుతం హైదరాబాద్ మార్కెట్లో 10 గ్రాముల 24 క్యారెట్ల బంగారం ధర సుమారు రూ.1,53,930కు చేరింది. ఇదే సమయంలో 22 క్యారెట్ల బంగారం ధర రూ.1,41,100కు పెరిగింది. ఒక్కరోజులోనే 24 క్యారెట్లపై దాదాపు రూ.1,470, 22 క్యారెట్లపై రూ.1,350 మేర పెరుగుదల నమోదైంది.
25
కారణం అంతర్జాతీయ మార్కెట్లలో మార్పులే
ఈ పెరుగుదల వెనుక ప్రధాన కారణం అంతర్జాతీయ మార్కెట్లలో జరుగుతున్న మార్పులే. ప్రపంచవ్యాప్తంగా ఆర్థిక అనిశ్చితి పెరగడం, డాలర్ విలువ మార్పులు, అలాగే స్టాక్ మార్కెట్ ఒడిదొడుకులు..ఇవన్నీ కలిసి బంగారం ధరలను ప్రభావితం చేస్తున్నాయి. పెట్టుబడిదారులు రిస్క్ తగ్గించుకోవడానికి బంగారాన్ని సేఫ్ ఇన్వెస్ట్మెంట్గా ఎంచుకోవడం వల్ల డిమాండ్ పెరిగింది. ఈ డిమాండ్ పెరిగిన కొద్దీ ధరలు కూడా ఆకాశాన్ని తాకుతున్నాయి.
35
తెలుగు రాష్ట్రాల్లో పరిస్థితి గందరగోళం
తెలుగు రాష్ట్రాల్లో అయితే పరిస్థితి మరింత గందరగోళం నెలకొంది. ముఖ్యంగా పెళ్లిళ్ల సీజన్ దగ్గరపడుతుండటంతో ఈ ధరల పెరుగుదల సాధారణ ప్రజలపై భారీ భారం మోపుతోంది. తులం బంగారం కొనాలన్నా ఇప్పుడు అదనంగా వేల రూపాయలు చెల్లించాల్సి వస్తోంది.
ఇక వెండి ధరలు కూడా బంగారం బాటలోనే నడుస్తున్నాయి. ప్రస్తుతం కిలో వెండి ధర సుమారు రూ.2,65,000కు చేరింది. ఒక్కరోజులోనే వెండి ధర దాదాపు రూ.5,000 పెరిగింది. బంగారం ధర పెరిగినప్పుడు వెండి కూడా పెరగడం సాధారణమే అయినప్పటికీ, ఈ స్థాయి పెరుగుదల వినియోగదారులను ఆందోళనకు గురి చేస్తోంది.
55
ఇప్పుడు బంగారం కొనాలా? లేక వేచి చూడాలా?
ఇప్పుడు అందరి మదిలో ఉన్న పెద్ద ప్రశ్న. ఇప్పుడు బంగారం కొనాలా? లేక వేచి చూడాలా? నిపుణుల అభిప్రాయం ప్రకారం ప్రస్తుతం మార్కెట్ చాలా అనిశ్చితంగా ఉంది. బంగారం ధరల పెరుగుదల తాత్కాలికమా లేక దీర్ఘకాలం కొనసాగుతుందా అనేది ఇంకా స్పష్టత లేదు. కానీ ప్రస్తుత పరిస్థితుల్లో స్మార్ట్గా ప్లాన్ చేసుకుని పెట్టుబడి పెట్టడం చాలా ముఖ్యం.
