చాలా మందికి ఏదో ఒక బ్యాంకులో సేవింగ్స్ అకౌంట్ ఉంటుంది. సేవింగ్స్ అకౌంట్ అనేది చాలా మంది డబ్బును సేవింగ్స్ లాగ డిపాజిట్ చేయడానికి లేదా కొన్నిసార్లు విత్‌డ్రా చేయడానికి ఉపయోగిస్తారు. అయితే దీనికి సంబంధించి కొన్ని రూల్స్ ఉన్నాయని, వాటిని పాటించకుంటే చార్జెస్ కట్టాల్సి ఉంటుందని తెలుసా....
ఆదాయపు పన్ను నిబంధనల ప్రకారం, సేవింగ్స్ అకౌంట్లో డబ్బు డిపాజిట్ చేయడానికి ఒక పరిమితి ఉంది. ఒక రోజులో ఎక్కువగా రూ.1 లక్ష వరకు క్యాష్ డిపాజిట్ చేయవచ్చు. ఫోర్బ్స్ నివేదిక ప్రకారం, ఒక ఆర్థిక సంవత్సరంలో రూ. 10 లక్షలు లేదా అంతకంటే ఎక్కువ డిపాజిట్లను ఐటీ శాఖకు తెలియజేయాలి. కానీ మీకు కరెంట్ అకౌంట్ ఉంటే, ఈ పరిమితి రూ.50 లక్షలు ఉంటుంది.
నివేదిక ప్రకారం, ఆర్థిక సంస్థలు ఈ పరిమితులకి మించి లావాదేవీలను(transactions) ఆదాయపు పన్ను శాఖకు నివేదించడం తప్పనిసరి. మనీలాండరింగ్, పన్ను ఎగవేత ఇతర చట్టవిరుద్ధమైన ఆర్థిక కార్యకలాపాలను నిరోధించడానికి సేవింగ్స్ అకౌంట్స్, కరెంట్ అకౌంట్స్ అలాగే ఆర్థిక సంస్థల నగదు లావాదేవీలను పర్యవేక్షించడానికి ఆదాయపు పన్ను శాఖ ఈ పరిమితిని నిర్ణయించింది.
మీరు ఒక ఆర్థిక సంవత్సరంలో మీ సేవింగ్స్ అకౌంట్ నుండి రూ.1 కోటి కంటే ఎక్కువ విత్‌డ్రా చేస్తే 2% TDS(Tax Deducted at Source) కట్ అవుతుంది. గత మూడు సంవత్సరాలుగా ITR ఫైల్ చేయని వారికి కూడా 2% TDS ఛార్జ్ చేస్తారు, అది కూడా రూ. 20 లక్షల కంటే ఎక్కువ విత్‌డ్రాలపై మాత్రమే ఇంకా ఒక ఆర్థిక సంవత్సరంలో రూ.1 కోటి విత్‌డ్రాలపై 5% TDS విధిస్తారు.
ఆదాయపు పన్ను చట్టంలోని సెక్షన్ 269ST ప్రకారం, ఒక వ్యక్తి ఒక ఆర్థిక సంవత్సరంలో ఒకరి అకౌంట్లో రూ. 2 లక్షలు లేదా అంతకంటే ఎక్కువ డిపాజిట్ చేస్తే చార్జెస్ వసూల్ చేస్తారు. అయితే, బ్యాంకు నుండి డబ్బు విత్‌డ్రా చేసినందుకు ఎలాంటి పెనాల్టీ ఉండదు.