హోండా బైక్ కొంటున్నారా? తక్కువ ధర, అధిక మైలేజ్ ఇచ్చే బైక్‌లు ఇవే

ఇండియాలో హోండా బైకులకు మంచి డిమాండ్ ఉంది. ఎందుకంటే మన దేశంలో రోడ్లకు ఈ బైక్స్ చాలా అనువుగా ఉంటాయి. అందుకే ఎక్కువ మంది ఈ కంపెనీ బైకులు కొనేందుకు ఇష్టపడతారు. మీరు హోండాలో బైక్ కొనాలనుకుంటే అధిక మైలేజ్, మంచి పనితీరు కనబరిచే బైకులు గురించి, వాటి ఫీచర్ల గురించి ఇక్కడ పూర్తి వివరాలు ఉన్నాయి. ఓ సారి పరిశీలించండి.

తక్కువ ధర, నమ్మకమైన పనితీరు, మంచి మైలేజ్ కావాలంటే మీరు హోండా కంపెనీ బైకులను ఓ సారి పరిశీలించండి. స్టైలిష్ బైక్‌ల నుండి రోజువారీ అవసరాలకు ఉపయోగించే బైక్‌ల వరకు అన్ని రకాల అవసరాలకు తగ్గట్టుగా హోండా బైక్‌లు తయారు చేశారు. వాటిల్లో ముఖ్యంగా హోండా షైన్, యూనికార్న్, SP 125 బైక్‌లకు మార్కెట్ లో మంచి డిమాండ్ ఉంది. ఈ బైకుల ఫీచర్లను ఇక్కడ పరిశీలిద్దాం.

హోండా SP 125

ఇప్పుడు చాలా బైకుల ధర రూ.లక్షకు పైగానే ఉంటోంది. కాని కేవలం రూ.87,410 నుండి రూ.91,960 (ఎక్స్-షోరూమ్) ధరలో లభించే హోండా SP 125 స్టైలిష్ బైకు అధునాతన ఫీచర్లతో మార్కెట్ లో వినియోగదారులకు బెస్ట్ బైక్ గా మారింది. ఇది 123.94cc సింగిల్ సిలిండర్ ఎయిర్ కూల్డ్ ఇంజిన్ 10.87 bhp శక్తిని, 10.9 Nm టార్క్‌ను ఉత్పత్తి చేస్తుంది. తక్కువ ధరే కాకుండా SP 125 60 kmpl మైలేజ్‌ను కూడా అందిస్తుంది.

హోండా యూనికార్న్

రూ.1.10 లక్షలు (ఎక్స్-షోరూమ్) ధర కలిగిన హోండా యూనికార్న్ బైకుకు ఉన్న డిమాండ్ అంతా ఇంతా కాదు. ఈ బైక్ వెంటనే మార్కెట్ లో దొరకదు. కనీసం 3 నుంచి 6 నెలల ముందు బుక్ చేసుకుంటే కాని డెలివరీ కాని అంత డిమాండ్ ఉన్న బైకు ఇది. పనితీరులో ది బెస్ట్ గా ఉండటమే దీనికి కారణం. ఈ బైకు 162.71cc సింగిల్ సిలిండర్ ఎయిర్ కూల్డ్ ఇంజిన్‌తో వస్తుంది. ఇది 12.91 bhp శక్తిని, 14.58 Nm టార్క్‌ను ఉత్పత్తి చేస్తుంది. 5 స్పీడ్ గేర్‌బాక్స్, 60 kmpl మైలేజ్‌తో ఇది లాంగ్ రైడ్‌లకు అనువుగా ఉంటుంది.

హోండా షైన్

రూ. 81,100 నుండి రూ. 85,100 (ఎక్స్-షోరూమ్) ధరలో లభించే హోండా షైన్ 123cc ఫ్యామిలీకి కరెక్ట్ గా సరిపోయే బైక్. ఓ కుటుంబం ఉపయోగించడానికి ఈ బైక్ బెస్ట్ ఆప్షన్ అని చెప్పొచ్చు. మైలేజ్ పరంగానూ ఇది మధ్య తరగతి కుటుంబం అవసరాలు తీర్చేలా రూపొందించారు. ఈ బైక్ సింగిల్ సిలిండర్ ఎయిర్ కూల్డ్ ఇంజిన్‌తో వస్తుంది. ఇది 10.74 bhp శక్తిని, 11 Nm టార్క్‌ను ఉత్పత్తి చేస్తుంది. 5 స్పీడ్ గేర్‌బాక్స్‌తో పనిచేసే ఈ బైక్ 55 kmpl మైలేజ్‌ను అందిస్తుంది.

హోండా బైక్‌లు నమ్మకమైన పనితీరు, తక్కువ ధర, అధునాతన ఫీచర్లకు ప్రసిద్ధి చెందాయి. షైన్, యూనికార్న్, SP 125 బైక్‌లు అన్ని రకాల అవసరాలకు తగ్గట్టుగా కంపెనీ తయారు చేసింది. మంచి మైలేజ్, తక్కువ నిర్వహణ ఖర్చులు ఉండటం వీటి ప్రత్యేకత.