సుకన్య సమృద్ధి యోజన (Sukanya Samriddhi yojana) ఆడపిల్లల కోసం మొదలుపెట్టినది. ఆడపిల్లల చదువుకు, పెళ్లికి భరోసా ఇచ్చేందుకు దీన్ని కేంద్ర ప్రభుత్వం ప్రవేశపెట్టింది. ఆడపిల్లల ఉజ్వల భవిష్యత్తు కోసం ప్రభుత్వం అందిస్తున్న ఒక చిన్న పొదుపు పథకం.
ఇంట్లో ఆడపిల్లల భవిష్యత్తుకు, ఆర్ధిక భద్రత అందించేందుకు పెట్టుబడి పెట్టాలనుకుంటున్నారా? దానికి ఉత్తమ పథకం సుకన్య సమృద్ధి యోజన (SSY). ఇది నమ్మకమైన పథకం. ఆడపిల్లల చదువు, పెళ్లి కోసం ఆర్థికంగా సిద్ధమవడానికి ఈ పథకం ఎంతగానో ఉపయోగపడుతుంది.
26
సుకన్య సమృద్ధి యోజన అంటే ఏమిటి?
సుకన్య సమృద్ధి యోజన అనేది 'బేటీ బచావో, బేటీ పఢావో' ప్రచారంలో భాగంగా కేంద్ర ప్రభుత్వం ప్రారంభించిన ఒక చిన్న పొదుపు పథకం. ఈ పథకాన్ని 2015లో ప్రధాని నరేంద్ర మోదీ ప్రారంభించారు. ఇది ఆడపిల్లలకు ఎంతగాన ఉపయోగపడే పథకం.
36
ప్రస్తుత వడ్డీ రేటు (జూలై - సెప్టెంబర్ 2025)
సంవత్సరానికి 8.2% (చక్రవడ్డీ పద్ధతిలో)
ఈ రేటు ఇతర పొదుపు పథకాల కన్నా ఎక్కువ. దీర్ఘకాలిక పెట్టుబడికి ఇది చాలా లాభదాయకం.
