Today Gold Rate: బంగారం ధర తగ్గడానికి అసలు కారణం ఇదే.. ఇకపై ఏం జరగబోతోంది?

Today Gold Rate: వారం రోజులుగా వరుసగా పెరిగి కొనుగోలుదారులకు షాక్ ఇచ్చిన బంగారం... ఇప్పుడు ఒక్కసారిగా శాంతించింది. ఈరోజు హైదరాబాద్, విజయవాడలో గోల్డ్, సిల్వర్ రేట్లు ఎలా ఉన్నాయి?. 

శాంతించిన బంగారం ధరలు

గత కొన్ని రోజులుగా వరుసగా పెరుగుతూ వచ్చిన బంగారం ధరలు ఈరోజు కాస్త తగ్గుముఖం పట్టాయి. స్వల్ప తగ్గుదల నమోదు కావడంతో బంగారం కొనుగోలు చేయాలని ఎదురు చూస్తున్న వారికి ఇది కొంత ఊరటనిచ్చే పరిణామంగా మారింది. అంతర్జాతీయ మార్కెట్‌లో చోటుచేసుకున్న మార్పులు, డాలర్ కదలికలు ఈ మార్పులకు ప్రధాన కారణాలుగా కనిపిస్తున్నాయి. 

మధ్యప్రాచ్య ప్రాంతంలో ఉద్రిక్తతలు తగ్గే అవకాశం

ప్రపంచ ఆర్థిక పరిస్థితులు క్రమంగా మెరుగుపడుతున్నాయనే సంకేతాలు మార్కెట్‌లో కనిపిస్తున్నాయి. అదే సమయంలో మధ్యప్రాచ్య ప్రాంతంలో ఉద్రిక్తతలు కొంత తగ్గే అవకాశాలు ఉన్నాయనే వార్తలు కూడా పెట్టుబడిదారుల్లో ఆందోళనను తగ్గించాయి. సాధారణంగా ఇలాంటి పరిస్థితుల్లో సురక్షిత పెట్టుబడిగా భావించే బంగారంపై డిమాండ్ కొంత తగ్గుతుంది. దీంతో అంతర్జాతీయ మార్కెట్‌లో గోల్డ్ ధరలు స్వల్ప ఒత్తిడిని ఎదుర్కొన్నాయి. ఆ ప్రభావం దేశీయ మార్కెట్‌పైనా కనిపించింది. 

రూ.1,46,620 కు చేరిన బంగారం

ఇప్పుడు హైదరాబాద్‌లోని తాజా బంగారం ధరలను పరిశీలిస్తే... 10 గ్రాముల 24 క్యారెట్ల బంగారం ధర రూ.110 తగ్గి రూ.1,46,620 వద్ద కొనసాగుతోంది. 22 క్యారెట్ల 10 గ్రాముల బంగారం ధర రూ.100 తగ్గి రూ.1,34,400కు చేరుకుంది. ఇక ఆభరణాల తయారీలో ఎక్కువగా ఉపయోగించే 18 క్యారెట్ల 10 గ్రాముల బంగారం ధర మాత్రం రూ.800 తగ్గి రూ.1,09,970 వద్ద నమోదైంది. విజయవాడ మార్కెట్‌లో కూడా ఇదే తరహా ధరలు కొనసాగుతున్నాయి. ఇక వెండి విషయానికి వస్తే... అంతర్జాతీయ మార్కెట్ ప్రభావంతో వెండి ధరల్లో కూడా స్వల్ప బలహీనత కనిపిస్తోంది.కిలో వెండిపై రూ.10వేలు తగ్గి రూ.2.50లక్షలకు చేరుకుంది.

అసలు ఈరోజు బంగారం ఎందుకు తగ్గింది?

దీనికి చాలా కారణాలు ఉన్నాయి. ఇటీవల ధరలు గణనీయంగా పెరగడంతో కొంతమంది పెట్టుబడిదారులు లాభాలను స్వీకరించడం ప్రారంభించారు. దీనినే మార్కెట్ భాషలో "ప్రాఫిట్ బుకింగ్" అంటారు. మరోవైపు అమెరికా ఫెడరల్ రిజర్వ్ వడ్డీ రేట్లపై తీసుకునే నిర్ణయాల విషయంలో మార్కెట్‌లో ఉన్న అంచనాలు కూడా బంగారం ధరలను ప్రభావితం చేస్తున్నాయి.

బంగారం కొనడానికి ఇదే సరైన సమయమా ?

మార్కెట్ నిపుణుల అభిప్రాయం ప్రకారం, బంగారం ధరలు ప్రతిరోజూ మారుతూ ఉంటాయి. కాబట్టి అత్యవసర అవసరం ఉంటే దశలవారీగా కొనుగోలు చేయడం మంచిదని సూచిస్తున్నారు.ఈరోజు బంగారం ధరల్లో భారీ పతనం ఏమీ నమోదు కాలేదు. కానీ వరుస పెరుగుదల తర్వాత స్వల్ప తగ్గుదల రావడం మాత్రం కొనుగోలుదారులకు కొంత ఊరటనిచ్చే అంశంగా చెప్పొచ్చు.