Today Gold Rate: ఇప్పుడు బంగారం కొనడం సేఫేనా? నిపుణులు ఏం చెప్తున్నారంటే..

Today Gold Rate: గత నాలుగు రోజులుగా బంగారం ధరలు తగ్గుతూ వస్తున్నాయి. ఇవాళ కాస్త స్థిరంగా ఉంది. కానీ వెండి మాత్రం ఊహించని షాక్ ఇచ్చింది. మరి ఇప్పుడు బంగారం కొనడం సేఫేనా?

పెరిగిన వెండి ధరలు

ప్రస్తుతం భారత్‌లో బంగారం, వెండి ధరలు స్వల్ప మార్పులతో కొనసాగుతున్నాయి. ఏప్రిల్ 2026 చివరి వారానికి వస్తే, 24 క్యారెట్ బంగారం ధర గ్రాముకు సుమారు రూ. 1.53లక్షల మధ్య కొనసాగుతోంది. 22 క్యారెట్ బంగారం ధర గ్రాముకు సుమారు రూ.1.40లక్షల మధ్యలో ఉంది. మరోవైపు వెండి ధరలు కూడా గణనీయంగా పెరిగాయి.

ధరలపై గ్లోబల్ మార్కెట్‌ ప్రభావం

ఇటీవల కొన్ని రోజులుగా బంగారం ధరల్లో కొద్దిపాటి తగ్గుదల కనిపిస్తోంది. గ్లోబల్ మార్కెట్‌లో మారుతున్న పరిస్థితులు బంగారం ధరలపై ప్రత్యక్ష ప్రభావం చూపుతున్నాయి. ముఖ్యంగా అమెరికా డాలర్ బలపడటం, వడ్డీ రేట్ల పెరుగుదల, అంతర్జాతీయ యుద్ధ పరిస్థితులు, ఆర్థిక అనిశ్చితి వంటి అంశాలు ధరల మార్పునకు కారణమవుతున్నాయి. అలాగే ప్రపంచ దేశాల సెంట్రల్ బ్యాంకులు భారీగా బంగారం కొనుగోలు చేయడం కూడా ధరలను ప్రభావితం చేస్తోంది.

బంగారంపై రూ.3000 తగ్గుదల

గత నాలుగు రోజుల్లోనే తులం బంగారం ధర సుమారు రూ.3000 మేర తగ్గింది. ప్రస్తుతం బంగారం స్థిరంగానే ఉంది. 24 క్యారెట్ల బంగారం ధర 10 గ్రాములకు రూ.1,52,950కు చేరింది. అలాగే 22 క్యారెట్ల ఆభరణాల బంగారం ధర 10 గ్రాములకు రూ.1,40,200 వద్ద నమోదైంది. వెండిపై కిలోకు రూ.5000 పెరిగింది. కిలో వెండి ప్రస్తుతం రూ.2.70 లక్షలు ఉంది.

ఇలాంటి పరిస్థితుల్లో ఇప్పుడు బంగారం కొనడం సేఫేనా?

ఇలాంటి పరిస్థితుల్లో ఇప్పుడు బంగారం కొనడం సేఫేనా? అనే ప్రశ్న చాలా మందిలో ఉంది. సాధారణంగా బంగారం ఒక సేఫ్ హేవెన్ ఇన్వెస్ట్‌మెంట్‌గా భావిస్తారు. అంటే మార్కెట్‌లో అనిశ్చితి ఉన్నప్పుడు బంగారం విలువ పెరిగే అవకాశం ఎక్కువగా ఉంటుంది. 2026లో కూడా బంగారం ధరలు తాత్కాలికంగా ఎగబాకడం, పడిపోవడం సహజమే అయినా, దీర్ఘకాలికంగా మంచి రాబడులు ఇవ్వగలదనే అభిప్రాయం నిపుణులది. కాబట్టి దీన్ని ఒక స్థిర పెట్టుబడి సాధనంగా చూడవచ్చు.

స్టెప్ బై స్టెప్ ఇన్వెస్ట్‌మెంట్ బెటర్ ఆప్షన్

అయితే బంగారం కొనడానికి సరైన సమయం తెలుసుకోవడం కూడా చాలా ముఖ్యం. ధరలు తగ్గినప్పుడు కొనడం మంచిదని భావిస్తారు. ఒక్కసారిగా భారీగా కొనడం కంటే, కొంతకొంతగా దశలవారీగా కొనడం మంచిది. దీనిని ‘స్టెప్ బై స్టెప్ ఇన్వెస్ట్‌మెంట్’ లేదా SIP తరహా విధానం అంటారు. పండుగల సమయంలో ధరలు పెరిగే అవకాశం ఉండటంతో, వాటికి ముందుగానే కొనుగోలు చేయడం కూడా లాభం ఉంటుంది.

ప్రస్తుతం బంగారం ధరలు కొద్దిగా తగ్గినా భవిష్యత్తులో మళ్లీ పెరిగే అవకాశాలు ఉన్నాయని మార్కెట్ అంచనాలు సూచిస్తున్నాయి. కాబట్టి తొందరపడి కాకుండా ప్రణాళికతో కొనుగోలు చేస్తే బంగారం మంచి పెట్టుబడిగా మారుతుంది.