Gold Price Fall: కుప్పకూలిన బంగారం ధరలు..దుబాయ్ లో గ్రాము గోల్డ్ ఎంతో తెలుసా

Gold Price Fall: బంగారం కొనాలని ఎదురుచూస్తున్న వారికి భారీ గుడ్ న్యూస్. మళ్లీ గోల్డ్ రేట్లు ఢమాలయ్యాయి. హైదరాబాద్‍లో పసిడి ధరలు ఎలా ఉన్నాయి? దుబాయ్, సింగపూర్‍లో ధరలు ఎలా ఉన్నాయో ఇక్కడ చూద్దాం. 

పసిడి ధరల్లో స్వల్ప ఉపశమనం

వరుస పెరుగుదల తర్వాత ఒక్కసారిగా మళ్లీ బంగారం ధరలు తగ్గుముఖం పట్టాయి. బులియన్ మార్కెట్ ప్రారంభం కావడంతోనే పసిడి ధరల్లో స్వల్ప ఉపశమనం కనిపించింది. కొద్దిరోజులుగా రికార్డు స్థాయిలను తాకిన బంగారం ధరలు ఈరోజు తగ్గాయి. దీంతో పసిడి ప్రియులకు కాస్త ఊరట దొరికింది. 

మేలిమి బంగారంపై రూ.490 వరకు తగ్గింపు

దేశీయ మార్కెట్‌లో 24 క్యారెట్లపై రూ.490 వరకు తగ్గింది. దీంతో 10 గ్రాముల బంగారం ధర రూ.1,58,890 వద్ద ట్రేడవుతోంది. ఇదే సమయంలో 22 క్యారెట్ల బంగారంపై రూ.450 తగ్గడంతో రూ.1,45,650 వద్ద కొనసాగుతోంది. 18 క్యారెట్ల బంగారం ధరపై 10 గ్రాములపై రూ.370 మేర తగ్గి రూ.1,19,170 గా నమోదైంది. 

దుబాయ్ మార్కెట్‌లో గ్రాము బంగారమెంతో తెలుసా?

బంగారం ధరల్లో మార్పులు కనిపించినప్పటికీ వెండి స్థిరంగానే ఉంది. కేజీ వెండి ధర రూ.2,94,900 వద్ద కొనసాగుతోంది. అంతర్జాతీయ మార్కెట్‌లో ఒడిదుడుకులు ఉన్నప్పటికీ వెండి ధరల్లో మార్పు కనిపించలేదు.

అంతర్జాతీయ బులియన్ మార్కెట్లలో బంగారం ధరల్లో మార్పులు కనిపిస్తున్నాయి. సింగపూర్ మార్కెట్‌లో ఈరోజు 10 గ్రాముల బంగారం ధర రూ.1,47,650కు చేరగా...దుబాయ్ మార్కెట్‌లో గ్రాము బంగారం ధర రూ.14,258కు చేరింది.