రిలయన్స్ వ్యవస్థాపకుడు ముఖేష్ అంబానీ ప్రస్తుతం భారతదేశపు అత్యంత ధనవంతుడు. అతని ఆస్తి విలువ రూ. 11వేల కోట్లుగా అంచనా. ముఖేష్ అంబానీ, నీతా అంబానీ, ఆకాష్ అంబానీ, ఆనంద్ అంబానీ అండ్ శ్లోకా మెహతాతో సహా అతని కుటుంబం కూడా భారతదేశంలోనే అత్యంత ఖరీదైన ఇల్లు అయిన యాంటిలియాలో నివసిస్తున్నారు.
అంబానీ కుటుంబ వ్యాపారం, లగ్జరీ లైఫ్ స్టయిల్ తరచుగా వార్తల్లో ఉంటుంది. ముఖేష్ అంబానీ కుటుంబం లైమ్‌లైట్‌లో ఉండగా, అతని సోదరుడు అనిల్ అంబానీ మీడియా లైమ్‌లైట్‌కు దూరంగా ఉండటానికి ప్రయత్నిస్తున్నారు.
ముకేశ్ అంబానీ కొడుకు ఆనంద్ అంబానీ పెళ్లి చేసుకోబోతున్న నేపథ్యంలో అనిల్ అంబానీ కొడుకు, అల్లుడు గురించి తెలుసుకోవాలని నెటిజన్లు ఆసక్తిగా ఎదురుచూస్తున్నారు. జై అన్మోల్ అంబానీ అనిల్ అంబానీ పెద్ద కుమారుడు.
అనిల్ అంబానీ ఒకప్పుడు ప్రపంచంలోని అత్యంత సంపన్నుల లిస్టులో 6వ స్థానంలో ఉండేవారు. ఆయన ఆస్తి విలువ రూ.1.81 లక్షల కోట్లు. కానీ అతని వ్యాపార సామ్రాజ్యం కూలిపోవడంతో, అతను దివాలా తీసినట్లు ప్రకటించాడు.
అయితే ఆయన కుమారుడు జై అన్మోల్ అంబానీ మాత్రం విలాసవంతమైన జీవితాన్ని గడుపుతున్నారు. అతనికి లంబోర్ఘిని గల్లార్డో, రోల్స్ రాయిస్ ఫాంటమ్ వంటి కొన్ని ఖరీదైన లగ్జరీ కార్లు ఉన్నాయి. అతనికి ప్రైవేట్ హెలికాప్టర్లు, జెట్‌లు కూడా ఉన్నాయని నివేదించాయి, వాటిని వ్యాపార ప్రయాణానికి ఉపయోగిస్తున్నట్లు సమాచారం. జై అన్మోల్ మొత్తం ఆస్తుల విలువ రూ. 2000 కోట్లు అని చెబుతున్నారు.
అన్మోల్ అంబానీ స్కూలింగ్ ముంబైలోని కేథడ్రల్ అండ్ జాన్ కానన్ స్కూల్ లో పూర్తి చేసి, ఆ తర్వాత ఇంగ్లాండ్‌లోని సెవెన్ ఓక్స్ స్కూల్‌లో చేరాడు. ఇంగ్లాండ్‌లోని వార్విక్ బిజినెస్ స్కూల్ నుండి పట్టభద్రుడయ్యాడు.
అన్మోల్ అంబానీ చాలా చిన్న వయస్సులోనే కుటుంబ వ్యాపారంలో చేరారు. అతని తండ్రి బిజినెస్ గ్రూప్ అనుబంధ సంస్థలకు నాయకత్వం వహిస్తున్నారు, అయితే అంబానీ ముఖ్యంగా రిలయన్స్ క్యాపిటల్‌లో యాక్టీవ్ గా ఉన్నారు. అన్మోల్ 2016లో రిలయన్స్ క్యాపిటల్ గ్రూప్‌లో అడిషనల్ డైరెక్టర్‌గా చేరారు.
అతని ఆధునిక నిర్వహణ స్కిల్స్ అండ్ ఫ్యామిలీ వ్యాపారంపై తాజా దృక్పథం కోసం తరచుగా ప్రశంసలు అందుకుంటున్నారు. అతను, అతని సోదరుడు జై అన్షుల్ అంబానీ అక్టోబర్ 2019లో రిలయన్స్ ఇన్‌ఫ్రా బోర్డ్ ఆఫ్ డైరెక్టర్స్‌లో నియమితులయ్యారు, అయితే ఒక సంవత్సరం తర్వాత రాజీనామా చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి