Car Subscription Plan: కారు లవర్స్ కి బంపర్ ఆఫర్.. ఆరు నెలలకు కొత్త కారు నడపండి

మీకు కార్లంటే చాలా ఇష్టమా.. రకరకాల కార్లు నడపాలని ఆశ పడుతుంటారా? అయితే మీకు బంపర్ ఆఫర్. మీరు ఆరు నెలలకు ఒక కారు వాడొచ్చు. అదెలాగో చూద్దాం రండి.   

చాలామంది జీవిత లక్ష్యం ఏంటంటే... ఒక ఇల్లు, కారు కొనడం. అందుకే చిన్నదో పెద్దదో ఉద్యోగం రాగానే మొట్టమొదటిగా ఈ రెండిటినీ కొనడానికి ప్రయత్నిస్తారు. అయితే ఇల్లు కొనడం చాలా ఖరీదైన విషయం. ఇప్పుడున్న పరిస్థితుల్లో కనీసం రూ.50 లక్షలు లేనిదే సింగల్ బెడ్ రూమ్ ఫ్లాట్ కూడా కొనలేం. అందుకే రెండో లక్ష్యమైన కారు కొనడానికి అందరూ ఉత్సాహం చూపిస్తారు. 

ఈ రోజుల్లో కారు ఒక స్టేటస్ సింబల్. అందువల్ల చిన్నదో, పెద్దదో ఏదో ఒక కారు ఇంటి ముందు ఉండాలని ప్రతి ఒక్కరు కోరుకుంటారు. దీనికి తగ్గట్టుగా కార్ల ధరలు కూడా తక్కువగానే ఉండటంతో ముందు కారు కొనడానికి ఎక్కువ మంది ఇంట్రెస్ట్ చూపిస్తున్నారు. 

ఆటోమొబైల్ వ్యాపారంలో ఇండియా దూసుకుపోతోంది. అందుకే ప్రపంచంలోని వివిధ దేశాల నుంచి కార్లు తయారు చేసే కంపెనీలు తమ ఉత్పత్తులను ఇండియాలో లాంచ్ చేయడానికి ఆసక్తి చూపిస్తున్నాయి.  ఇటీవల జరిగిన భారతీయ ఎక్స్పోలో వివిధ దేశాలకు చెందిన పలు కార్ల కంపెనీలు తమ కారులను ప్రదర్శించాయి. ఇప్పటికే మార్కెట్లో ఉన్న కార్లకు అప్డేటెడ్ వెర్షన్ తీసుకువచ్చాయి.  దీన్నిబట్టి ఇండియాలో కార్లకు ఎంత డిమాండ్ ఉందో అర్థం చేసుకోవచ్చు. 

మరి ఇన్ని రకాల కార్లు మార్కెట్లో సందడి చేస్తూ ఉంటే ఎప్పుడూ ఒక కారునే నడుపుతూ ఉండాలా? అలానే ప్రతిసారి కారు మార్చి కొత్త కారు కొనుక్కోవడం సాధ్యం కాని విషయం కదా.. కనీసం ఐదు లక్షలు లేనిదే చిన్న కారు కూడా కొనలేని పరిస్థితి. ఇలాంటప్పుడు ప్రతిసారి కారు మార్చి కొత్తకారు కొనడం కష్టం కదా..  కాని మీకు నచ్చిన కారును తీసుకునే నడిపే అవకాశం వస్తే ఎలా ఉంటుంది.

ఇలాంటి అద్భుతమైన అవకాశాన్ని కొన్ని కంపెనీలు కల్పిస్తున్నాయి. దీని ప్రకారం మీకు నచ్చిన కారును మీరు ఎన్నాళ్ళైనా నడుపుకోవచ్చు. తర్వాత దాన్ని మార్చి మరో కారు తీసుకోవచ్చు. దీనికోసం మీరు కారు సబ్స్క్రిప్షన్ తీసుకోవాలి. ప్రతి నెలా పదివేలు కట్టాల్సి ఉంటుంది. ఇలా చేస్తే మీరు ఆరు నెలలకు ఒకసారి కారణం మార్చుకోవచ్చు. దీనికోసం మీరు ప్రత్యేకంగా కారు కొనాల్సిన పనిలేదు. కేవలం మంత్లీ సబ్క్క్రిప్షన్ ద్వారా మీకు నచ్చిన కారుని తీసుకొని వాడుకోవచ్చు. 

ఇలాంటి ఆఫర్లను కొన్ని ప్రత్యేక కార్ల కంపెనీల డీలర్లు ఇస్తూ ఉంటారు. మీరు ఇలా రకరకాల కార్లు వాడాలనుకుంటే మీరున్న సిటీలో కార్ సబ్ స్క్రిప్షన్ డీలర్లను సంప్రదించి ఈ ఆఫర్ గురించి మరిన్ని వివరాలు తెలుసుకోండి. లేదా ఆన్లైన్లో కార్లు సబ్స్క్రిప్షన్ గురించి సెర్చ్ చేసి పూర్తి వివరాలు తెలుసుకోండి.