సాధారణంగా కారు పార్క్ చేసినప్పుడు చాలా మంది సేఫ్టీ ప్రికాషన్స్ తీసుకోరు. దీని వల్ల అనేక ప్రమాదాలు జరుగుతాయి. ముఖ్యంగా ఫైర్ యాక్సిడెంట్స్. ఇవి జరగడానికి కొన్ని ముఖ్య కారణాలు ఉన్నాయి. అవేంటో, ఎక్కడ ఎక్కువ ఫైర్ యాక్సిడెంట్స్ జరుగుతాయో, నివారణ చర్యలు ఏమిటో ఇప్పుడు తెలుసుకుందాం.
కారు ఓనర్స్ గాని, డ్రైవర్స్ గాని అది రన్నింగ్ సరిగ్గా ఉందా లేదా అని మాత్రమే ఎక్కువగా ఆలోచిస్తారు. పార్క్ చేసినప్పుడు సరైన జాగ్రత్తలు తీసుకున్నామా లేదా అని పెద్దగా పట్టించుకోరు. వాస్తవానికి కార్ పార్క్ చేసినప్పుడు సేఫ్టీ ప్రికాషన్స్ తీసుకోకపోతే కారు ప్రమాదానికి గురవడానికి అవకాశాలు ఎక్కువగా ఉంటాయి. ముఖ్యంగా కారు పార్క్ చేసిన వెంటనే హ్యాండ్ బ్రేక్ వేయాలి. ఇది వేయడం మర్చిపోతే వాలుగా ఉన్న రోడ్డులో ముందుకు గాని, వెనకకు గాని కదిలిపోతుంది. దీంతో నడిచి వెళ్లే వారిని ఢీకొట్టే ప్రమాదం ఉంటుంది. ముఖ్యంగా రద్దీ ప్రదేశాల్లో పార్క్ చేసినప్పుడు హ్యాండ్ బ్రేక్ వేయడం మరిచిపోకూడదు. అలాంటి ప్రదేశాల్లో ప్రమాదం జరిగితే ప్రాణ నష్టం జరగడానికి ఎక్కువ అవకాశాలు ఉంటాయి.
కార్ ఫైర్ యాక్సిడెంట్ అవడానికి అనేక కారణాలు ఉంటాయి. ఇంటర్నల్ ఆయిల్ లీకేజీ, వైరింగ్ షార్ట్ సర్క్యూట్, కారులో ప్రయాణిస్తూ సిగరెట్ వంటివి తాగడం కారణంగా కారుకు నిప్పంటుకునే అవకాశాలు ఉంటాయి. ఇవే కాకుండా దీపావళి, ఇతర పండగల సమయంలో కాల్చే బాణాసంచా నిప్పురవ్వలు పడి కారు అగ్ని ప్రమాదానికి గురవ్వడానికి అవకాశం ఉంటుంది.
ముఖ్యంగా దీపావళి రోజున బాణసంచా నిప్పు రవ్వలు పడి ప్రమాదాలు జరగొచ్చు. ఇలాంటి పరిస్థితుల్లో మీ కారును సురక్షితంగా ఉంచుకోవడం చాలా ముఖ్యం. మీ కారును బాణసంచా నుండి ఎలా రక్షించుకోవాలో ఇప్పుడు వివరంగా తెలుసుకుందాం.
కారుపై కవర్ వేయకండి
కారుకు కవర్ వేయడం చాలా అవసరం. ఇది మీ కారుకు ఎండ, వానల వల్ల కలిగే నష్టాన్ని నివారిస్తుంది. రక్షణ కోసం మీ కారును కవర్ చేయడం సరైనదే. అయితే బాణసంచా దానిపై పడితే కారు కవర్ తేలికగా, వేగంగా మంటలను అంటుకుంటుంది. దీని వల్ల కారు త్వరగా డామేజ్ అవగానికి అవకాశం ఉంటుంది. బాణా సంచా పడినప్పుడు కవర్ ఎక్కువ నష్టం కలిగిస్తుంది. ప్రమాద తీవ్రతను పెంచుతుంది. అందువల్ల దీపావళి సమయంలో మీ కారును కవర్ చేయకుండా ఉంచడమే మేలు. ముఖ్యంగా బయట పార్క్ చేస్తే అస్సలు కవర్ వేయొద్దు. దీని బదులు మీ వాహనాన్ని సురక్షితమైన ప్రదేశంలో పార్క్ చేయండి.
షెడ్ లో పార్క్ చేయండి
కార్ ఉన్న వారిలో చాలామందికి పార్కింగ్ చేయడానికి ప్రత్యేకంగా షెడ్ ఉండదు. ముఖ్యంగా సిటీస్ లో ఉండే వారికి అసలు ప్లేస్ ఉండదు. అందువల్ల రోడ్డు పక్కనే పార్క్ చేస్తారు. ఇలా ఉన్న కార్లు దీపావళి బాణసంచా పడి కాలిపోయే ప్రమాదం ఎక్కువగా ఉంటుంది. అవకాశం ఉంటే షెడ్ లో పార్క్ చేయండి. లేకపోతే బాణసంచా నిప్పురవ్వలు పడని ప్లేస్ లో పార్క్ చేయండి. అందువల్ల నష్టం జరిగే అవకాశాలను తగ్గిస్తాయి.
రద్దీగా ఉండే రోడ్లలో పార్కింగ్ చేయొద్దు
మీ ఇంటి సమీపంలో బాణసంచా ఎక్కువగా పేలుస్తారని మీకు ఐడియా ఉంటే వెంటనే మీ కారును దూరంగా తీసుకెళ్లి పార్క్ చేయండి. సాధారణంగా రద్దీ వీధులు బాణసంచా కాలిస్తే అగ్ని ప్రమాదాలు ఎక్కువగా జరుగుతాయి. దీపావళి రోజు అలాంటి ప్లేస్ లో మీ కారు పెట్టాల్సి వస్తే మర్చిపోకుండా సురక్షితమైన ప్లేస్ లో పెట్టండి. ప్రమాదం జరిగిన తర్వాత ఎంత విచారించినా ఉపయోగం ఉండదు.
కొత్త వ్యాక్స్ పూత
మీ కారుకు కొత్త వ్యాక్స్ పూత వేయించడం వల్ల చిన్న నిప్పురవ్వలు పడి అది దెబ్బతినకుండా ఉంటుంది. ఇది మీ కారుకు అదనపు రక్షణను అందిస్తుంది. వ్యాక్స్ నిప్పు కణాలను తిప్పికొట్టడంలో సహాయపడుతుంది. చిన్న పేలుళ్ల వల్ల కలిగే గీతల నుంచి రక్షణ కల్పిస్తుంది.
కారు విండోస్, సన్రూఫ్ మూసివేయండి
బాణసంచా నిప్పురవ్వలు కారు లోపలికి రాకుండా ఉండటానికి అన్ని విండోస్ క్లోజ్ అయ్యాయో లేదో చెక్ చేసుకోండి. సన్రూఫ్ ఉంటే అవి కూడా పూర్తిగా మూసి ఉన్నాయో లేదో చూసుకోవాలి. పొరపాటున నిప్పురవ్వలు కారు లోపల పడితే కారు పూర్తిగా కాలిపోయే ప్రమాదం ఉంటుంది. సీట్ల వల్ల మంటలు వేగంగా విస్తరిస్తాయి. అందువల్ల విండోస్, సన్ రూఫ్ సరిగ్గా మూసి ఉన్నాయో లేదో చెక్ చేసుకోవడం చాలా అవసరం.
ఫైర్ రెసిస్టెంట్ వస్తువులు సిద్ధంగా ఉంచుకోండి.
మీ వాహనంలో ఒక చిన్న ఫైర్ రెసిస్టెంట్ పరికరాన్ని ఉంచుకోవడం ఒక అద్భుతమైన భద్రతా చర్య అవుతుంది. అత్యవసర పరిస్థితిలో నిప్పురవ్వలు లేదా చిన్న మంటలను ఇవి త్వరగా నియంత్రిస్తాయి. ముఖ్యంగా వీటిని ఎలా ఉపయోగించాలో మీరు ముందే తెలుసుకొని ఉండటం చాలా అవసరం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి