మీరు ఇల్లు కడుతున్నారా? టైల్స్ ఏం వేయాలా అని ఆలోచిస్తున్నారా? ఇంటికి అందాన్నిచ్చే సరైన టైల్స్ ని మీరు ఎంచుకోకపోతే మీ శ్రమ అంతా వేస్ట్ అయిపోతుంది. అందుకే మీ అభిరుచికి తగ్గట్టుగా ఇల్లు కడుతున్నప్పుడు ఎక్కడ ఎలాంటి టైల్స్ వేయాలో ఇక్కడ పూర్తి వివరాలు ఉన్నాయి. వాటిని తెలుసుకొని మీ ఇంటిని అందంగా నిర్మించుకోండి.
ఈ కాలంలో ఎవరైనా ఇల్లు కడుతున్నారంటే టైల్స్ కంపల్సరీ అయిపోయాయి. కొందరు మార్బుల్స్ కూడా వేయించుకుంటారు. టైల్స్ ధరలు రోజురోజుకు పెరుగుతున్నప్పటికీ ఖర్చుకు వెనకాడకుండా టైల్స్ వేయించుకుంటారు. ప్రస్తుతం మార్కెట్ లో టైల్స్ ధరలు స్కేర్ ఫీట్ మినిమం ధర రూ.22 నుంచి రూ.200 వరకు ఉన్నాయి. క్వాలిటీ రకాన్ని బట్టి ధరలు మారుతుంటాయి. వీటికి తోడు టైల్స్ తయారయ్యే మెటీరియల్, ప్రాసెస్ కూడా వేరుగా ఉంటుంది. టైల్స్ ధరలు వాటిపై కూడా ఆధారపడి ఉంటాయి. మీ అభిరుచికి తగ్గట్టుగా మంచి కలర్, మంచి మెటీరియల్ తో తయారు చేసిన టైల్స్ గాని, మార్బుల్ గాని వేసుకోవడం చాలా ముఖ్యం. ఇవే మీ ఇంటి అందాన్ని రెట్టింపు చేస్తాయి.
ఇళ్లల్లో టైల్స్ వాడకం ఇప్పుడు సర్వసాధారణం. అవి అందంగా కనిపిస్తాయి కానీ సున్నితంగా ఉంటాయి. ఇక్కడ టైల్స్ కూడా చాలా రకాలు ఉన్నాయి. సిరామిక్ టైల్స్, సిమెంట్ టైల్స్, పింగాణీ టైల్స్, సున్నపురాయి టైల్స్, మొజాయిక్ టైల్స్, గ్రానైట్ ఫ్లోరింగ్ టైల్స్, మార్బుల్ ఫ్లోరింగ్ టైల్స్, వినైల్ ఫ్లోరింగ్ టైల్స్ ఇలా చాలా రకాల టైల్స్ మార్కెట్ లో అందుబాటులో ఉన్నాయి. అయితే వీటిలో ప్రజలు మాత్రం సిరామిక్ టైల్స్, పింగాణీ టైల్స్ ఎక్కువగా ఉపయోగిస్తారు. మోజాయిక్ టైల్స్, గ్రానైట్ ఫ్లోరింగ్, మార్బుల్ ఫ్లోరింగ్ కూడా బాగా వినియోగంలో ఉంది. ఇంటి నిర్మాణ బడ్జెట్ ఆధారంగా టైల్స్ వేసుకుంటారు. కొందరు టైల్స్ కు ఎక్కువ ఖర్చు అవుతుందని ఫ్లోరింగ్ తో సరిపెట్టుకుంటారు. ఇంటికి అందాన్నిచ్చే టైల్స్ పగిలితే అందవికారంగా కనిపిస్తాయి. అందుకే ఈజీగా పగిలిపోయే వాటిని కాకుండా స్ట్రాంగ్ గా ఉండే టైల్స్ గురించి తెలుసుకొని వేయించుకోవడం మంచిది.
టైల్స్ అంటే కేవలం ఫ్లోరింగ్ లోనే వేసేవి కావు. గోడలకు, రూఫింగ్ కు, బాత్రూమ్స్ కు వేర్వేరుగా ఉపయోగించే టైల్స్ ఉంటాయి. వీటిల్లోనూ డిజైన్ ఆధారంగా లివింగ్ రూమ్స్ లో వేరుగా, బెడ్ రూమ్స్ లో వేసేవి వేరుగా ఉంటాయి. సిరామిక్, పింగాణీ, పాలరాయి టైల్స్ అత్యంత మన్నికైన టైల్స్ గా మార్కెట్ లో గుర్తింపు పొందాయి.
లివింగ్ రూమ్స్, బెడ్ రూమ్స్ లో టెర్రకోట, ఇటాలియన్ మార్బుల్, పింగాణీ టైల్ రకాలను గోడలకు క్లాసిక్ ఎఫెక్ట్ తీసుకురావడానికి ఉపయోగిస్తారు. ఇంటి గోడల కోసం టైల్స్ స్టైలిష్ ఇంటీరియర్స్ లుక్ కోసం ఉపయోగించవచ్చు. మీరు మీ గదిని అలంకరించడానికి గోడ పలకలను ఉపయోగించాలనుకుంటే ముందుకు మీ గోడలు వాటర్ రెసిస్టెంట్ గా ఉన్నాయా లేదో తెలుసుకోండి. లీకేజీలు లేకుండా ఉండేలా టైల్స్ వేసుకోవడం చాలా ముఖ్యం.
వంటగది కోసం టైల్స్ ఎన్నుకునేటప్పుడు మరకలు, గీతలు పడకుండా నిరోధించే వాటిని ఎంపిక చేసుకోవాలి. సిరామిక్ టైల్స్ వంట గదికి బెస్ట్ ఆప్షన్.
పింగాణీ, విట్రిఫైడ్ టైల్ మెటీరియల్స్‌తో సహా సిరామిక్ టైల్స్‌ను లివింగ్ రూమ్ ఫ్లోరింగ్ కోసం ఉపయోగించడం మంచిది. ఇవి స్ట్రాంగ్ గా ఉంటాయి. అందువల్ల బరువైన వస్తువులు పడినా పగలడానికి తక్కువ ఛాన్స్ ఉంటుంది.
పాలరాయి టైల్స్ ను లివింగ్ స్పేస్‌లు, కిచెన్‌లు, బెడ్‌రూమ్‌లు మొదలైన వాటిలో ఎక్కువగా ఉపయోగిస్తారు. ఇంట్లో వృద్ధులు ఉంటే సరైన రంగులు ఎంచుకోవడం చాలా ముఖ్యం. లేత రంగుల టైల్స్‌తో పోలిస్తే, ముదురు రంగు టైల్స్‌ను వేసుకోవడం మంచిది. అయితే లైట్ కలర్ టైల్స్ గది విశాలంగా ఉన్న భావాన్ని కలిగిస్తాయి. కాబట్టి మీ అవసరాలను అనుగుణంగా టైల్స్ ఎంచుకోవడం చాలా ఇంపార్టెంట్.
సిరామిక్ టైల్స్ అనేవి అధునాతన టైల్స్. ఎక్కువ కాలం మన్నుతాయి. సిరామిక్ టైల్స్ ను బాత్ రూమ్స్, కిచెన్ లలో వేసుకోవడం మంచిది.
మార్బుల్ ఇంటి ఇంటీరియర్స్ కోసం గోడలు, ఫ్లోరింగ్ రూపకల్పనకు మంచి ఎంపిక.
గ్రానైట్, సహజ శిలలతో తయారు చేసిన టైల్స్ విలాసవంతమైన ఇంటికి ప్రత్యేక ఆకర్షణను తీసుకొస్తాయి.
సిరామిక్ టైల్స్ బహిరంగ ప్రదేశాల్లో వేయడానికి ఎంచుకోవడం మంచిది. చివరిగా మీ అభిరుచికి తగ్గట్టుగా టైల్స్ వేసుకోవడం వల్ల మీరు సంతోషంగా ఇంటిలో గడపగలరు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి