ఎక్కువ మైలేజ్ కావాలా? ఈ CNG బైక్స్ బెస్ట్ మైలేజ్ ఇస్తాయి

మైలేజ్ ఎక్కువగా ఇచ్చే బైక్‌లకు డిమాండ్ పెరుగుతోంది. ముఖ్యంగా ఎలక్ట్రిక్, CNG వాహనాల అమ్మకాలు పెరుగుతున్నాయి. ఎందుకంటే పెట్రోల్ వెహికల్స్ తో పోలిస్తే ఎలక్ట్రిక్, సీఎన్జీ వెహికల్స్ మాత్రమే ఎక్కువ మైలేజీ ఇస్తాయి. CNGలో బెస్ట్ మైలేజ్ ఇచ్చే కొన్ని బైక్స్ వివరాలు ఇక్కడ ఉన్నాయి. 

మీరు మంచి మైలేజ్ ఇచ్చే వెహికల్ కొనాలని ప్లాన్ చేస్తున్నారా? పెట్రోల్ వెహికల్స్ కంటే సీఎన్జీ, ఎలక్ట్రిక్ బైక్స్ అయితే బాగా మైలేజ్ ఇస్తాయి. ఇక్కడ ఉన్న బైకులు మీకు మంచి సెలక్షన్ కి ఉపయోగపడతాయి. ఆటోమొబైల్ మార్కెట్ లో ప్రముఖ కంపెనీలకు చెందిన రెండు CNG ద్విచక్ర వాహనాలకు చెందిన వివరాలు ఇక్కడ ఉన్నాయి. 

TVS జూపిటర్ CNG 52 km/kg

TVS, ఆటో ఎక్స్‌పో 2025లో తమ కొత్త జూపిటర్ 125 CNGని విడుదల చేసింది. కొత్త స్కూటర్‌లో 2 లీటర్ల పెట్రోల్ ట్యాంక్, 1.4 kg CNG ట్యాంక్ ఉంటాయి. దీని ద్వారా దాదాపు 226 కి.మీ. వరకు ప్రయాణించవచ్చు. ఈ వాహనం ఇంకా మార్కెట్ లోకి రాలేదు. TVS త్వరలోనే జూపిటర్ CNG వెర్షన్‌ను భారతదేశంలో విడుదల చేస్తుంది.

ఈ స్కూటర్ 52 km/kg CNG మైలేజ్ ఇస్తుంది. స్కూటర్‌లో LED హెడ్‌లైట్, USB ఛార్జర్, సైడ్ స్టాండ్ కట్-ఆఫ్ ఉంటాయి.

బజాజ్ ఫ్రీడమ్ 125– 65 km/kg

బజాజ్ కంపెనీ దశాబ్దాలుగా ప్రజల మన్ననలు పొందుతోంది. తక్కువ ధరకే వాహనాలు విక్రయిస్తూ ప్రజాదరణ పొందుతోంది. అందుకే ఇప్పుడు లీటరుకు అత్యధిక మైలేజ్ ఇచ్చే కొత్త బజాజ్ ఫ్రీడమ్ 125 వెహికల్ ని ఈ బ్రాండ్ కంపెనీ తీసుకొచ్చింది.

బజాజ్ ఫ్రీడమ్ 125లో పెట్రోల్, 2 kg CNG ట్యాంక్‌లు ఉంటాయి. 125cc ఇంజిన్ ఉన్న ఈ బైక్ 9.5 bhp @8000 rpm శక్తిని, 9.7 Nm టార్క్‌ను ఉత్పత్తి చేస్తుంది.

1 kg CNGతో ఈ బైక్ 65 km/kg మైలేజ్ ఇస్తుంది. భద్రత విషయంలో ఈ బైక్ బెస్ట్ అని రుజువైంది. ఫ్రీడమ్ 125 ధర మార్కెట్ లో రూ.1,10,000గా ఉంది. 

EV vs CNG ద్విచక్ర వాహనాలు

EV, CNG వాహనాలు ఇటీవల మార్కెట్లోకి చాలా వచ్చాయి. చాలా EV స్కూటర్లు 2.9 KWH నుండి 4 Kwh వరకు బ్యాటరీ ప్యాక్‌లను అందిస్తాయి. CNG, పెట్రోల్ వాహనాల కంటే ఛార్జింగ్ వెహికల్స్ రోజువారీ వినియోగానికి బాగా ఉపయోగపడతాయి. ఖర్చు కూడా తక్కువగా ఉంటుంది. అయితే ఎలక్ట్రిక్ వెహికల్స్ ధర మాత్రం ఇతర వాహనాలతో పోలిస్తే కాస్త ఎక్కువే ఉంటుంది. 

EV వాహనం పూర్తిగా ఛార్జ్ కావడానికి 4 నుండి 6 గంటలు పడుతుంది. ఫాస్ట్ ఛార్జర్‌లను ఉపయోగిస్తే ఛార్జింగ్ ఖర్చు ఎక్కువ అవుతుంది. కాబట్టి మీరు లాంగ్ టర్మ్ లో EVల నుండి ఎక్కువ విలువ పొందవచ్చు. బడ్జెట్ సమస్య ఉంటే CNG ద్విచక్ర వాహనాలను ఎంచుకోవడం బెటర్. మీ ఆర్థిక పరిస్థితులు, ఇష్టాయిస్టాలను పరిగణించుకొని మీకు తగిన వాహనాన్ని ఎంపిక చేసుకోండి.