మీరు కూడా వ్యాపారం ప్రారంభించారు అనుకుంటే, పెట్టుబడి ఎలా వస్తుంది అని ఆలోచిస్తున్నారా, అయితే కేంద్రంలోని మోడీ ప్రభుత్వం, నిరుద్యోగ యువతకు ముద్ర రుణాల పేరిట పది వేల నుంచి పది లక్షల వరకు ఆర్థిక తోడ్పాటు అందిస్తోంది. ప్రభుత్వ బ్యాంకుల నుంచి మీరు పొందవచ్చు. ప్రైవేటు అప్పులతో పోల్చినట్లయితే, ఇది చాలా తక్కువ అనే చెప్పాలి.
ఇక ఏ వ్యాపారం పెట్టాలా అని ఆలోచిస్తున్నారా, అయితే టీ బిజినెస్ పెట్టడం ద్వారా, చక్కటి ఆదాయం సంపాదించే వీలుంది. ఇంతకాలం టీ బిజినెస్ అంటే కేవలం, రోడ్డు పక్కన అమ్మే టీ షాపుల వాళ్లే గుర్తుకు వస్తారు. నిజానికి వారి ఆదాయం ఎంత ఉంటుందో ఎవరికీ ఉండదు. సాఫ్ట్ వేర్ ఉద్యోగుల కన్నా కూడా వీరు ఎక్కువ సంపాదన సంపాదిస్తున్నారు. అంటే ఈ మధ్య కాలంలో పలు సంస్థలు టీ షాపుల పేరిట ఫ్రాంచైజీ కూడా ఆఫర్ చేస్తున్నాయి. ఈ ఫ్రాంఛైజీల ద్వారా మీకు వ్యాపారం చేయడం సులభం అవుతుంది. ఆల్రెడీ ఆ ఫ్రాంచైజీకి ఉన్న బ్రాండ్ నేమ్, మీ వ్యాపారం అభివృద్ధి చెందేందుకు సహాయపడుతుంది.
ఫ్రాంచైజీ మోడల్ ద్వారా టీ షాపు పెట్టాలంటే, ముందుగా మీరు ఎంపిక చేసుకున్న ప్రదేశంలో, ఒక షాపు అద్దెకి తీసుకోవాలి. అలాగే మీకు నచ్చిన బ్రాండ్ ఫ్రాంచైజీ వద్దకు పోయి, కొటేషన్ ఎంత ఉందో ఎంక్వైరీ చేసుకోవాలి. మీరు ఆ ఫ్రాంచైజీ తీసుకుంటే, మీకు కలిగే లాభం ఏంటో, ముందుగా అంచనా వేసుకోవాలి. అప్పుడే మీరు ఈ బిజినెస్ లో సక్సెస్ అవుతారు. ఇక టీ ఫ్రాంచైజీల విషయానికి వస్తే, మార్కెట్లో మంచి బ్రాండ్ వాల్యూ ఉన్నటువంటి, టీ షాప్స్ అనేకం ఉన్నాయి. ఈ ఫ్రాంచైజీ వ్యాల్యూ సుమారు రెండు లక్షల నుంచి 10 లక్షల వరకు ఉంటుంది. అగ్రిమెంట్ లో భాగంగా మీరు వారి ఉత్పత్తులను విక్రయించాల్సి ఉంటుంది.
ఫ్రాంచైజీ మోడల్లో టీ షాప్ పెట్టాలంటే, సదరు సంస్థతో మీరు వ్యాపార ఒప్పందం కుదుర్చుకోవాలి. అంతేకాదు ఫ్రాంచైజీ లోటుపాట్లను ముందుగానే బేరీజు వేసుకో గలగాలి అప్పుడే, మీరు సక్సెస్ ఫుల్ బిజినెస్ ప్లాన్ చేయగలరు. ఫ్రాంచైజీ మోడల్ వల్ల ఒక లాభం ఉంది, ఏమిటంటే, మీరు ప్రత్యేకంగా పబ్లిసిటీ చేయాల్సిన పనిలేదు. ఆల్రెడీ ఆ సంస్థకు ఉన్న బ్రాండ్ ఇమేజ్ తోనే, మీ వ్యాపారం ముందుకు వెళుతుంది.
ఫ్రాంచైజీ ద్వారా మీరు టీ షాపు పెట్టడం ద్వారా, తక్కువ ధరకు ఉందికదా అని ఏది పడితే ఆ ఫ్రాంచైజీని తీసుకుంటే మీకు బ్రాండ్ వాల్యూ దక్కదు, పైగా మీ పెట్టుబడి కూడా వేస్ట్ అయిపోతుంది. కనుక మార్కెట్ ను పూర్తిగా స్టడీ చేసిన తర్వాతనే మీరు పెట్టుబడి పెట్టాలి. అనవసరంగా పేరు లేని బ్రాండ్లకు సెక్యూరిటీ డిపాజిట్ కడితే. మోస పోయే ప్రమాదం ఉంది. కనుక అడుగు వేయాలి. ఒకవేళ మీరు సొంతంగా తయారు చేసుకోగలిగితే, ఏ ఫ్రాంచైజీ లేకుండానే మీరు టీ షాప్ పెట్టుకోవచ్చు. కాస్త వినూత్నంగా ప్లాన్ చేసుకుంటే, ఇందులో చక్కటి లాభం ఉంది.