ఫుడ్ డెలివరీ ఆప్స్ వచ్చినప్పటి నుంచి హోటల్ తో పనిలేదు మంచి బిజీ సెంటర్లో రెస్టారెంట్ తెరవాల్సిన అవసరం లేకుండా పోతుంది ప్రస్తుతం సెంట్రలైజ్డ్ కిచెన్ క్లౌడ్ కిచెన్ అనేది మంచి కాన్సెప్ట్ గా ముందుకు వస్తోంది మీరు కూడా క్లౌడ్ కిచెన్ ద్వారా చక్కటి ఆదాయం పొందే అవకాశం ఉంది ప్రస్తుతం క్లౌడ్ కిచెన్ ఏర్పాటుకు ఎంత పెట్టుబడి పెట్టాలి అసలు ఈ బిజినెస్ ఐడియా గురించి తెలుసుకుందాం.
క్లౌడ్ కిచెన్ అనేది. మీ ఇంటి వద్ద కూడా తెరవచ్చు. అయితే దీనికి రెస్టారెంట్ ఉండదు అదొక్కటే తేడా, ఇక ఆర్డర్ల విషయానికొస్తే కేవలం ఫుడ్ డెలివరీ యాప్స్ ద్వారా మాత్రమే మీరు కస్టమర్లకు మీ ఆహారాన్ని అందజేయాల్సి ఉంటుంది ఇందుకోసం జొమాటో స్విగ్గి వంటి డెలివరీ ఆప్స్ తో పాటు మీరు కూడా డెలివరీ సర్వీసు పెట్టుకుంటే సరిపోతుంది.
క్లౌడ్ కిచెన్ ద్వారా లాభం ఏంటంటే మీరు మంచి సెంటర్లో రెస్టారెంట్ తెరవాల్సిన పనిలేదు తద్వారా మీకు రెస్టారెంట్ పెట్టుబడి డబ్బు సేవ్ అవుతుంది. అద్దె గోల ఉండదు. పెద్ద పెట్టుబడి పెట్టాల్సిన పనిలేదు. అంతే కాదు క్లౌడ్ కిచెన్ ద్వారా మీరు కస్టమర్లను నేరుగా పొందే అవకాశం ఉంది. ఆన్లైన్ ద్వారా మీరు కస్టమర్లను పొందుతారు. తద్వారా మీరు చక్కటి ఆదాయం పొందే అవకాశం ఉంది. దీనికి ప్రారంభ పెట్టుబడి రూ. 2 లక్షల నుంచి మొదలవుతుంది.
ఈ క్లౌడ్ కిచెన్ కాన్సెప్ట్ ద్వారా టాలీవుడ్ నటుడు నాగచైతన్య సైతం బిజినెస్ ప్రారంభించి చక్కటి ఆదాయం పొందుతున్నారు. అయితే ఈ క్లౌడ్ కిచెన్ తెరిచేందుకు మీరు ఫుడ్ సెక్యూరిటీ సంస్థ నుంచి లైసెన్స్ పొందాల్సి ఉంటుంది అలాగే స్థానిక మున్సిపాలిటీ నుంచి కూడా లైసెన్స్ పొందాల్సి ఉంటుంది. క్లౌడ్ కిచెన్ లో పని చేసేందుకు వంట వాళ్లను హైర్ చేసుకోవాల్సి ఉంటుంది.
ప్రస్తుతం ప్రపంచవ్యాప్తంగా ఈ క్లౌడ్ కిచెన్ కాన్సెప్ట్ బాగా వర్క్ అవుట్ అవుతోంది. ఫుడ్ డెలివరీ యాప్స్ ప్రస్తుతం చిన్న పట్టణాలకు కూడా విస్తరిస్తున్నాయి ఈ నేపథ్యంలో చిన్నపట్టణాల్లో సైతం క్లౌడ్ కిచెన్ సర్వీసులకు మంచి అవకాశం ఉంది.
అయితే ఏ ఫుడ్ బిజినెస్ అయినా ప్రాథమిక సూత్రం రుచి నాణ్యత మెయింటైన్ చేయాల్సి ఉంటుంది అప్పుడే అది రెస్టారెంట్ అయినా క్లౌడ్ కిచెన్ అయిన చివరకు వీధి చివర బజ్జీల బండి అయినా, సక్సెస్ అయ్యే అవకాశం ఉంటుంది. లేదంటే సక్సెస్ పొందలేరు.