రిలయన్స్ ఇండస్ట్రీస్(reliance industries) అధినేత ముఖేష్ అంబానీ(mukesh ambani) దేశంలోని అత్యంత సంపన్నులలో ఒకరు. అంతే కాదు ఫోర్బ్స్ (forbes)జాబితాలోని టాప్ 10 సంపన్నుల జాబితాలో ముఖేష్ అంబానీ కూడా ఉన్నారు. ప్రతి సామాన్యుడు ముఖేష్ అంబానీ, అతని కుటుంబం విలాసవంతమైన జీవితాన్ని గడపాలని కలలు కంటుంటారు.
తండ్రులు చాలా ధనవంతులు అయితే వారి పిల్లల జీవితాలు ఎలా ఉంటాయి..? మీరు కూడా ఇలా ఆలోచిస్తే ముఖేష్ అంబానీ కుమార్తె ఇషా అంబానీ లైఫ్ స్టయిల్ గురించితప్పక తెలుసుకోవాలి. భారతీయ వ్యాపారవేత్త ముఖేష్ అంబానీ, నీతా అంబానీ(nita ambani)ల కుమార్తె ఇషా అంబానీ(isha ambani) వివాహం 2018 సంవత్సరంలో జరిగింది. అయితే ప్రపంచం మొత్తం దృష్టి ఈ పెళ్లిపై పడింది. ఇషా అంబానీ పెళ్లికి దాదాపు 100 మిలియన్ డాలర్లు అంటే రూ.720 కోట్లు ఖర్చు చేశారు. ఇషా అంబానీ లైఫ్ స్టయిల్ ఒక యువరాణి కంటే తక్కువేం కాదు. పెళ్లయ్యాక పెద్ద వ్యాపార కుటుంబానికి కోడలుగా మారిన ఇషా అంబానీ ఇల్లు ఎలా ఉందో, పెళ్లికి ముందే ఆమె తల్లిదండ్రుల అపారమైన సంపద, ఆమెకు ఎంత ఆస్తి ఉందో తెలుసా.. మరి ఆమె ఎంత విలాసవంతమైన జీవితాన్ని గడుపుతున్నారో తెలుసుకుందాం...
ఇషా అంబానీ బంగ్లా
ఇషా అంబానీ తన కుటుంబంతో వివాహానికి ముందు ముంబైలోని యాంటిలియా(antilia)లో తండ్రి ముఖేష్ అంబానీ ఇంట్లో నివసించినప్పటికీ, వివాహానంతరం ఆమె తన భర్త ఆనంద్ పిరమల్‌తో నివసిస్తున్నారు. వర్లీలో ఉన్న ఈ బంగ్లా పేరు గులిటా. ఈ బంగ్లాను 2012లో హిందుస్థాన్ యూనిలీవర్ నుంచి కొనుగోలు చేశారు. ఆ సమయంలో ఈ విలాసవంతమైన బంగ్లా ధర దాదాపు 10 బిలియన్ డాలర్లు అంటే దాదాపు రూ. 450 కోట్లు, దీనిని ఇషా అంబానీ మామగారు అజయ్ పిరమల్ దక్కించుకున్నారు.
ఇప్పుడు ఈ ప్యాలెస్ లాంటి బంగ్లా నిర్మాణం ధర మరింత పెరిగింది. ఐదు అంతస్తుల ఈ బంగ్లా 50 వేల చదరపు అడుగుల విస్తీర్ణంలో ఉంది. ఇంట్లో మూడు బేస్ మేట్స్, పార్కింగ్, ఒక అంతస్తులో గార్డెన్, ఎయిర్ వాటర్ బాడీ ఉన్నాయి. ఇంట్లో చాలా బెడ్‌రూమ్‌లు, స్టడీ రూమ్, స్విమ్మింగ్ పూల్, డ్రెస్సింగ్ రూమ్ ఇంకా ఆన్ని రకాల లగ్జరీ సౌకర్యాలు ఉన్నాయి.
ఇషా అంబానీ సంపద
రిలయన్స్ ఇండస్ట్రీస్ అనుసంధానమైన కంపెనీలలో ఇషా అంబానీకి ఒక ముఖ్యమైన స్థానాన్ని కలిగి ఉంది. ఒక నివేదిక ప్రకారం అతని నికర విలువ సుమారు $ 100 మిలియన్లు అంటే రూ. 668 కోట్లు.
ఆమె ఆదాయ వనరులు
రిలయన్స్ ఇండస్ట్రీస్ వాటాదారులలో ఇషా అంబానీ కూడా ఉంది. అంతేకాకుండా అజియో(ajio) ఫ్యాషన్ ఆన్‌లైన్ బ్రాండ్ 2016 సంవత్సరంలో లాక్మే ఫ్యాషన్ వీక్‌లో ప్రారంభించారు. అక్టోబర్ 2021లో ఇషా అంబానీ రిలయన్స్ బ్రాండ్స్ ద్వారా ప్రముఖ ఫ్యాషన్ డిజైనర్ మనీష్ మల్హోత్రా ఫ్యాషన్ బ్రాండ్‌లో పెట్టుబడి పెట్టి 40 శాతం వాటాను కొనుగోలు చేశారు.
ఇషా అంబానీ ఇష్టాలు
స్కూల్ డేస్ నుంచి ఇషా అంబానీకి ఫుట్‌బాల్ అంటే చాలా ఇష్టం. ఇషా అంబానీ పియానో కూడా వాయించేవారు. అంతేకాకుండా తల్లి నీతా అంబానీ లాగానే ఫ్యాషన్ బ్రాండ్లపై ఇషాకు చాలా ఆసక్తి ఉంది.