రాయల్ ఎన్‌ఫీల్డ్ క్లాసిక్ 350 కొత్త రంగులు, LED లైట్లు, అడ్జస్టబుల్ క్లచ్ వంటి ఫీచర్లతో అప్‌డేట్ చేయబడింది. ఇలా అద్భుతమైన ఫీచర్లతో పాటు అధిక డిమాండ్ ఉన్న ఈ టూ-వీలర్ ధర గురించి మరింత తెలుసుకోండి.
2024 క్లాసిక్ 350 కోసం బుకింగ్‌, టెస్ట్ రైడ్‌లు ఆదివారం (సెప్టెంబర్ 1) ప్రారంభమయ్యాయి. 2024 మోడల్ కోసం క్లాసిక్ 350 కొత్త రంగులతో అప్‌డేట్ చేయబడింది. అలాగే అదనపు ఫీచర్లతో మెరుగులుదిద్దారు.
అప్‌డేట్ చేయబడిన క్లాసిక్ 350 ఇప్పుడు LED పైలట్ లైట్లు, హెడ్‌లైట్లు, టెయిల్‌లైట్‌లను కలిగి ఉంది. అదనంగా అడ్జస్టబుల్ క్లచ్, బ్రేక్ లివర్‌లను, గేర్ పొజిషన్ ఇండికేటర్‌ను కలిగి ఉంది.
ఇది USB టైప్-సి ఛార్జర్‌ను కూడా కలిగి ఉంది. ఈ బైక్ 349cc సింగిల్-సిలిండర్ ఇంజిన్ ద్వారా శక్తిని పొందుతుంది, ఇది 6,100rpm వద్ద 20.2bhp, 4,000rpm వద్ద 27Nm టార్క్‌ను ఉత్పత్తి చేస్తుంది. ఇది ఐదు-స్పీడ్ గేర్‌బాక్స్‌తో జతచేయబడింది.
రాయల్ ఎన్ ఫీల్డ్ క్లాసిక్ ఐదు వేరియంట్‌లలో ఏడు కొత్త రంగులను లభిస్తోంది: హెరిటేజ్ (మద్రాస్ రెడ్, జోధ్‌పూర్ బ్లూ), హెరిటేజ్ ప్రీమియం (మెటాలియన్ బ్రాంజ్), సిగ్నల్స్ (కమాండో సాండ్), డార్క్ (గన్ గ్రే, స్టెల్త్ బ్లాక్), క్రోమ్ (ఎమరాల్డ్) రంగుల్లో లభిస్తుంది.
స్టెల్త్ బ్లాక్ వేరియంట్ ప్రత్యేకమైనది, ఇది స్టైలిష్ అల్లాయ్ వీల్స్‌తో వస్తుంది. రాయల్ ఎన్‌ఫీల్డ్ క్లాసిక్ 350 యొక్క 2024 ఎడిషన్ చివరకు భారతీయ మార్కెట్లో రూ. 1.99 లక్షల ప్రారంభ ధరకు విడుదలైంది. ఈ మోడల్ యొక్క టాప్ వేరియంట్ ధర రూ. 2.30 లక్షలు.