భారతదేశంలో అత్యంత ప్రజాదరణ పొందిన సూపర్ బైక్(super bike) సుజుకి హయబూసా సేల్స్ అందుబాటులోకి వచ్చాయి. 2021 మోడల్ సుజుకి హయబుసా (suzuki hayabusa)మూడవ జనరేషన్ మోడల్. అయితే దీని పవర్ కొద్దిగా తక్కువ కానీ కొత్త ఎలక్ట్రానిక్స్ అందించారు. ఆశ్చర్యకరమైన విషయం ఏంటంటే ఈ బైక్ హాట్ కేక్‌ల అమ్ముడవుతోంది అంతేకాదు బుకింగ్‌లు కూడా కొన్ని గంటల్లో అయిపోయాయి.
కొత్త హయబుసా భారతదేశంలో అత్యంత ప్రజాదరణ పొందిన సూపర్‌బైక్‌లలో ఒకటిగా వారసత్వాన్ని అందిస్తోంది. 2021 హయబుసా 1,340సి‌సి, ఫోర్-స్ట్రోక్, ఫ్యూయల్-ఇంజెక్ట్, లిక్విడ్-కూల్డ్, డి‌ఓ‌హెచ్‌సి, ఇన్‌లైన్ ఫోర్ ఇంజిన్ 9,700 ఆర్‌పి‌ఎం వద్ద 187 బి‌హెచ్‌పి, 7,000 ఆర్‌పి‌ఎం వద్ద 150ఎన్‌ఎం గరిష్ట టార్క్‌ను ఉత్పత్తి చేస్తుంది.
ఈ బైక్ టాప్ స్పీడ్ ఇప్పటికీ 299 kmphగా రేట్ చేయబడింది. ఈ సారి బైక్ బరువు 2 కేజీల తగ్గి 264 కిలోలు ఉంటుంది, అయితే భారతీయ మోడళ్లలో నంబర్ ప్లేట్ హోల్డర్, సారి గార్డుతో బరువు 266 కిలోల వరకు ఉంటుంది. అప్ డేట్ ఇంజిన్‌తో పాటు ఈ బైక్ లో ఎన్నో రకాల ఎలక్ట్రానిక్ రైడర్ ఎయిడ్స్, సిక్స్-యాక్సిస్ ఇనర్షియల్ మెజర్మెంట్ యూనిట్ (IMU)ని కూడా పొందుతుంది.
యూ‌ఎస్‌పి అనేది సుజుకి ఇంటెలిజెంట్ రైడ్ సిస్టమ్ (SIRS) దీని కింద మీరు మూడు రైడింగ్ మోడ్‌లు, మూడు యూజర్-డిఫైనేడ్ మోడ్‌లను పొందుతారు, ట్రాక్షన్ కంట్రోల్, యాంటీ-లిఫ్ట్ కంట్రోల్, ఇంజిన్ బ్రేక్ కంట్రోల్ మొదలైన వాటి కోసం విభిన్న సెట్టింగ్‌లు ఉంటాయి.
కొత్త సుజుకి హయబుసా లాభాలు, నష్టాలు ఏంటంటే
లాభాలు
1.పర్ఫర్మెంస్ అండ్ హ్యాండ్లింగ్
2.అధునాతన ఎలక్ట్రానిక్స్ సూట్, సిక్స్ - ఆక్సీస్ ఈనెర్షియల్ మెజర్మెంట్ యూనిట్ (IMU)సపోర్ట్
3.బ్రెంబో స్టైలేమా బ్రేక్‌లు ఖచ్చితంగా షాట్ ఆపే శక్తిని అందిస్తాయి.
4.ఆకర్షణీయమైన ట్విన్ అనలాగ్ వాచ్ ఇంకా సెంట్రల్ టి‌ఎఫ్‌టి ప్యానెల్‌తో అప్‌డేట్ చేయబడిన ఇన్‌స్ట్రుమెంట్ కన్సోల్.
5.పోటీ ధర రూ.16.40 లక్షలు (ఎక్స్-షోరూమ్).
నష్టాలు
1.భారతదేశంలో స్టాక్ లభ్యత
2.పెద్ద 1,340సి‌సి ఇన్‌లైన్ ఫోర్-సిలిండర్ ఇంజిన్ హాట్ గా పనిచేస్తుంది
3.క్లచ్ లివర్‌పై కొంచెం బరువు అనుభూతి అనిపిస్తుంది
4.ట్రాఫిక్‌లో ప్రయాణించడం సౌకర్యంగా ఉండదు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి