ఇప్పుడు కార్లు కొనేందుకు కొత్త పద్ధతి.. రిటైల్ ఫ్యూచర్ సేల్స్ ప్రోగ్రాం లాంచ్ చేసిన మెర్సిడెస్ బెంజ్..
జర్మన్ లగ్జరీ ఆటోమోటివ్ బ్రాండ్ మెర్సిడెస్ బెంజ్(mercedes benz) అధికారికంగా ఇండియాలో రిటైల్ ఆఫ్ ది ఫ్యూచర్ (ROTF) అనే కొత్త 'డైరెక్ట్ టు కస్టమర్' సేల్స్ మోడల్ని ప్రారంభించింది. అయితే ఈ సంవత్సరం జూన్లోనే కొత్త సేల్స్ ప్రోగ్రామ్(sales program)కి మారాలని సంస్థ ప్రణాళికను ప్రకటించింది.
ఆటోమేకర్స్ ఫ్రాంచైజ్ భాగస్వాములతో పాటు కంపెనీ , కస్టమర్ మధ్య మరింత పారదర్శకతను తీసుకురావాలని లక్ష్యంగా పెట్టుకుంది. ఆర్ఓటిఎఫ్ (rotf)కింద మెర్సిడెస్ బ్రాండ్ కార్లను నేరుగా కస్టమర్లకు విక్రయిస్తుంది, అయితే డీలర్షిప్లు ఈ కార్లను డెలివరీ చేస్తాయి, అలాగే సర్వీసింగ్ ఇంకా ఇతర డెలివరీలపై కూడా భరోసా ఇస్తాయి, వీరిని ఫ్రాంచైజ్ పార్ట్నర్స్ అని పిలుస్తారు.
ఆర్ఓటిఎఫ్ తో మెర్సిడెస్ బెంజ్ కార్లను నేరుగా కస్టమర్లకు విక్రయిస్తుంది, అయితే డీలర్షిప్లు డెలివరీ, సర్వీసింగ్, ఇతరవి చూసుకుంటాయి
ఆర్ఓటిఎఫ్ కింద మెర్సిడెస్ బెంజ్ చేతిలో కార్ల పూర్తి స్టాక్ ఉంటుంది వాటిని ఆన్లైన్లో లేదా షోరూమ్ల ద్వారా నేరుగా కస్టమర్కు విక్రయిస్తుంది. వాహన తయారీదారుల డీలర్షిప్లు అలాగే కొనసాగుతాయి, సర్వీస్ సెంటర్లు కూడా అలాగే ఉంటాయి. ఇప్పటి వరకు కంపెనీ డీలర్షిప్లు తయారీదారి నుండి పెద్దమొత్తంలో కార్లను కొనుగోలు చేసి తర్వాత వాటిని కస్టమర్కు రిటైల్ చేస్తారు. ఈ మార్పుతో మెర్సిడెస్-బెంజ్ ఇండియా కస్టమర్లందరికీ మెరుగైన ధరలను అందిస్తామని హామీ ఇవ్వడమే కాకుండా డీలర్లపై ఇన్వెంటరీ ధరలు, వేర్ హౌసింగ్ భారాన్ని కూడా తగ్గిస్తుంది.