లాంచ్‌కు ముందే కొత్త జనరేషన్ ఆల్టో ఫోటోలు లీక్.. మినీ కూపర్ లాంటి లుక్ తో..

జపనీస్ ఆటోమేకర్ సుజుకి (suzuki) ఎంట్రీ-లెవల్ హ్యాచ్‌బ్యాక్ కారు ఆల్టో (alto) కొత్త జనరేషన్ మోడల్‌పై పని చేస్తోంది, ఈ కారు రాబోయే కొద్ది నెలల్లో జపాన్‌లో లాంచ్ కానుంది. జపనీస్-స్పెక్ మోడల్ ఇండియా-స్పెక్ మోడల్ నుండి పూర్తిగా భిన్నంగా కనిపిస్తుంది. కొత్త ఆల్టో గురించి కంపెనీ అధికారిక వెల్లడి కంటే ముందే కొత్త జనరేషన్ సుజుకి ఆల్టో (suzuki alto) బ్రోచర్ వివరాలు ఇంటర్నెట్‌లో లీక్ అయ్యాయి.

కొత్త జనరేషన్ సుజుకి ఆల్టో జనవరి 2022లో ఆవిష్కరించనున్నట్లు  కొన్ని నివేదికలు పేర్కొన్నాయి. అయితే దీనిపై సుజుకీ ఇంకా అధికారిక ప్రకటన చేయలేదు. 9వ జనరేషన్ ఆల్టో లైట్ HEARTECT ప్లాట్‌ఫారమ్ మెరుగైన వెర్షన్‌పై ఆధారపడి ఉంది. ఈ ప్లాట్‌ఫారమ్ పై ఇండియా-స్పెక్ సుజుకి ఎస్-ప్రెస్సో (suzuki S-presso), కొత్త వ్యాగన్ఆర్ (waganr) కూడా ఉపయోగించారు.

కొత్త లుక్ ఎలా ఉందంటే..
లీకైన ఫోటోలో కొత్త జనరేషన్ సుజుకి ఆల్టో పాత మోడల్ కంటే మెరుగ్గా కనిపిస్తోంది. అయితే  బాక్సీ ఆకారం, పొడవైన లుక్ ఉంది. ఈ చిన్న కారుకి రెండు పెద్ద హెడ్‌ల్యాంప్‌ల మధ్య క్రోమ్ బార్‌తో చిన్న ఫ్రంట్ గ్రిల్‌ ఉంటుంది. ఈ హ్యాచ్‌బ్యాక్ వైట్ రూఫ్‌తో డ్యూయల్-టోన్ కలర్ ఆప్షన్‌లలో అందుబాటులోకి వచ్చింది. ఇంకా 7-స్పోక్ వీల్స్, అయిరీ ఫ్రీ కోసం పెద్ద విండో గ్లాసెస్, ర్యాప్-అరౌండ్ టెయిల్-లైట్లను పొందుతుంది.

ఇంటీరియర్ అండ్ ఫీచర్లు
జపాన్ మార్కెట్ కోసం కొత్త జనరేషన్ సుజుకి ఆల్టో సరికొత్త ఇంటీరియర్స్‌తో వస్తుంది.  ఇప్పుడు పాత మోడల్ కంటే చాలా మెరుగ్గా ఉంటుంది. సెంట్రల్ కన్సోల్‌లో చిన్న ఇన్ఫోటైన్‌మెంట్ సిస్టమ్, ఎయిర్ కాన్ వెంట్‌లు, కొత్త ఏ‌సి బటన్లు వంటి ఫీచర్స్ పొందుతుంది. ఇంకా ఆడియో అండ్ బ్లూటూత్ టెలిఫోనీ కంట్రోల్ తో కూడిన మల్టీ-ఫంక్షన్ స్టీరింగ్ వీల్‌ను కూడా పొందుతుంది.

అధిక మైలేజ్
నివేదిక ప్రకారం స్టాండర్డ్ వేరియంట్ కొత్త ఇన్-లైన్ 3-సిలిండర్ పెట్రోల్ ఇంజిన్‌ను పొందుతుంది,  పాత మోడల్ కంటే మెరుగైన పనితీరును ఇస్తుందని భావిస్తున్నారు. కొత్త మోడల్ మైల్డ్ హైబ్రిడ్ సిస్టమ్‌ను పొందుతుందని ధృవీకరించింది. ఈ ఎస్‌హెచ్‌వి‌ఎస్ మైల్డ్ హైబ్రిడ్ సిస్టమ్ ఆల్టో  మొత్తం మైలేజీని పాత మోడల్ కంటే మరింత పెంచుతుంది. కొత్త ఆల్టో  అత్యంత ఇంధన సామర్థ్య కార్లలో ఒకటిగా భావిస్తున్నారు.

భారతదేశంలో కొత్త ఆల్టో
మారుతి సుజుకి కూడా భారతదేశంలో కొత్త జనరేషన్ ఆల్టో హ్యాచ్‌బ్యాక్‌ను టెస్టింగ్ చేయడం ప్రారంభించింది. ఇండియా-స్పెక్ మోడల్ జపాన్-స్పెక్ మోడల్ నుండి పూర్తిగా భిన్నంగా ఉంటుంది. ఇప్పుడు చాలా పెద్దదిగా, ఎక్కువ స్థలంతో వస్తుంది. కొత్త ఆల్టో ప్రస్తుత మోడల్ కంటే పొడవుగా, వెడల్పుగా, పొడవుగా ఉంటుందని  లికైన ఫోటోలు వెల్లడిస్తున్నాయి.

సి‌ఎన్‌జితో 
కొత్త మోడల్ సుజుకి   లైట్ వెయిట్ HEARTECT ప్లాట్‌ఫారమ్‌లో రూపొందించి, అభివృద్ధి చేశారు. దీనిపై కొత్త WagonR, S-Presso రాబోయే సెలెరియోలో కూడా ఉపయోగించారు. కొత్త మోడల్ ప్రస్తుత కారు కంటే తేలికగా ఉంటుంది, దీనివల్ల  సామర్థ్యాన్ని మెరుగుపరుస్తుంది.  ప్రస్తుతం ఉన్న 800cc, 3-సిలిండర్ పెట్రోల్ ఇంజన్‌తో అందించే అవకాశం ఉంది. కంపెనీ కొత్త ఆల్టోలో 1.0-లీటర్ 3-సిలిండర్ పెట్రోల్ ఇంజన్ ఆప్షన్ కూడా ఉండవచ్చు, అయితే ఇంతకుముందు ఆల్టో కె10లో ప్రవేశపెట్టబడింది. కొత్త ఆల్టో కారు సి‌ఎన్‌జి ఆప్షన్ కూడా పొందుతుంది.