భారత మార్కెట్లో ప్రయాణాన్ని ప్రారంభించిన ఇటాలియన్ లగ్జరీ కార్ కంపెనీ మసెరటి(Maserati) కొత్త SUV గ్రెకేల్‌ను అధికారికంగా లాంచ్ చేసింది. మూడు వేరియంట్లలో వస్తున్న ఈ SUV ప్రారంభ ధర రూ. 1.31 కోట్లు (ఎక్స్-షోరూమ్)గా నిర్ణయించారు.
మార్కెట్లో, ఈ కారు పోర్స్చే పాపులర్ కారు మకాన్‌తో పోటీపడుతుంది, దీని ధర రూ. 96.05 లక్షల నుండి ప్రారంభమవుతుంది. ఆకర్షణీయమైన లుక్, శక్తివంతమైన ఇంజన్‌తో కూడిన ఈ కారులో ఎన్నో గొప్ప ఫీచర్లు ఉన్నాయి. మరి ఈ కొత్త SUV ఎలా ఉంటుందో చూద్దాం...
ఎక్ట్సీరియర్ గురించి చెప్పాలంటే, కంపెనీ స్పెషల్ సిగ్నేచర్ స్టైల్ స్టేట్‌మెంట్ గ్రిల్ గ్రేస్కేల్‌లో ఇచ్చారు. దీనిలో chrome-finish, పెద్ద సైజు బంపర్ మెరుగైన లుక్ ఇస్తుంది. ముందు భాగంలో మసెరటి లోగో, ట్విన్ డ్యూయల్-ఎగ్జాస్ట్ టిప్, LED హెడ్‌లైట్ సెటప్‌తో ఫినిషింగ్ ఇచ్చారు. ఇంటిగ్రేటెడ్ డేటైమ్ రన్నింగ్ లైట్లతో (DRL's) కంపెనీ 19-అంగుళాల అల్లాయ్ వీల్‌ను అందించింది.
మసెరటి గ్రీకేల్ బేస్ వేరియంట్ GTలో కంపెనీ 2.0 లీటర్ కెపాసిటీ గల 4 సిలిండర్ టర్బో పెట్రోల్ ఇంజన్‌ని అందించింది. ఈ ఇంజన్ 300hp పవర్ ఉత్పత్తి చేస్తుంది. ఈ ఇంజన్ 8-స్పీడ్ ఆటోమేటిక్ ట్రాన్స్‌మిషన్ గేర్‌బాక్స్‌తో ఉంటుంది. ఈ SUV కేవలం 5.6 సెకన్లలో 0 నుండి 100 km/h స్పీడ్ అందుకోగలదని కంపెనీ పేర్కొంది. దీని టాప్ స్పీడ్ గంటకు 240 కి.మీ.
మిడ్ వేరియంట్ గ్రేకేల్ మోడెనాలో కూడా, కంపెనీ 2.0 లీటర్ ఇంజన్‌ను అందించింది, 330hp పవర్ ఉత్పత్తి చేస్తుంది. ఈ కారు 0 నుండి 100 కి.మీ/గం స్పీడ్ అందుకోవడానికి కేవలం 5.3 సెకన్లు మాత్రమే పడుతుంది. అంతే కాకుండా, ఇతర ఫీచర్స్ బేస్ మోడల్ GT లాగే ఉంటాయి. అయితే, దీనికి లిమిటెడ్ స్లిప్ డిఫరెన్షియల్ అండ్ అడాప్టివ్ సస్పెన్షన్ ఇచ్చారు. ఈ వేరియంట్‌లో కంపెనీ క్రోమ్‌కు బదులుగా బ్లాక్ కలర్ హైలైట్‌లతో వచ్చే 20 అంగుళాల వీల్స్‌ను అందించింది.
టాప్ వేరియంట్ గ్రెకేల్ ట్రోఫియో ఇంజన్ అత్యంత పవర్ ఫుల్. ఈ వేరియంట్‌లో కంపెనీ 3.0 లీటర్ V6 టర్బో-పెట్రోల్ ఇంజిన్‌ను అందించింది. 530hp స్ట్రాంగ్ పవర్ ఉత్పత్తి చేస్తుంది. ఈ వేరియంట్ కేవలం 3.8 సెకన్లలో గంటకు 0 నుండి 100 కి.మీ స్పీడ్ అందుకోగలదని కంపెనీ పేర్కొంది. ఈ వేరియంట్‌లో ఎలక్ట్రానిక్ లిమిటెడ్ స్లిప్ డిఫ్ స్టాండర్డ్‌గా ఇచ్చారు. ఇది కాకుండా, ఈ టాప్ వేరియంట్‌లో 21-అంగుళాల అల్లాయ్ వీల్ తో బ్రేక్ కాలిపర్‌లపై రెడ్ హైలైట్‌లతో వస్తుంది.
క్యాబిన్ ఎలా ఉంటుందంటే:
మసెరటి గ్రెకేల్ క్యాబిన్‌ను ప్రీమియం, లగ్జరీ చేయడానికి ప్రతి ప్రయత్నం జరిగింది. మెమరీ ఫంక్షన్‌తో వచ్చే 10-వే పవర్డ్ ఫ్రంట్ సీట్లు, 12 అంగుళాల డ్యూయల్ స్క్రీన్ ఇందులో ఒకటి ఇన్ఫోటైన్‌మెంట్ సిస్టమ్ కోసం మరొకటి డిజిటల్ ఇన్‌స్ట్రుమెంట్ క్లస్టర్‌. హెడ్-అప్-డిస్‌ప్లే (HUD), డ్యూయల్ జోన్ క్లైమేట్ కంట్రోల్, 14 స్పీకర్లు దీన్ని మరింత సూపర్ చేస్తాయి. అల్యూమినియం పాడిల్ షిఫ్టర్లు కూడా ఇచ్చారు. సేఫ్టీ పరంగా ఈ SUV లెవెల్-1 అడ్వాన్స్‌డ్ డ్రైవింగ్ అసిస్టెన్స్ సిస్టమ్ (ADAS) సూట్‌ పొందుతుంది.
ప్రీ-కాన్ఫిగర్డ్ కార్స్ ఇప్పటికే అమ్మకానికి ఉన్నాయని కంపెనీ తెలిపింది. అయితే కస్టమర్లు వారి సెలక్షన్ ప్రకారం ఈ కారును కస్టమైజ్ చేసుకునే సౌకర్యం కూడా ఉంటుంది. అయితే కస్టమైజ్డ్ మోడల్ డెలివరీ కోసం దాదాపు 5 నుంచి 8 నెలల వరకు వేచి ఉండాల్సి ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి