Made-in-India Cars:ఇండియాలో తయారైన ఈ 4 కార్లు విదేశీ మార్కెట్లలో మాత్రమే అమ్ముడవుతాయి.. ఎందుకో తెలుసా..?

భారతదేశంలో తయారు చేసిన వాహనాలు చాలా ఉన్నాయి కానీ వీటిని దేశీయ మార్కెట్లో విక్రయించబడవు. ఈ మేడ్ ఇన్ ఇండియా కార్లను విదేశీ మార్కెట్లలో మాత్రమే విక్రయిస్తున్నారు. వీటిలో కొన్ని వాహనాలను అంతర్జాతీయ మార్కెట్‌లో ఇతర పేర్లతో విక్రయిస్తున్నారు. భారతదేశంలో తయారు చేయబడిన అండ్ విదేశాలకు ఎగుమతి అవుతున్న  4 వాహనాల గురించి మీకోసం. వీటిలో సుజుకి, టయోటా, మహీంద్రా వాహనాలు ఉన్నాయి.

సుజుకి జిమ్నీ
అతిపెద్ద కార్ల తయారీ సంస్థ మారుతీ సుజుకి ప్రజల స్పందనను అంచనా వేయడానికి 2020 ఆటో ఎక్స్‌పోలో జిమ్నీ (Jimny) కాంపాక్ట్ SUVని పరిచయం చేసింది. పెట్రోల్‌తో నడిచే ఈ SUV AWD టెక్నాలజీ పొందింది ఇంకా ఈ ఎస్‌యూ‌వి అంతర్జాతీయ మార్కెట్‌లో ఒక పాపులర్ ఉత్పత్తి.

మారుతీ సుజుకి భారతదేశంలో తయారు చేసిన సుజుకి జిమ్నీ SUVని అంతర్జాతీయ మార్కెట్‌లకు ఎగుమతి చేస్తుంది.  లాటిన్ అమెరికా దేశాలైన పెరూ, కొలంబియాకు రవాణా చేయబడుతుంది, వీటిని కంపెనీ హర్యానాలోని గురుగ్రామ్ ప్లాంట్‌లో తయారు చేస్తారు.

మారుతి సుజుకి జనవరి 2023 నాటికి భారతదేశంలో జిమ్నీని తీసుకురవొచ్చు. దీని అంచనా ధర రూ.10.00 లక్షలు. మారుతి నుండి ఈ ఆఫ్-రోడర్ SUV మహీంద్రా థార్, ఫోర్స్ గూర్ఖాతో పోటీపడగలదు. 

మహీంద్రా స్కార్పియో గెట్‌అవే
2022 మహీంద్రా స్కార్పియో గెట్‌వే టెస్టింగ్ కోసం ఇటీవల భారతీయ రోడ్లపై చేశారు. భారతీయ UV తయారీ సంస్థ ప్రస్తుతం ఎగుమతి మార్కెట్ల కోసం కొత్త మోడల్‌ను పరీక్షిస్తోంది. అయితే, కంపెనీ దీనిని ఇప్పటికే ఖతార్‌తో సహా ఎన్నో అంతర్జాతీయ మార్కెట్‌లలో విక్రయిస్తోంది, ఇక్కడ దీనికి మహీంద్రా పిక్ అప్ అని పేరు పెట్టారు.

మహీంద్రా స్కార్పియో గెట్‌అవే భారతదేశంలో  తయారు చేయబడింది. దేశీయ మార్కెట్ కోసం మహీంద్రా స్కార్పియో గెట్‌అవేని అప్ డేట్ BS-VI ఇంజన్‌తో పరీక్షిస్తోంది. కానీ కంపెనీ దాని లాంచ్ తేదీకి సంబంధించి ఎలాంటి సమాచారాన్ని వెల్లడించలేధు. చిప్ కొరత సమస్యతో సంస్థ  వాహనం  భారతదేశంలో లాంచ్ త్వరలో జరిగే అవకాశం ఉంది.  

టయోటా రూమియన్
టయోటా కొత్త కార్ రూమియన్ (Toyota Rumion) ఎమ్‌పివిని గత సంవత్సరం దక్షిణాఫ్రికాలో విడుదల చేసింది. Toyota Rumion MPV నిజానికి ప్రస్తుతం భారతీయ మార్కెట్లో విక్రయించబడుతున్న మారుతి సుజుకి ఎర్టిగా  రీబ్యాడ్జ్ వెర్షన్. టయోటా, సుజుకి ఇప్పుడు ప్రపంచ భాగస్వాములు. దీని కింద మారుతి సుజుకి బాలెనో ఆధారిత టయోటా గ్లాంజా ఇప్పటికే భారతదేశంలో విక్రయించబడుతోంది. 

టయోటా రూమియన్ భారతదేశంలోని టయోటా ప్లాంట్‌లో తయారు చేయబడింది. కానీ ప్రస్తుతానికి  భారతదేశంలో ప్రారంభించబడలేదు. అయితే, కంపెనీ రూమియన్ ఎమ్‌పివిని భారత మార్కెట్లోకి విడుదల చేయడానికి ప్లాన్ చేస్తోంది.

టయోటా బెల్టా
టయోటా బెల్టా (Toyota Belta) హర్యానాలోని మానేసర్‌ మారుతీ సుజుకి తయారీ ప్లాంట్‌లో ఉత్పత్తి చేయబడింది. బెల్టా నిజానికి మారుతి సియాజ్  రీబ్యాడ్జ్ వెర్షన్. భారతదేశంలో మారుతి సుజుకి-టయోటా భాగస్వామ్యంతో ప్రారంభించబడిన గ్లాంజా, అర్బన్ క్రూయిజర్ తర్వాత  మూడవ రీబ్యాడ్జ్డ్ మోడల్. దీన్ని త్వరలో భారత్‌లో విడుదల చేసేందుకు టయోటా ప్లాన్ చేస్తోంది. ప్రస్తుతం, టొయోటా ఉత్తర అమెరికా, ఆస్ట్రేలియన్ మార్కెట్లలో Yaris పేరుతో ఇంకా ఆసియా మార్కెట్లలో Vios పేరుతో బెల్టాను విక్రయిస్తోంది.