హ్యుందాయ్ మోటార్ గ్రూప్ లగ్జరీ వాహన విభాగం జెనెసిస్ జివి 60 స్మార్ట్ కార్ల కోసం కొత్త టెక్నాలజీని ప్రకటించింది. కార్ డోర్ తెరవడానికి కంపెనీ కొత్త ఫీచర్ 'ఫేస్ కనెక్ట్ టెక్నాలజీ' ని జోడించింది. దీని ద్వారా ఇప్పుడు వ్యక్తి ముఖం గుర్తించగానే కారు డోర్ తెరుచుకుంటుంది ఇందుకు కార్ కీ అవసరం ఉండదు.
కొత్త టెక్నాలజీ కస్టమర్ల కారుని పర్సనలైజ్ చేయడంలో సహాయపడుతుందని, ఇంకా మెరుగైన డ్రైవింగ్ అనుభూతికి ఇస్తుందని జెనెసిస్ చెబుతోంది. కంపెనీ ప్రకారం ఈ కొత్త టెక్నాలజీ కూల్ గా ఉంటుంది. రిస్ట్‌బ్యాండ్స్ లేదా పిన్ కోడ్‌ని ఎంటర్ చేయడం కంటే మెరుగైన సౌకర్యాన్ని అందిస్తుంది. జెనెసిస్ టెక్నాలజీ త్వరలో వాహన పోర్ట్‌ఫోలియోలోకి ప్రవేశిస్తుందని చెప్పారు. కంపెనీ ప్రకారం ఈ వాహనం 2022 సంవత్సరం ప్రారంభం నుండి మార్కెట్లో అందుబాటులో ఉంటుంది.
ఫేస్ కనెక్ట్ టెక్నాలజీ ద్వారా డ్రైవర్ ని గుర్తించిన వెంటనే వాహన సీటు, స్టీరింగ్ వీల్, హెడ్-అప్-డిస్‌ప్లే (HUD), సైడ్ మిర్రర్స్, ఇన్ఫోటైన్‌మెంట్ అన్ని సెట్టింగ్‌లు ఆటోమేటిక్‌గా అడ్జస్ట్ ఆవుతాయి. ఈ టెక్నాలజీలో నియర్ ఇన్‌ఫ్రా-రెడ్ (NIR) కెమెరా ఉపయోగించారు, ఇది చీకటిలో కూడా పని చేస్తుంది అలాగే డ్రైవర్ ముఖం ఇప్పటికే సిస్టమ్‌లో రిజిస్టర్ చేయబడిందా లేదా అని కూడా గుర్తించగలదు. అతి పెద్ద విషయం ఏమిటంటే ఇంటి నుండి బయలుదేరేటప్పుడు మీరు కీని మరచిపోయినప్పటికీ సమస్య ఉండదు ఎందుకంటే మీ కార్ డోర్ ఓపెన్ చేయడానికి మీ ముఖం సరిపోతుంది.
కొత్త ఫింగర్ ప్రింట్ అతేంటికేషన్ సిస్టమ్ జివి60 డ్రైవర్లను బయోమెట్రిక్ స్కానర్ ఉపయోగించి కార్ స్టార్ట్ చేయడానికి అనుమతిస్తుంది. దీని అర్థం మీరు కారు లోపల కీని వదిలి వాకింగ్ కోసం కూడా బయటకు వెళ్లవచ్చు. తిరిగి వచ్చిన తర్వాత మీరు మీ ముఖం లేదా ఫింగర్ ప్రింట్ ను ఉపయోగించి కార్ డోర్స్ తెరవవచ్చు.
కొత్త టెక్నాలజీని అందించడం ద్వారా కంపెనీ ఆటో రంగంలో ఆధిపత్యం చెలాయించాలని కోరుకుంటుంది. స్మార్ట్ అండ్ ఖర్చుతో కూడుకున్న టెక్నాలజీ పరంగా జివి60 భవిష్యత్తులో చాలా కంపెనీలను అధిగమించగలదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి