సిక్స్-స్పీడ్ టార్క్ కన్వర్టర్‌తో కొత్త ఫిగో ఆటోమేటిక్‌ను విడుదల చేసిన కొన్ని రోజుల తరువాత ఫోర్డ్ అదే గేర్‌బాక్స్‌ను సబ్ కాంపాక్ట్ సెడాన్ కారు ఆస్పైర్ లో ఉపయోగించనుంది. సుమారు ఏడాది క్రితం యాస్పైర్‌లో ఆటోమేటిక్ గేర్‌బాక్స్ ఆప్షన్ ను కంపెనీ నిలిపివేసింది. నివేదిక ప్రకారం, ఫోర్డ్ ఇప్పుడు కొత్త 6-స్పీడ్ టార్క్ కన్వర్టర్ ఆటోమేటిక్ గేర్‌బాక్స్‌తో ఫోర్డ్ ఆస్పైర్ పెట్రోల్ ఇంజన్ వేరియంట్‌ను విడుదల చేయనుంది. ఫోర్డ్ ఆస్పైర్ లో ఫోర్డ్ ఫిగోలోని 1.2-లీటర్ పెట్రోల్ ఇంజిన్‌ను ఉపయోగించింది. ఈ ఇంజిన్ 95 బిహెచ్‌పి శక్తిని, 119 ఎన్ఎమ్ టార్క్ ఉత్పత్తి చేస్తుంది. దీనిని నిలిపివేయడానికి ముందు, ఫోర్డ్ ఆస్పైర్ 1.5-లీటర్ పెట్రోల్ వెర్షన్‌లో కంపెనీ ఆటోమేటిక్ ట్రాన్స్మిషన్ ఆప్షన్ అందించింది.
undefined
ఫోర్డ్ ఫిగో ఆటోమేటిక్‌ను టైటానియం, టైటానియం ప్లస్ అనే రెండు ట్రిమ్‌లలో కంపెనీ ప్రవేశపెట్టింది. కొత్త ఫిగో ఆటోమేటిక్‌లో అతిపెద్ద మార్పు ఏమిటంటే దీనికి 6-స్పీడ్ టార్క్ కన్వర్టర్ అందించారు. అంతేకాకుండా బిఎస్ -6 కంప్లైంట్ 3-సిలిండర్ 1.2-లీటర్ పెట్రోల్ ఇంజిన్‌తో వస్తుంది. కొత్త వేరియంట్లు కాంపాక్ట్ కార్ విభాగంలో పర్ఫర్మెంస్ లీడర్ గా కొనసాగుతున్నాయి ఇంకా 96 పిఎస్ శక్తిని, 119 ఎన్ఎమ్ పీక్ టార్క్ను ఉత్పత్తి చేస్తాయి. కొత్త ఫిగో ఆటోమేటిక్‌లో ఇప్పుడు స్పోర్ట్ మోడ్ ఇచ్చారు. ఇందులో వేగంగా గేర్ షిఫ్టింగ్‌తో పాటు ఇంతకుముందు కంటే మెరుగైన స్పందన లభిస్తుంది. దీనితో పాటు సెలెక్ట్ చేసిన షిఫ్ట్ ఫంక్షన్ సహాయంతో డ్రైవర్ గేర్‌లను మ్యాన్యువల్ గా మార్చవచ్చు.
undefined
ఆస్పైర్ డీజిల్ వేరియంట్ మాన్యువల్ ట్రాన్స్మిషన్ తో మాత్రమే అందిస్తుంది. ఫిగో, ఫ్రీస్టైల్, ఎకోస్పోర్ట్ లోని 1.5-లీటర్ 4-సిలిండర్ టర్బో-డీజిల్ ఇంజన్ 99 బిహెచ్‌పి, 215 ఎన్ఎమ్ పీక్ టార్క్ ఉత్పత్తి చేస్తుంది. ఫిగో ఆటోమేటిక్ కారు 16 కిలోమీటర్ల వరకు మైలేజీని ఇస్తుందని ఫోర్డ్ పేర్కొంది. అలాగే ఆస్పైర్ సెడాన్ కారు కూడా 16 కిలోమీటర్ల మైలేజీని ఇస్తుందని భావిస్తున్నారు.
undefined
ఆస్పైర్ సెడాన్ టైటానియం వేరియంట్ ప్రస్తుతం భారత మార్కెట్లో దీని ప్రారంభ ధర రూ.7.27 లక్షలు. టాప్-స్పెక్ టైటానియం ప్లస్ వేరియంట్ ధర రూ .7.62 లక్షలకు చేరుకుంటుంది. ఆటోమేటిక్ గేర్‌బాక్స్‌ను ఆస్పైర్‌లో చేర్చిన తర్వాత దీని ధర రూ .1 లక్ష వరకు పెరుగుతుంది.
undefined
ఫోర్డ్ ఆస్పైర్ సెడాన్ లో 7-అంగుళాల టచ్‌స్క్రీన్, రియర్ వ్యూ కెమెరా, పుష్ బటన్ స్టార్ట్, బ్లూటూత్ కనెక్టివిటీ, ఎంబెడెడ్ నావిగేషన్, కీలెస్ ఎంట్రీ వంటి ఫీచర్లను అందిస్తుంది. లాంచ్ తరువాత ఫోర్డ్ ఆస్పైర్ ఆటోమేటిక్ వెర్షన్ ఈ విభాగంలో ఇతర సబ్ కాంపాక్ట్ సెడాన్లతో పోటీ పడుతుంది.
undefined