అరుదైన అమావాస్య.. ఈ రోజున ఎలాంటి వస్తువులు దానం చేయాలి..?
First Published Apr 8, 2024, 12:16 PM ISTఈరోజున కొన్ని వస్తువులను దానం చేయడం వల్ల చాలా మంచి జరుగుతుందట. మరి.. ఎలాంటి వస్తువులు దానం చేయాలో ఇప్పుడు తెలుసుకుందాం..
ఈరోజున కొన్ని వస్తువులను దానం చేయడం వల్ల చాలా మంచి జరుగుతుందట. మరి.. ఎలాంటి వస్తువులు దానం చేయాలో ఇప్పుడు తెలుసుకుందాం..
నేడు అమావాస్య అనే విషయం మీకు తెలిసిందే. అయితే.. ఈ అమావాస్యకు ఓ ప్రత్యేకత ఉంది. ఈ అమావాస్య పూర్ణ తిథిలో వస్తుంది. సోమవారం రోజున వచ్చింది కాబట్టి.. సోమావతి అమావాస్య అని పిలుస్తారు. ఇలాంటి అమావాస్య సంవత్సరానికి ఒకటి లేదంటే.. రెండు మాత్రమే వస్తూ ఉంటాయి. ఇలాంటి అరుదైన అమావాస్య రోజున వివాహితలు ఉపవాసం ఉంటే.. వారి భర్త ఆయుష్షు పెరుగుతుందని నమ్ముతారట. అదేవిధంగా ఈరోజున కొన్ని వస్తువులను దానం చేయడం వల్ల చాలా మంచి జరుగుతుందట. మరి.. ఎలాంటి వస్తువులు దానం చేయాలో ఇప్పుడు తెలుసుకుందాం..
ఈ సోమావతి అమావాస్య రోజున మీరు పేదలకు దుస్తులు దానం చేయడం వల్ల మంచి జరుగుతుందట. అదేవిధంగా.. మీ ఇంట్లో పెద్దలకు అంటే పితృదేవతలకు కూడా దుస్తులు సమర్పించవచ్చు. అలా చేయడం వల్ల... పితృదేవతల ఆశీస్సులు అందుతాయి.
అమావాస్య రోజున వెండి వస్తువులను దానం చేయండి. పౌరాణిక విశ్వాసాల ప్రకారం, పూర్వీకుల స్థానం చంద్రుని పై భాగాలలో ఉందని, అందుకే పూర్వీకులకు వెండితో చేసిన వస్తువులను దానం చేయడం శుభప్రదంగా భావిస్తారు. ఇది ఆనందం , శ్రేయస్సును తీసుకురాగలదు.
సోమవతి అమావాస్య రోజున చంద్రునికి సంబంధించిన వస్తువులను దానం చేయడం శుభప్రదంగా పరిగణిస్తారు. ఉదాహరణకు, మీరు పాలు , అన్నం దానం చేయవచ్చు. ఇలా చేయడం వల్ల కోపంతో ఉన్న పూర్వీకులు సంతోషంగా ఉంటారు. ఆయన ఆశీస్సులు కూడా అందుకుంటారు.
శాస్త్రాల ప్రకారం, నువ్వులు చాలా పవిత్రమైనవిగా భావిస్తారు. అమావాస్య రోజున నల్ల నువ్వులను దానం చేయడం చాలా ఫలవంతంగా పరిగణిస్తారు. దీని వల్ల ఇంట్లో ఎలాంటి సమస్యలు తలెత్తవు, జీవితంలో ఎదురయ్యే సమస్యలు కూడా పరిష్కారమవుతాయి.
హిందూ మతంలో పిండ్ దానం కి ప్రత్యేక ప్రాముఖ్యత ఉంది. పూర్వీకులకు పిండదానం చేయని వారు సోమవతి అమావాస్య రోజున తమ పూర్వీకులకు పిండదానం చేయాలి. ఇలా ఈ రోజున పిండ ప్రదానం చేయడం వల్ల.. పితృదోషాలు పోవడంతోపాటు.. ఎలాంటి సమస్యలున్నా తొలగిపోయి.. అనుకున్న కోరికలు నెరవేరతాయి.