మకర సంక్రాంతి రోజున రాశిచక్రం ప్రకారం.. ఈ వస్తువులను దానం చేస్తే మీ కోరికలు నెరవేరుతాయి

హిందూ క్యాలెండర్ ప్రకారం.. మకర సంక్రాంతి రోజున సూర్యుడు ధనస్సు రాశి నుంచి బయటకొచ్చి మకరరాశిలోకి ప్రవేశిస్తాడు. అందుకే ఈ పండుగను మకర సంక్రాంతి అంటారు. మకర సంక్రాంతి రోజున తలస్నానం చేసి  దానం చేయడం శుభప్రదంగా భావిస్తారు.   

భారతదేశంలో అతిముఖ్యమైన పండుగల్లో సంక్రాంతి పండుగ ఒకటి. ముఖ్యంగా ఈ పండుగను తెలుగు రాష్ట్రాల్లో ఘనంగా జరుపుకుంటారు. కాగా ఈ పండుగ రోజున సూర్యుడు మకర సంక్రాంతిలోకి ప్రవేశిస్తాడు.  మకర సంక్రాంతిని కేరళలో మాఘ్ బిహు అని, హిమాచల్ ప్రదేశ్ లో మాఘ్ సాజి అని, జమ్మూలో ఉత్తరాయణం అని, తమిళనాడులో పొంగల్ అని, హర్యానాలో సారకత్ అని, బీహార్ లో దహీ చురా అని, ఉత్తరప్రదేశ్ లో కిచిడీ, ఒడిషాలో మకర సంక్రాంతి అని అంటారు. ఈ సారి మకర సంక్రాంతిని 2023 జనవరి 15న అంటే నేడు జరుపుకుంటున్నాం. మకర సంక్రాంతి రోజున సూర్యభగవానుడిని నిష్టగా పూజిస్తారు. అంతేకాదు ఈ రోజున మహాపుణ్యకాలంలో స్నానం చేయడం, దానాలు చేయడం శుభప్రదంగా భావిస్తారు. ఈ రోజు దానం చేయడం వల్ల మీ కోరికలన్నీ నెరవేరుతాయని నమ్ముతారు. అసలు ఏ రాశిచక్రం వారు ఏయే వస్తువులను దానం చేయడం మంచిదో ఇప్పుడు తెలుసుకుందాం.. 

మేషరాశి

మేషరాశి వారు వేరుశెనగ, నువ్వులు, బెల్లాన్ని దానం చేయడం శుభప్రదం. ఈ వస్తువులను దానం చేయడం వల్ల వీరి కోరికలన్నీ చాలా త్వరగా నెరవేరుతాయట. 

వృషభ రాశి 

ఈ రాశి వారు పెరుగు, బియ్యం, బట్టలు, నువ్వులతో తయారుచేసిన  స్వీట్లను దానం చేయాలి. ఇలా చేయడం వల్ల మీకు ప్రయోజనకరంగా ఉంటుంది. 

మిథునం 

మిథున రాశి వారు పేదవారికి దుప్పట్టు,  బియ్యం, పెసరపప్పు దానం చేయడం మంచిది. ఈ దానం మీకు కష్టాలు తొలగిపోయేలా చేస్తుంది. 

కర్కాటకం 

కర్కాటక రాశి వారు తెల్ల నువ్వులతో చేసిన ఆహార పదార్థాలను, వెండి పాత్రలను దానం చేయడం ప్రయోజనకరంగా ఉంటుంది. ఈ దానం చేయడం వల్ల శుభ ఫలితాలను పొందుతారు.

సింహం 

సింహ రాశి వారు తెల్ల నువ్వులను, రాగి పాత్రలను దానం చేయడం మంచిది. ఈ దానం వల్ల మీ కష్టాలన్నీ తొలగిపోయి.. ఇంట్లో సంతోషం వెల్లివిరుస్తుంది. 

కన్య 

కన్యరాశి వారు మినప పప్పును, నువ్వులను, దుప్పట్లను దానం చేయడం మంచిది. ఇది ఆర్థిక కష్టాలను తొలగిస్తుందని నమ్ముతారు. 

తులారాశి 

తులారాశి వారు బట్టలను, పంచదారను, ఖీర్ ను దానం చేయడం మంచిది. వీటిని దానం చేయడం వల్ల మీ సకల కోరికలు నెరవేరుతాయి. 

వృశ్చిక రాశి 

వృశ్చిక రాశి అవసరమైన వారికి నువ్వులు, ఎరుపు రంగు దుస్తులను దానం చేయడం ప్రయోజనకరంగా ఉంటుంది. ఈ దానం వల్ల మీకోరికలు తొందరలో నెరవేరుతాయి.

ధనుస్సు రాశి

ధనస్సు రాశి వారు శెనగపప్పును,  నువ్వులను దానం చేయడం మంచిది. ఈ దానం మీ ఆర్థిక కష్టాలను తొలగిస్తుంది. 

మకర రాశి 

మకర రాశి వారు మకర సంక్రాంతి రోజున నూనె, నువ్వులు, ఉన్ని బట్టలు, దుప్పట్లు, పుస్తకాలను దానం చేయడం ప్రయోజనకరంగా ఉంటుంది. ఈ వస్తువులను దానం చేయడం వల్ల మీ కోరికలన్నీ నెరవేరుతాయి.

కుంభ రాశి

అవసరమైన వారికి వీలైనంత వరకు నూనె, సబ్బు, బట్టలు, ఇతర వస్తువులను దానం చేయండి. మీ పనిలో పురోగతి బాగా ఉంటుంది.

మీన రాశి 

 ఈ రోజు మీన రాశి వారు నువ్వులు, శనగలు, సాబుదానాలు, దుప్పట్లు, దోమతెరలను దానం చేయడం మంచిది. ఇలా చేయడం వల్ల మీ పాపాలన్నీ తొలగిపోయి శుభ ఫలితాలను పొందుతారు.