వేసవిలో బీరు కొరత ఆంధ్రప్రదేశ్ రాష్ట్ర ఆదాయానికి గొడ్డలిపెట్టుగా మారింది. తగ్గిన సరఫరాతో బీరు దొరకకపోవడం వల్ల రాష్ట్ర ఖజానాకు రావాల్సిన ఆదాయం పడిపోయింది.
విజయవాడ : మండే ఎండల నుంచి తప్పించుకోవడానికి మందుబాబులు చిల్డ్ బీర్ ను ఆశ్రయిస్తారు. చల్లని బీరు గొంతుదిగుతుంటే.. ఎండలనుంచి ఉపశమనం పొందుతారు. అయితే, ఆంధ్రప్రదేశ్ లో మందుబాబులను బీరు కొరత వేధిస్తోంది.
ఓ వైపు పెరుగుతున్న ఎండలు.. మరోవైపు బీరు కొరత వారిని నిరాశలో ముంచేస్తోంది. ఈ కారణంతోనే రాష్ట్ర ఖజానాకు వచ్చే ఆదాయం కూడా పడిపోయిందని నిపుణులు చెబుతున్నారు.
కింగ్‌ఫిషర్ బ్రాండ్ బీరును తయారుచేసే యునైటెడ్ బ్రూవరీస్ గ్రూప్ నుండి సరఫరా లేకపోవడం బీర్ కొరతకు ప్రధాన కారణం. ఏప్రిల్ 1 నుండి బ్రూవరీలో కార్మికులు సమ్మె చేయడంతో బీర్ ఉత్పత్తి తీవ్రంగా దెబ్బతింది. అందువల్ల, ఈ బ్రాండ్ బీర్ ఆంధ్రప్రదేశ్ స్టేట్ బేవరేజెస్ కార్పొరేషన్ లిమిటెడ్‌లో అందుబాటులో లేదు. ఇది ప్రభుత్వ రిటైల్ మద్యం అవుట్‌లెట్‌ల ద్వారా బీర్‌ను సరఫరా చేస్తుంది.
ఆంధ్రప్రదేశ్ నెలవారీ అన్ని బ్రాండ్‌లకు చెందిన 10-12 లక్షల బీర్‌లను విక్రయిస్తుంది. దీంతో కింగ్‌ఫిషర్ వాటా ఎక్కువగా ఉంటుంది. అంటే రోజుకు దాదాపు 40,000 కేసుల బీర్లు అవసరం అవుతున్నాయి. అయితే, ప్రస్తుతం కేవలం 30 వేల కేసుల బీర్లు మాత్రమే అందుబాటులో ఉన్నాయి.
బీర్ అమ్మకాలపై ప్రభుత్వ రికార్డులను పరిశీలిస్తే, ఏప్రిల్ 2023లో 10,59,391 కేసుల బీర్ అమ్మారు. అమ్మకపు విలువ 248.04 కోట్లు. ఏప్రిల్ 2022లో 280.17 కోట్ల విలువైన దాదాపు 13,03,716 కేసుల బీరు వాడారు.
2023 మే 1 నుండి మే 16 వరకు సుమారు 5,56,573 బీర్ కేసులు హాంఫట్ అనిపించారు. గత ఏడాది ఇదే సమయంలో 6,42,142 బీర్లు అమ్ముడయ్యాయి. గత సంవత్సరంతో పోలిస్తే ఏపీలో బీర్ వినియోగం తగ్గింది.
ఏపీ స్టేట్ బేవరేజెస్ కార్పొరేషన్ లిమిటెడ్ అధికారులు ప్రస్తుత సంవత్సరంలో ఏప్రిల్ నుండి రాష్ట్రంలో ఏర్పడిన బీర్ కొరతే బీర్ వినియోగం తగ్గడానికి ఒక కారణమని అభిప్రాయపడుతున్నారు. 9
అంతేకాకుండా, ఈ సంవత్సరంతో పోలిస్తే గతేడాది ఉష్ణోగ్రతలు ఎక్కువగా నమోదయ్యాయని కూడా చెబుతున్నారు. దీంతో ఈ ఏడాదితో పోలిస్తే గతేడాది ఎక్కువ బీరు వినియోగించారు.
ఏపీఎస్ బిసీఎల్ మేనేజింగ్ డైరెక్టర్ డి వాసు దేవా రెడ్డి మాట్లాడుతూ, "యునైటెడ్ బ్రూవరీస్‌లో అంతర్గత సమస్యను పరిష్కరించుకుని.. బీర్ ఉత్పత్తిని తిరిగి ప్రారంభించారు. దీనివల్ల రాష్ట్రానికి మరింత బీర్ సరఫరా జరుగుతుందని, తద్వారా బీర్ అమ్మకాలు పెరుగుతాయి" అని ఆయన చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి