'యాత్ర' డేట్ మారింది.. ఎప్పుడంటే..?

దివంగత ముఖ్యమంత్రి వైఎస్సార్ రాజశేఖర్ రెడ్డి జీవితం ఆధారంగా 'యాత్ర' సినిమా రూపొందుతోన్న సంగతి తెలిసిందే. అయితే ముందు నుండి ఈ సినిమాను జనవరిలో సంక్రాంతి కానుకగా విడుదల చేయాలని అనుకున్నారు.

ప్రతిసారి ఇదే విషయాన్ని చెప్పుకుంటూ వస్తోంది చిత్రబృందం. కానీ ఇప్పుడు సినిమా సంక్రాంతి పోరు నుండి తప్పుకుంది. వినాయకచవితి సందర్భంగా ఈ సినిమాకు సంబంధించిన పోస్టర్ ని విడుదల చేస్తూ రిలీజ్ డేట్ ని ప్రకటించింది చిత్రబృందం.

డిశంబర్ 21న వైఎస్ రాజశేఖర్ రెడ్డి కుమారుడు వైఎస్ జగన్ పుట్టినరోజు సందర్భంగా సినిమాను విడుదల చేయబోతున్నారు. వైఎస్ పాదయాత్ర ప్రస్తావనగా ఈ సినిమాను రూపొందిస్తున్నారు. ఈ సినిమాలో వైఎస్ పాత్రలో మలయాళీ మెగాస్టార్ మమ్ముట్టి నటిస్తున్నాడు. ఇప్పటికే విడుదలైన ఈ సినిమా టీజర్, సాంగ్ ట్రైలర్ కి విశేష ప్రేక్షకాదరణ దక్కింది.