కమల్ హాసన్ , రఘువరన్ కలిసి ఎందుకు నటించలేదు?

సౌత్ ఫిల్మ్ ఇండస్ట్రీలో స్టార్ నటుడుగా వెలుగు వెలిగారు కమల్ హాసన్, రఘువరన్ అయితే వీరి కాంబినేషన్ లో మాత్రం ఒక్క సినిమా కూడా రాలేదు. కారణం ఏంటో తెలుసా..? 

తెలుగు, తమిళ సినిమాల్లో స్టార్ నటుడిగా, విలన్  పాత్రలకు పెట్టింది పేరు రఘువరణ్.  ప్రముఖ విలన్ నటుల్లో ఒకరైన రఘువరన్ దాదాపు అందరు స్టార్లతో కలిసి నటించారు కాని.. కమల్ హాసన్ తో కలిసి ఒక్క సినిమాలో కూడా నటించలేదు. మణిరత్నం దర్శకత్వంలో కమల్ హాసన్ నటించిన నాయకుడు సినిమాలో నాజర్ పాత్రకు మొదట రఘువరన్ ని అనుకున్నారు. కమల్ హాసన్ కూతురి భర్తగా, పోలీస్ అధికారిగా నాజర్ నటించారు.

కానీ, ఈ పాత్రకు మొదట రఘువరన్ ని అనుకున్నారట. ఈ విషయంపై ఆయనతో చర్చలు కూడా జరిగాయి. రఘువరన్ కూడా ఒప్పుకున్నారు. కానీ, కథ మొత్తం విన్న తర్వాత రఘువరన్ ఈ సినిమాలో నటించడానికి నిరాకరించారు. కమల్ హాసన్ కూడా ఈ సినిమాలో నటించమని ఆయనను కోరారు. కానీ, రఘువరన్ ఒప్పుకోలేదు.

దీంతో ఆ పాత్రలో నాజర్ నటించారు. ఈ సినిమాలో నాజర్ నటించడానికి ఒక కారణం ఉంది. ఆ కారణం మరెవరో కాదు కమల్ హాసనే. నాజర్ ని నటింపచేయమని దర్శకుడు మణిరత్నంకి కమల్ హాసనే సూచించారట. సినిమా షూటింగ్ సమయంలో నాజర్, నన్ను ఈ సినిమాలో ఎందుకు మీరు పట్టు పట్టి తీసుకున్నారు అని కమల్ ని అడిగారట. కానీ, సినిమా షూటింగ్ చివరి దశకు చేరుకున్నప్పుడే నాజర్ కు ఆ పాత్ర యొక్క ప్రాముఖ్యత అర్థమైంది.

తెలుగులో చిరంజీవి, నాగార్జున, బాలయ్య, లాంటి స్టార్స్ తో తమిళంలో రజినీకాంత్ అర్జున్, ధనుష్, అజిత్, విజయ్, సత్యరాజ్, విసు, ప్రభుదేవా వంటి వారితో కలిసి చాలా సినిమాల్లో నటించారు రఘువరన్. కానీ, కమల్ హాసన్ తో మాత్రం ఒక్క సినిమాలో కూడా నటించలేదు. తన పాత్ర కోసం తల వెంట్రుకలు కత్తిరించుకోవాల్సి రావడంతో ఆ సినిమాలో నటించడానికి రఘువరన్ నిరాకరించారని ఆయన భార్య, నటి రోహిణి ఒక ఇంటర్వ్యూలో చెప్పారు.

1987లో విడుదలైన నాయకుడు సినిమా విమర్శకుల ప్రశంసలు అందుకుంది. ఈ సినిమాలోని డైలాగ్స్, సాంగ్స్,  ఇప్పటికీ ప్రేక్షకులను అలరిస్తున్నాయి. ఈ సినిమాకు గాను కమల్ హాసన్ కు ఉత్తమ నటుడిగా జాతీయ అవార్డు లభించింది. కాల్ షీట్ల సమస్య కారణంగా కూడా ఇద్దరూ కలిసి నటించకపోయి ఉండవచ్చు. రఘువరన్ తో కలిసి నటించడానికి కమల్ హాసన్ ఎప్పుడూ వెనుకాడలేదు.

కమల్ హాసన్ తన 6వ ఏట నుంచి సినిమాల్లో నటిస్తున్నారు. ఇప్పటివరకు 230కి పైగా సినిమాల్లో నటించారు. దేవర్ మగన్ సినిమాలో శివాజీ గణేషన్ కు కొడుకుగా నటించారు. అలాగే అమితాబ్ బచ్చన్ తో కలిసి జెరాఫ్తార్, కభర్దార్ వంటి సినిమాల్లో కూడా నటించారు. తెలుగులో కూడా చాలా సినిమాలు చేశారు కమల్. సాగర సంగమం లాంటి సినిమాలు టాలీవుడ్ ప్రేక్షకులకు కమల్ ను దగ్గర చేశాయి. ఇక హీరోగా, విలన్ గా, క్యారెక్టర్ ఆర్టిస్ట్ గా రఘువరన్ నటించారు. తెలుగుతో పాటు తమిళం, మలయాళం, కన్నడ, హిందీ భాషల్లో 200కు పైగా సినిమాల్లో రఘు నటించారు.