‘ఎన్టీఆర్ - ప్రశాంత్ నీల్’ సినిమా షురూ అయ్యేదెప్పుడు? మాస్టర్ ప్లాన్ వేసిన తారక్ ..
By Asianet News | First Published Apr 9, 2023, 12:24 PM ISTయంగ్ టైగర్ ఎన్టీఆర్ (NTR) లైనప్ లోని మరో భారీచిత్రం NTR31. ప్రశాంత్ నీల్ దర్శకత్వంతో వహిస్తున్నారు. గతంలో ఓ పోస్టర్ వదిలారు. తర్వాల ఏ అప్డేట్ రాలేదు. దీంతో చిత్ర షూటింగ్ ఎప్పుడు ప్రారంభం కానుందనేది ఆసక్తికరంగా మారింది.
‘ఆర్ఆర్ఆర్’తో గ్లోబల్ స్టార్ గా మారిపోయారు యంగ్ టైగర్ ఎన్టీఆర్. అందుకు తగ్గట్టుగానే తారక్ భారీ చిత్రాలకు సైన్ చేస్తున్నారు. అయితే ప్రస్తుతం అభిమానుల ఫోకస్ మాత్రం ఎన్టీఆర్30, ఎన్టీఆర్ 31పైనే ఉంది. ముఖ్యంగా ‘కేజీఎఫ్’తో సెన్సేషన్ క్రియేట్ చేసిన ప్రశాత్ నీల్ (Prashanth Neel) డైరెక్షన్ లో రానున్న NTR31పై భారీ అంచనాలున్నాయి. ప్రస్తుతం ఎన్టీఆర్ మాత్రం కొరటాల శివ దర్శకత్వం వహిస్తున్న NTR30లో నటిస్తున్నారు. ఈ చిత్రం శరవేగంగా షూటింగ్ జరుపుకుంటోంది. హైదరాబాద్ లోని భారీ షిప్ సెట్ లో చిత్రీకరణ కొనసాగుతోంది.
ఇలోగా బాలీవుడ్ కు ఎంట్రీ ఇవ్వబోతున్నట్టు మరో అప్డేట్ అందింది. బాలీవుడ్ గ్రీక్ గాడ్ హృతిక్ రోషన్ (Hrithik Roshan)తో కలిసి ‘వార్2’లో జాయిన్ కాబోతున్నారు. ప్రముఖ నిర్మాణ సంస్థ యష్ రాజ్ ఫిల్మ్స్ స్పై యూనివర్స్ లో తారక్ భాగం కాబోతున్నారు. త్వరలోనే చిత్ర షూటింగ్ కూడా ప్రారంభించబోతున్నట్టు తెలుస్తోంది. మరోవైపు సల్మాన్ ఖాన్ ‘Tiger3’లోనూ ఎన్టీఆర్ గెస్ట్ రోల్ కనిపించబోతున్నారు. ఈక్రమంలో NTR31 షూటింగ్ ఎప్పుడు ప్రారంభం కానుందనేది ఆసక్తికరంగా మారింది.
Latest Videos
ఇందుకోసం తారక్ మాస్టర్ ప్లాన్ వేశారని తెలుస్తోంది. ప్రస్తుతం ‘ఎన్టీఆర్30’ షూటింగ్ పైనే ఫోకస్ పెట్టారు. అటు ప్రశాంత్ నీల్ ‘సలార్’Salaarను పూర్తి చేస్తున్నారు. కచ్చితంగా సెప్టెంబర్ 28న రిలీజ్ చేయబోతున్నారు. అనంతరం NTR31 ప్రీ ప్రొడక్షన్ పనులపై ఫోకస్ పెట్టనున్నారు. ఈ గ్యాప్ లో ఎన్టీఆర్ ‘వార్2’ చిత్రాన్ని పూర్తి చేసుకునేలా ప్లాన్ చేశారంట. 2024 జనవరి నుంచి NTR31 షూటింగ్ ను ప్రారంభించేందుకు సిద్ధమవుతున్నట్టు తెలుస్తోంది.
‘ఆస్కార్’ వేడుకల తర్వాత ఎన్టీఆర్ మళ్లీ తన ప్రాజెక్ట్స్ పై ఫోకస్ పెట్టడంతో ఫ్యాన్స్ ను ఖుషీ అవుతున్నారు. NTR30, NTR31 గురించి ఎదురుచూస్తున్నారు. అటు బాలీవుడ్ ఎంట్రీపైనా ఆసక్తి నెలకొంది. ప్రస్తుతం కొరటాల శివ దర్శకత్వంలో నటిస్తున్నారు. ఈ చిత్రంలో జాన్వీ కపూర్ (Janhvi Kapoor) తారక్ సరసన నటిస్తోంది. హాలీవుడ్ టెక్నీషియన్లు చిత్రంలో భాగమయ్యారు. అనిరుధ్ సంగీతం అందిస్తున్నారు. ఎన్టీఆర్ ఆర్ట్స్, యువసుధ ఆర్ట్స్ బ్యానర్లపై సంయుక్తంగా నిర్మిస్తున్నారు. 2024 ఏప్రిల్ 5న థియేటర్లలో రిలీజ్ కానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి