తుఫాను అంచున తపస్సు చేసే వశిష్టుడు.. ట్రెండింగ్లో వాల్తేర్ వీరయ్య టైటిల్ సాంగ్..
సారాంశం
మెగాస్టార్ చిరంజీవి `వాల్తేర్ వీరయ్య` మరో అదిరిపోయే సాంగ్ వచ్చింది. మెగాస్టార్ వీరత్వాన్ని ఆవిష్కరించేలా సాగే టైటిల్ ట్రాక్ తాజాగా విడుదలైంది.
మెగాస్టార్ చిరంజీవి ఈ సంక్రాంతి `వాల్తేర్ వీరయ్య` సినిమాతో రాబోతున్నారు. బాబీ దర్శకత్వంలో రూపొందుతున్న చిత్రమిది. చిరంజీవి మార్క్ మాస్ ఎలిమెంట్స్ తో తెరకెక్కుతుంది. రవితేజ కీలక పాత్రలో, శృతి హాసన్ హీరోయిన్గా నటించిన ఈ చిత్రం చిత్రీకరణ ఆల్మోస్ట్ పూర్తి చేసుకుంది. ఫారెన్లో ఓ సాంగ్ చిత్రీకరణ జరుపుకుంటుంది. దీంతో మొత్తం షూటింగ్ పూర్తి కానుంది. సంక్రాంతి 13కి సినిమా రిలీజ్ కానున్న నేపథ్యంలో ప్రమోషన్ కార్యక్రమాల జోరు పెంచింది చిత్ర బృందం. వరుసగా పాటలను విడుదల చేస్తూ అలరిస్తున్నారు.
ఇప్పటికే రెండు పాటలను విడుదల చేశారు. ఓ మాస్ బీట్, మరో క్లాస్ బీట్ ఆద్యంతం ఆకట్టుకున్నాయి. యూట్యూబ్లో ట్రెండ్ అవుతున్నాయి. ఈ నేపథ్యంలో ఇప్పుడు మరో పాటని విడుదల చేశారు. `వాల్తేర్ వీరయ్య` టైటిల్ సాంగ్ని సోమవారం సాయంత్రం రిలీజ్ చేశారు. `తుఫాను అంచున తపస్సు చేసే వశిష్ణుడు` అంటూ సాగే టైటిల్ సాంగ్ని రిలీజ్ చేయగా అది యూట్యూబ్లో ట్రెండ్ అవుతుంది. దేవి శ్రీ ప్రసాద్ సంగీతం అందించిన ఈ పాటని చంద్రబోస్ రాశారు. శేఖర్ మాస్టర్ నృత్యాలు సమకూర్చారు.
ఈ పాటని అనురాగ్ కులకర్ణ అలాప్, పవిత్ర చారి ఆలపించారు. దీనికి బ్రాస్ ఆర్కేస్ట్రా సంస్థ బ్యాంకాక్ కి చెందిన ఆర్కేస్ట్రా బృందాలతో కలిసి పనిచేయడం విశేషం. ఇక వాల్తేర్ వీరయ్య వీరత్వాని, పరాక్రమాన్ని ఆవిష్కరించేలా సాగే ఈ పాట ఆద్యంతం ఆకట్టుకుంటుంది. గూస్బంమ్స్ తెప్పిస్తుంది. మెగా ఫ్యాన్స్ అదిరిపోయే ట్రీట్ లా ఉంది. గత పాట విషయంలో కాస్త అసంతృప్తి వ్యక్తం కాగా, ఆ లోటుని ఈ పాట భర్తీ చేసింది. చిరంజీవి ఫ్యాన్స్ కి పూనకాలు తెప్పించేలా ఉంది. ఇందులో చిరంజీవి లుక్స్ అదిరిపోయాయి. సినిమాపై ఈ పాట అంచనాలు భారీగా పెంచేస్తుంది.