Vijay Beast Movie: తెలుగులో భారీ రేటు పలికిన విజయ్ బీస్ట్ మూవీ, అంత నమ్మకమేంటి...?
By Mahesh Jujjuri | First Published Mar 23, 2022, 7:04 AM IST కోలీవుడ్ స్టార్ హీరో విజయ్ కు తమిళ్ తో పాటు తెలుగులో కూడా మంచి ఫాలోయింగ్ ఉంది. దాంతో ఇక్కడ కూడా ఆయన సినిమాల బిజినెస్ అంతకంతకు పెరుగుతూ ఉంది. రీసెంట్ గా బీస్ట్ మూవీ తెలుగు హక్కులు భారీ రేటుకు అమ్ముడు పోయినట్టు తెలుస్తోంది.
దళపతి విజయ్ క్రేజ్ గురించి ప్రత్యేకంగా చెప్పాల్సిన అవసరం లేదు. ఆయన సినిమా అంటే తమిళంలో పడి చచ్చిపోతుంటారు జనాలు. ఇక తెలుగులో కూడా ఆయనకు డై హార్ట్ ఫ్యాన్స్ ఉన్నారు. అందుకే ఇక్కడ కూడా విజయ్ సినిమాలకు మంచి కలెక్షన్స్ వస్తుంటాయి. ఇక పోతే విజయ్ సినిమాలు కలెక్షన్స్ దృష్టిలో పెట్టుకుని ఎప్పటికప్పుడు బిజినెస్ పెంచుకుంటూనే ఉన్నారు మేకర్స్. రీసెంట్ గా భీస్ట్ హక్కులు కూడా భారీ రేటుకు పలికినట్టు తెలుస్తోంది.
విజయ్ హీరోగా తమిళంలోత బీస్ట్ సినిమా రూపొందింది. సన్ పిక్చర్స్ బ్యానర్స్ నిర్మించిన ఈ సినిమాను నెల్సన్ దిలీప్ కుమార్ డైరెక్ట్ చేశారు. ఇక విజయ్ సరసన హీరోయిన్ గా ఫస్ట్ టైమ్ పూజ హెగ్డే నటించింది. వీని కాంబినేషన్ లో ఆ మధ్య వచ్చిన సాంగ్ కూడా ఎంత హిట్ అయ్యిందో అందరికి తెలిసిందే. ఇక ఈ సినిమాను ముందుగా ఏప్రిల్ 14వ తేదీన విడుదల చేయాలనుకున్నారు. ఒక రోజు ముందుగానే రిలీజ్ చేయనున్నట్టు తాజాగా ప్రకటించారు.
ఇక బీస్ట్ సినిమాను అదే టైటిల్ తో తెలుగులోను రిలీజ్ చేయబోతున్నారు మేకర్స్. తెలుగు అనువాద హక్కులకు భారీ రేటు పలికినట్టుగా తెలుస్తోంది. ఇంతకుముందు విజయ్ చేసిన మాస్టర్ సినిమా తెలుగు అనువాద హక్కులు 6 కోట్లకు అమ్ముడుపోగా 14 కోట్ల మేర వసూళ్లను రాబట్టింది. ఆ సినిమా మంచి లాభాలను అందుకుంది. దాంతో బీస్ట్ మూవీకి డిమాండ్ ఇంకా బాగా పెరిగిపోయింది.
Latest Videos
మాస్టర్ ఎఫెక్ట్ వల్ల ఈ సారి బీస్ట్ సినిమా తెలుగు అనువాద హక్కులు 11 కోట్లు పలికినట్టుగా తెలుస్తోంది. మరి ఈసినిమా లాభాల పంట పండిస్తుందా.. లేక నిరాశపరుస్తుందా అనేది రిలీజ్ తరువాత చూడాల్సిందే. ఇక సెల్వరాఘవన్ యోగిబాబు ముఖ్యమైన పాత్రల్లో కనిపించనున్న ఈ సినిమాకు అనిరుధ్ సంగీతాన్ని అందించారు. రీసెంట్ గా ఈ సినిమా నుంచి వదిలిన సాంగ్ కి అనూహ్యమైన రెస్పాన్స్ వచ్చింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి