చైతూకి బిగ్ ఫ్లాప్ ఇచ్చి స్టార్ హీరోతో ఛాన్స్ కొట్టేసిన డైరెక్టర్.. అఫీషియల్

ట్యాలెంటెడ్ డైరెక్టర్ వెంకట్ ప్రభు బిగ్ హీరోని డైరెక్ట్ చేసే ఛాన్స్ దక్కించుకున్నారు. వెంకట్ ప్రభు,దళపతి విజయ్ కాంబినేషన్ లో చిత్రం గురించి చాలా రోజులుగా వార్తలు వస్తున్నాయి. ఎట్టకేలకు ఆ న్యూస్ నిజమైంది.  వెంకట్ ప్రభు, విజయ్ మూవీకి అధికారిక ప్రకటన వచ్చేసింది. 

దళపతి 68గా తెరకెక్కనున్న ఈ ప్రాజెక్టుని ఏజిఎస్ ఎంటర్టైన్మెంట్ సంస్థ నిర్మించనుంది. యువన్ శంకర్ రాజా సంగీత దర్శకుడు. వెంకట్ ప్రభు వైవిధ్యమైన యాక్షన్ కథని పకడ్బందీగా సిద్ధం చేసుకున్నట్లు తెలుస్తోంది. త్వరలో ఈ క్రేజీ కాంబినేషన్ సెట్స్ పైకి వెళ్లనుంది. ఈ చిత్రంతో దళపతి విజయ్ తో సినిమా చేయాలనే తన కల నెరవేరబోతోంది అని వెంకట్ ప్రభు పేర్కొన్నారు. 

ఒక ఫజిల్ ని నింపుతున్న తరహాలో ఈ చిత్రాన్ని క్రేజీగా ప్రకటించారు. వీడియో ప్రకటన ద్వారా విజయ్ అధికారిక ట్విట్టర్ ఖాతాలో ఈ చిత్రాన్ని అనౌన్స్ చేశారు. విజయ్ ప్రస్తుతం లోకేష్ కనకరాజ్ దర్శకత్వంలో లియో చిత్రంలో నటిస్తున్నారు. ఈ చిత్ర షూటింగ్ శరవేగంగా జరుగుతోంది. 

లియో షూటింగ్ ఓ కొలిక్కి రాగానే వెంకట్ ప్రభు మూవీ సెట్స్ పైకి వెళ్లనుంది. ఇదిలా ఉండగా వెంకట్ ప్రభు రీసెంట్ గా నాగచైతన్య కస్టడీ అనే చిత్రాన్ని తెరకెక్కించారు. ఈ చిత్రం బాక్సాఫీస్ వద్ద తీవ్రంగా నిరాశపరిచింది.