వరుణ్ తేజ్ కూడా రంగంలోకి దిగుతున్నాడు. ఆయన దీపావళి టార్గెట్గా రాబోతున్నట్టు ప్రకటించారు. వరుణ్ తేజ్ హీరోగా కిరణ్ కొర్రపాటి దర్శకత్వంలో `గని` పేరుతో ఓ సినిమా రూపొందుతుంది.
టాలీవుడ్లో సినిమా పండుగ ప్రారంభమవుతుంది. థియేటర్లు ఓపెన్ కావడంతో ఒక్కొక్క సినిమా విడుదల తేదీలను ప్రకటిస్తున్నాయి. ఇప్పటికే `ఆర్ఆర్ఆర్`, `సర్కారు వారి పాట`, `పుష్ప`, `పవన్-రానా`, `రాధేశ్యామ్` వంటి చిత్రాల విడుదల తేదీలను కన్ఫమ్ చేశాయి. తాజాగా వరుణ్ తేజ్ కూడా రంగంలోకి దిగుతున్నాడు. ఆయన దీపావళి టార్గెట్గా రాబోతున్నట్టు ప్రకటించారు. వరుణ్ తేజ్ హీరోగా కిరణ్ కొర్రపాటి దర్శకత్వంలో `గని` పేరుతో ఓ సినిమా రూపొందుతుంది. బాక్సింగ్ నేపథ్యంలో సాగే చిత్రమిది.
అల్లు అరవింద్ సమర్పణలో అల్లు బాబీ, సిద్ధు ముద్ద నిర్మిస్తున్నారు. ఈ సినిమా ప్రస్తుతం చివరి షెడ్యూల్ చిత్రీకరణ జరుపుకుంటోంది. నిర్మాణాంతర కార్యక్రమాలు పూర్తి చేసుకుని దీపావళికి సినిమాని థియేటర్లలో విడుదలకు ప్లాన్ చేస్తున్నట్టు చిత్ర బృందం తెలిపింది. నిర్మాతలు మాట్లాడుతూ, `ప్రస్తుతం హైదరాబాద్లో వేసిన సెట్లో చివరి షెడ్యూల్ జరుగుతుంది. ఈ చిత్రం కోసం వరుణ్ తేజ్ పూర్తిగా తన బాడీ లాంగ్వేజ్ మార్చుకున్నారు. బాక్సింగ్ బ్యాక్డ్రాప్లో రూపొందుతోన్న ఈ సినిమాకు హాలీవుడ్ చిత్రం `టైటాన్స్`, బాలీవుడ్ `సుల్తాన్` చిత్రాలకు యాక్షన్ సన్నివేశాలను డిజైన్ చేసిన హాలీవుడ్ స్టంట్ మాస్టర్స్ లార్నెల్ స్టోవల్, వ్లాడ్ రింబర్గ్ యాక్షన్ సన్నివేశాలను చిత్రీకరించారు. బాలీవుడ్ బ్యూటీ సయీ మంజ్రేకర్ కథానాయికగా నటిస్తున్న ఈ చిత్రంలో ఉపేంద్ర, సునీల్ శెట్టి, నవీన్ చంద్ర కీలక పాత్రలు పోషిస్తున్నార`ని తెలిపారు.
Let’s light up the theatres this
Diwali with 🥊🥊🥊 pic.twitter.com/tHSXfbEkTp