భయంతో పోలీస్ స్టేషన్ కి వెళ్లిన హీరోయిన్!

బాలీవుడ్ బ్యూటీ వాణీ కపూర్ తెలుగులో 'ఆహా కళ్యాణం' సినిమాలో నటించింది. ప్రస్తుతం ఈమె బాలీవుడ్ లో అవకాశాల కోసం ప్రయత్నిస్తోంది. తాజాగా ఈ బ్యూటీ తనను రక్షించమని పోలీసులను ఆశ్రయించింది.

వివరాల్లోకి వెళితే.. ముంబైలో రాత్రివేళ వాణీకపూర్ తన కారులో వెళ్తుండగా.. ఓ యువకుడు ఆమెని గమనించి ఫాలో అవ్వడం మొదలుపెట్టాడు. ఇది గమనించిన వాణీ కపూర్ కారు డ్రైవర్ మరింత వేగంగా కారు నడిపాడు. అయినప్పటికీ ఆ యువకుడు మాత్రం కారుని అనుసరిస్తూనే వచ్చాడు. 

దీంతో కారు డ్రైవర్ నేరుగా పోలీస్ స్టేషన్ కి వెళ్లాడు. అక్కడ వాణీకపూర్ ఆ యువకునిపై ఫిర్యాదు చేసినట్లు తెలుస్తోంది. పోలీసుల విచారణలో ఆ యువకుడి పేరు సమీర్ ఖాన్ అని తెలిసింది. దీనికి సంబంధించి మరిన్ని వివరాలు తెలియాల్సివున్నాయి!