సంగీత దర్శకుడు తమన్ కి ఇప్పుడు టాలీవుడ్ లో డిమాండ్ బాగా పెరిగింది. అతడు సంగీతం అందిస్తోన్న సినిమాలు కూడా మంచి విజయాలను అందుకుంటున్నాయి. 'తొలిప్రేమ','అరవింద సమేత' వంటి సినిమాలతో మరింత పేరు సంపాదించుకున్నాడు.
సంగీత దర్శకుడు తమన్ కి ఇప్పుడు టాలీవుడ్ లో డిమాండ్ బాగా పెరిగింది. అతడు సంగీతం అందిస్తోన్న సినిమాలు కూడా మంచి విజయాలను అందుకుంటున్నాయి. 'తొలిప్రేమ','అరవింద సమేత' వంటి సినిమాలతో మరింత పేరు సంపాదించుకున్నాడు.
ఓ పక్కన పూర్తి స్థాయిలో సినిమాలకు పని చేస్తూనే మరోపక్క ఇతర సినిమాలకు కూడా సహాయం చేస్తుంటాడు. మొన్నటికిమొన్న 'సై రా' సినిమా ఫస్ట్ లుక్ టీజర్ కి తన నేపధ్య సంగీతాన్ని జోడించి అలరించాడు.
నిజానికి ఆ సినిమాకు మ్యూజిక్ డైరెక్టర్ అమిత్ త్రివేది. తాజాగా 'సాహో' సినిమా విషయంలో కూడా తమన్ ఇలానే చేశాడు. ప్రభాస్ పుట్టినరోజు కానుకగా విడుదల చేసిన మేకింగ్ వీడియోకి నేపధ్య సంగీతం అందించింది తమనే.. నిజానికి శంకర్-ఎహసాన్-లాయ్ ఈ సినిమాకు మ్యూజిక్ అందిస్తున్నారు.
వారు ఇతర పనులతో బిజీగా ఉండడంతో 'షేడ్స్ ఆఫ్ సాహో' కోసం తమన్ ని తీసుకున్నారు. కేవలం ఈ వీడియోకే తమన్ ని పరిమితం చేయడం లేదు. ఇతగాడితో చిత్రనిర్మాణ సంస్థ యువి క్రియేషన్స్ ఓ డీల్ కుదుర్చుకుంది.
సినిమాకు సంబంధించిన ప్రతి టీజర్ కి తమనే సంగీతం అందిస్తాడని తెలుస్తోంది. ప్రస్తుతం మనం సాహో చాప్టర్ 1 చూశాం. త్వరలోనే మరిన్ని చాప్టర్లు రానున్నాయి.
ఇది కూడా చదవండి..
'షేడ్స్ ఆఫ్ సాహో'.. ప్రభాస్ లుక్ మాములుగా లేదుగా!