Akhanda:ఓవర్సీస్ లో ఇంకో రికార్డ్ ,బాలయ్య కెరీర్ లో సెకండ్ టైమ్
By Surya Prakash | First Published Dec 14, 2021, 12:45 PM ISTఈ రికార్డు కూడా బాలకృష్ణ కెరీర్లోనే రెండోసారి కావడం విశేషం. ఓవర్ సీస్ వసూళ్ల విషయంలో ఇప్పటి వరకు బాలయ్య సినిమాల్లో గౌతమిపుత్ర శాతకర్ణి సినిమా మిలియన్ డాలర్స్‌ను వసూలు చేసింది.
బాలకృష్ణ - బోయపాటి కాంబినేషన్లో తెరకెక్కిన 'అఖండ' ఇంకా తన జోరు చూపుతోన్న సంగతి తెలిసిందే. తెలుగు రాష్ట్రాలతో పాటు ఓవర్సీస్ లోను ఈ సినిమా అదే తరహాలో దూసుకెళుతోంది. ప్రపంచవ్యాప్తంగా ఈ నెల 2వ తేదీన విడుదలైన ఈ సినిమా, ఇంతవరకూ 100 కోట్ల వసూళ్లకు పైగా రాబట్టడం విశేషం. బాలకృష్ణ కెరియర్లో బ్లాక్ బస్టర్ హిట్ గా నమోదైన 'లెజెండ్' సినిమా, సాధారణ పరిస్థితుల్లోనే యూఎస్ లో హాఫ్ మిలియన్ మార్కును అందుకోలేకపోయింది.
అలాంటిది ఇప్పుడున్న పరిస్థితుల్లో ఈ సినిమా అయినా హాఫ్ మిలియన్ మార్కును అందుకుంటే గొప్ప విషయం అనుకున్నారు. అలాంటి వాళ్లందరినీ ఈ సినిమా ఆశ్చర్యపరిచింది. తాజాగా ఈ సినిమా యూఎస్ లో మిలియన్ మార్కును టచ్ చేసింది. ఈ ఏడాది అక్కడ మిలియన్ డాలర్లను దక్కించుకున్న అతి తక్కువ సినిమాల జాబితాలో 'అఖండ' చేరిపోయింది. బాలకృష్ణ - బోయపాటిలకు హ్యాట్రిక్ హిట్ ఇవ్వడం .. 100 కోట్ల క్లబ్ లో చేరడం .. యూఎస్ లో మిలియన్ డాలర్లను రాబట్టడం 'అఖండ' ఖాతాలో కనిపిస్తున్న అరుదైన విషయం.
Latest Videos
undefined
ఈ రికార్డు కూడా బాలకృష్ణ కెరీర్లోనే రెండోసారి కావడం విశేషం. ఓవర్ సీస్ వసూళ్ల విషయంలో ఇప్పటి వరకు బాలయ్య సినిమాల్లో గౌతమిపుత్ర శాతకర్ణి సినిమా మిలియన్ డాలర్స్‌ను వసూలు చేసింది. యు.ఎస్.లో మరోసారి క్రేజీ మైల్ స్టోన్ సాధించడంతో నందమూరి అభిమానుల్లోనే కాదు. సినీ పరిశ్రమలోనూ కొత్త ఊపు వచ్చింది. మొదటి రోజు నుంచి ఓవర్ సీస్ లో అఖండ బుకింగ్స్ ఓపెన్ అయిన గంటలోనే థియేటర్స్ లో ఫుల్ గా టికెట్స్ అమ్ముడుపోయాయి. బాలకృష్ణ గత సినిమాలు కథానాయకుడు, మహానాయకుడు తో పోయిన డబ్బులు ఈ సినిమాతో రకవరి అయిపోయినట్లే. అఖండ మూవీ తో మేకర్స్ భారీ లాభాలు మూట గట్టుకుంది. Also read Allu Arjun: బాలయ్యకు అల్లు అర్జున్ పార్టీ.. అల్లు, నందమూరి బంధం బలపడుతోందే
2021 సంవత్సరానికి సంబంధించి ఓవర్సీస్‌లో అత్యధిక వసూళ్లు (గ్రాస్‌) సాధించిన చిత్రంగా నిలిచింది. రిలీజయ్యి రెండు వారాలు అయినా సినిమా థియేటర్ల దగ్గర ప్రేక్షకుల కేరింతలు.. అభిమానుల సందడితో సందడిగా నెలకొంటొంది. బాలయ్య ని బోయపాటి చూపించిన నెక్స్ట్ లెవెల్ మాస్ ప్రెజెంటేషన్ లో తనకి తానే సాటి అని మళ్ళీ ప్రూవ్ చేశారు. రెండు వేరియేషన్ లో కూడా బాలయ్య లోని మాస్ విశ్వరూపం దేనికదే డిఫరెంట్ గా సాలిడ్ ట్రీట్ ని అందించింది. కేవలం తెలుగు రాష్ట్రాల్లోనే కాకుండా ఓవర్సీస్‌లో కూడా ఈ సినిమా వసూళ్ల ప్రభంజనాన్ని సృష్టిస్తోంది. ఇందులో బాలయ్య సరసన ప్రగ్యా జైస్వాల్ హీరోయిన్గా నటించగా.. విలన్ పాత్రలో శ్రీకాంత్ అదరగొట్టాడు. ఈ చిత్రాన్ని ద్వారక క్రియేషన్స్ బ్యానర్ పై నిర్మించగా. థమన్ సంగీతం అందించారు.
Also read Radhe Shyam:'అఖండ' ఎఫెక్ట్...'రాధేశ్యామ్' లో పెద్ద మార్పు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి