హిందీ, మరాఠి నటి సోనాలీ కులకర్ణి ఇంట్లో ఓ దుండగుడు హల్చల్ చేశాడు. నటి తండ్రిపై దాడికి పాల్పడ్డాడు.ఈ ఘటన మంగళవారం చోటు చేసుకుంది. వివరాల్లోకి వెళితే..
హిందీ, మరాఠి నటి సోనాలీ కులకర్ణి ఇంట్లో ఓ దుండగుడు హల్చల్ చేశాడు. నటి తండ్రిపై దాడికి పాల్పడ్డాడు.ఈ ఘటన మంగళవారం చోటు చేసుకుంది. వివరాల్లోకి వెళితే.. మహారాష్ట్రలోని పుణెలో పింప్రి చించ్వాద్లో నివాసముంటున్న నటి సోనాలీ ఇంట్లోకి మంగళవారం నాడు ఓ వ్యక్తి చొరబడ్డాడు. ఒక ఫేక్ తుపాకీ, కత్తితో టెర్రస్ పై నుంచి ఇంట్లోకి ప్రవేశించాడు. అతడిని చూసిన పని మనిషి భయంతో వణికిపోయింది. తన వెనక పోలీసులు ఉన్నారని, అరవొద్దని తాను ఎక్కడ దాక్కోవాలో చెప్పమని ఆదేశించాడా దుండగుడు.
ఇంతలో నటి తండ్రి మనోహర్ ఆ దుండగుడిని పట్టుకునేందుకు ప్రయత్నించాడు. అతడు కత్తితో దాడి చేయడంతో మనోహర్కు గాయాలయ్యాయి. అనంతరం దొంగ వెంటనే అక్కడి నుంచి పారిపోయేందుకు ప్రయత్నించాడు. కానీ, అప్పటికే అప్రమత్తమైన కాలనీవాసులు అతని పట్టుకుని దేహ శుద్ధి చేసి పోలీసులకు అప్పగించారు.ఆ వ్యక్తి సోనాలి అభిమాని అయి ఉంటాడని పోలీసులు అనుమానిస్తున్నారు. ప్రస్తుతం ఈ ఘటనపై లోతైన దర్యాప్తు జరుపుతున్నట్లు పోలీసులు వెల్లడించారు. నటి సోనాలీ కులకర్ణి ఈ నెల మొదటి వారంలో దుబాయ్ లో చార్టర్డ్ అకౌంటెంట్ కునాల్ బెనోడెకర్ను వివాహం చేసుకున్నారు.
హిందీ, మరాఠీ, గుజరాతీ, కన్నడ చిత్రాల్లో నటించి నటిగా మంచి గుర్తింపు తెచ్చుకుంది సోనాలి కులకర్ణి. వాటిలో `డాక్టర్.బాబా సాహెబ్ అంబేద్కర్`, `దోగి`, `దియూల్`, `గులాబ్జామ్`, `దిళ్ చహతా హై`, `సింగం`, `టాక్సీ నెం.9211, `భరత్` చిత్రాల్లో నటించి మంచి గుర్తింపు తెచ్చుకుంది. వీటితోపాటు `ఫీయర్ ఫ్యాక్టర్ః ఖట్రాన్ కే ఖిలాడీ 1`, `జలక్ దిఖలాజా 2` షోస్లో పాల్గొంది.