మోహన్‌లాల్‌ `తుడరుమ్‌` సంచలనం.. మలయాళంలో అన్ని రికార్డులు బ్రేక్‌

మోహన్ లాల్ ని ఎలా అయితే అభిమానులను చూడాలనుకుంటారో, కరెక్ట్ గా అలానే వచ్చిన మూవీ `తుడరుమ్‌`. ఈ మూవీ ప్రారంభం నుంచే అందరి దృష్టిని ఆకర్షించించింది. తరుణ్ మూర్తి దర్శకత్వం వహించిన ఈ మూవీ గత నెలలో ఆడియెన్స్ ముందుకు వచ్చింది. ప్రస్తుతం బాక్సాఫీసు వద్ద రచ్చ చేస్తుంది. ఇటీవలి కాలంలో ఏ సినిమాకూ దక్కని మౌత్ పబ్లిసిటీతో దూసుకుపోయింది. ఇప్పుడు కేరళ బాక్సాఫీస్ లో అత్యధిక వసూళ్లు సాధించిన సినిమాగా నిలిచింది. రెండేళ్లుగా ఎవరూ అధిగమించలేని `2018` సినిమా రికార్డును బద్దలు కొట్టి కేరళలో `తుడరుమ్‌` భారీ విజయం సాధించింది.

మలయాళంలో అత్యధిక కలెక్షన్లు సాధించిన చిత్రంగా `తుడరుమ్‌`..

ఈ సందర్భంగా కేరళలో అత్యధిక వసూళ్లు సాధించిన టాప్ 10 సినిమాల జాబితా వెలువడింది. సౌత్ ఇండియన్ బాక్సాఫీస్ నివేదిక ప్రకారం, ఈ జాబితాలో ఇతర భాషా చిత్రాలు కూడా ఉన్నాయి. అందులో రెండు ప్రభాస్ సినిమాలు కావడం విశేషం. 89 కోట్లకు పైగా వసూళ్లతో `తుడరుమ్‌` మొదటి స్థానంలో ఉంది. రెండో స్థానంలో 2018 సినిమా ఉంది. దాని కేరళ వసూళ్లు 89.2 కోట్లు.

టాప్‌ 5లో మూడు మోహన్‌ లాల్‌ చిత్రాలు 

86.3 కోట్లతో `ఎంపురాన్` మూడో స్థానంలో ఉంది. దాని తర్వాత 85 కోట్లతో `పులిమురుగన్` ఉంది. ఐదో స్థానంలో `ఆడుజీవితం` ఉంది. ఈ చిత్రం 79.3 కోట్లు వసూలు చేసింది. మొదటి ఐదు స్థానాల్లో మూడు మోహన్ లాల్ సినిమాలు ఉండటం గమనార్హం. ఆరో స్థానంలో ఫహద్ ఫాజిల్ చిత్రం ఆవేశం ఉంది. ఈ సినిమా కేరళ వసూళ్లు 76.10 కోట్లు అని సౌత్ ఇండియన్ బాక్సాఫీస్ నివేదించింది.

`బాహుబలి` (74.5 కోట్లు), `మంజుమ్మల్ బాయ్స్` (72.10), `ఏఆర్‌ఎం` (68.75 కోట్లు), `కేజీఎఫ్ చాప్టర్ 2` (68.5) 7 నుంచి 10 వరకు ఉన్నాయి.  మోహన్ లాల్ చిత్రం `తుడరుమ్‌` వ్యాపారం సహా 325 కోట్లు వసూలు చేసింది. ఏదేమైనా, మలయాళ సినిమాలో `తుడరుం` రికార్డును ఎవరు బద్దలు కొడతారో చూడాలి.