రామ్‌ ఫ్యాన్స్ కి రోలెక్స్ సర్‌ప్రైజ్.. దుమ్ములేపుతున్న `విజిల్‌` సాంగ్‌..

రామ్‌ పోతినేని, కృతి శెట్టి జంటగా నటించిన `ది వారియర్‌` సినిమాలోని మరో పాట విడుదలైంది. `విజిల్‌` సాంగ్‌ని సూర్య విడుదల చేశారు. 

ఎనర్జిటిక్‌ హీరో రామ్‌ పోతినేని(Ram Pothineni) ఫ్యాన్స్ కి `రోలెక్స్` సూర్య(Suriya)సర్‌ప్రైజ్‌ ఇచ్చారు. ఆయన నటిస్తున్న `ది వారియర్‌`(The Warriorr) లోని పాటని విడుదల చేశారు. బుధవారం సాయంత్రం హీరో సూర్య `ది వారియర్‌` చిత్రంలోని `విజిల్‌`(Whistle Song) పేరుతో సాగే పాటని సోషల్‌ మీడియా ద్వారా విడుదల చేశారు. చిత్ర బృందానికి అభినందనలు తెలిపారు. ప్రస్తుతంఈ పాట యూట్యూబ్‌లో దుమ్ములేపుతుంది.

రామ్‌ హీరోగా లింగుస్వామి దర్శకత్వంలో రూపొందిన `ది వారియర్‌` చిత్రంలో `విజిల్‌` సాంగ్‌ ప్రస్తుతం సామాజిక మాధ్యమాల్లోనూ ట్రెండింగ్‌ అవుతుంది. ఈ పాటని తెలుగు, తమిళంలో విడుదల చేశారు. ఈ పాటని ఆంటోనీ దాసన్‌, శ్రినిష జయసీలన్‌ ఆలపించారు. సాహితి రాయగా, దేవిశ్రీ ప్రసాద్‌ సంగీతం సమకూర్చారు. మాస్‌ బీట్‌గా సాగే ఈ పాట యూట్యూబ్‌లో, సోషల్‌ మీడియాలో ట్రెండ్‌అవుతూ దుమ్మురేపుతుంది. పాట పేరులాగే థియేటర్లలో ఆడియెన్స్ చేత విజిల్స్ వేయించేలా ఉందీ పాట. 

క్లైమాక్స్ కి ముందు ఈ పాట రాబోతుందని అర్థమవుతుంది. ఇందులో రామ్‌ ఎనర్జిటిక్‌ డాన్సుతో ఉర్రూతలూగించారు. ఆయనకు కృతి శెట్టి జోడీ కట్టడంతో ఈ పాట మరింత కలర్‌, గ్లామర్‌ తోడయ్యింది. వెండితెరపై ఫ్యాన్స్ కి పూనకాలు తెప్పించేలా ఉండబోతుందని చెప్పొచ్చు. రామ్‌ ఎనర్జీకి పర్‌ఫెక్ట్ మ్యాజింగ్‌ అయ్యే పాట ఇది కావడం విశేషం. ఇక లింగుస్వామి దర్శకత్వంలో రూపొందుతున్న `ది వారియర్‌` చిత్రంలో రామ్‌కి జోడీగా కృతి శెట్టి హీరోయిన్‌గా నటిస్తుంది. ఆది పినిశెట్టి విలన్‌ పాత్రని పోషిస్తున్నారు. 

ఇప్పటికే ఈ చిత్రం నుంచి విడుదలైన పాట, టీజర్‌ ఆద్యంతం ఆకట్టుకుంటున్నాయి. ముఖ్యంగా టీజర్‌లో రామ్‌ చెప్పే డైలాగ్‌లు, పోలీస్‌గా ఆయన లుక్‌ అదరగొట్టేలా ఉంది. మాస్‌ యాక్షన్‌ థ్రిల్లర్‌తో రామ్‌ రాబోతున్నారు. ఈ సారి హిట్‌ పక్కా అనే సిగ్నల్స్ ఇస్తున్నారు. ఈ చిత్రం జులై 14న తెలుగుతోపాటు తమిళంలో విడుదల కాబోతుంది. శ్రీనివాస సిల్వర్‌ స్క్రీన్‌పై శ్రీనివాస్‌ చిట్టూరి నిర్మించిన చిత్రమిది.