రవితేజ నిర్మిస్తున్న.. ‘సుందరం మాస్టర్’ టీజర్ విడుదల.. నవ్వులు పూయించిన వైవా హర్ష
By Asianet News | First Published Jul 11, 2023, 7:14 PM ISTనటుడు వైవా హర్ష (Harsha Chemudu) ప్రధాన పాత్రలో నటించిన చిత్రం ‘సుందరం మాస్టర్’. ఈ చిత్రాన్ని మాస్ మహారాజా రవితేజ నిర్మిస్తున్నారు. తాజాగా యూనిట్ విడుదల చేసిన టీజర్ ఆసక్తికరంగా ఉంది.
మాస్ మహారాజా రవితేజ ప్రొడక్షన్ హౌజ్ ఆర్టీ టీమ్ వర్స్ బ్యానర్ పై నిర్మిస్తున్న తాజా చిత్రం ‘సుందరం మాస్టర్’ (Sundaram Master). ఈ బ్యానర్ లో చివరిగా ‘మట్టి కుస్తీ’ వచ్చిన విషయం తెలిసిందే. తాజాగా మరో ఇంట్రెస్టింగ్ కన్సెప్ట్ తో ప్రేక్షకుల ముందుకు వస్తున్నారు. ‘సుందరం మాస్టర్’ చిత్రంలో నటుడు హర్ష చెముడు ప్రధాన పాత్రలో నటించారు. దివ్య శ్రీపాద లీడ్ యాక్ట్రెస్ గా నటించారు. గోల్డెన్ మీడియా కూడా నిర్మాణ భాగస్వామిగా ఉంది. కళ్యాణ్ సంతోష్ దర్శకత్వం వహించారు.
ఇప్పటికే చిత్రం నుంచి వదిలిన పోస్టర్లు సినిమాపై ఇంట్రెస్ట్ ను క్రియేట్ చేశాయి. ఈ చిత్ర టీజర్ ను తాజాగా రవితేజ విడుదల చేశారు. చాలా ఇంట్రెస్టింగ్ గా ఉంది. సరికొత్త కామెడీని అందించే ప్రయత్నమే ‘సుందరం మాస్టర్’ సినిమాగా అనిపిస్తోంది. టీజర్ విషయానికొస్తే.. అటవీ ప్రాంతంలోని గిరిజనులకు ఇంగ్లీష్ నేర్పేందుకు హర్ష వారుండే ప్రాంతానికి వెళ్తాడు. రోజూ పిల్లలకి ఇంగ్లీష్ నెర్పిస్తుంటాడు. ఈ క్రమంలో ఆయనకు పెద్ద షాక్ తగులుతుంది. అదేంటంటే అక్కడి గిరిజనులు ఇంగ్లీషులో అనర్గళంగా మాట్లాడతారు. అలాగే చాలా తెలివైన వారు కూడా.
Latest Videos
దాంతో హర్షను ఓ ఆటాడుకుంటారు. పనిచేస్తేనే తిండిపెడతారు. ఇక వారి నుంచి ఎలా తప్పికున్నాడనేది చూడాలి. టీజర్ లో హర్ష నవ్వులు పూయించాడు. కథ కూడా చాలా ఇంట్రెస్టింగ్ గా ఉంది. ప్రస్తుతం నెట్టింట టీజర్ వైరల్ గా మారింది. మున్ముందు వచ్చే అప్డేట్స్ తో మరింత హైప్ క్రియేట్ చేసేలా కనిపిస్తోంది. దర్శకుడు సినిమాలో ట్విస్టులు, బోలెడంతా కామెడీని సరికొత్తగా అందించబోతున్నారని టీజర్ ద్వారా అర్థమవుతోంది.
Supreme Hero speech at Teaser Launch Event
- https://t.co/ivjCl9O6Qj TEASIR OUT NOW
- https://t.co/iyv1nKmPEr pic.twitter.com/eM8dWLL14N
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి