చిరంజీవి డాన్సులకు ఫిదా అయిన హాలీవుడ్ స్టార్ కమేడియన్..కేకలు పెడుతూ రచ్చ..
సారాంశం
చిరంజీవి డాన్సులకు హాలీవుడ్ స్టార్ కమేడియన్ గాడ్ఫ్రే ఫిదా అయ్యారు. `దొంగ` చిత్రంలో `గోలీమార్`, `ముఠామేస్త్రీ` చిత్రంలోని `ఈ పేటకు నేనే మేస్ట్రీ` పాటకు ఆయన మంత్రముగ్దులయ్యారు.
మెగాస్టార్ చిరంజీవి డాన్సులకు ఫిదా కానీ ఆడియెన్ ఉండరంటే అతిశయోక్తి కాదు. మైకేల్ జాన్సన్కి ఏమాత్రం తక్కువ కాకుండా అద్భుతమైన డాన్సులేస్తూ ఉర్రూతలూగిస్తుంటారు. తాజాగా ఆయనకు డాన్సులకు హాలీవుడ్ స్టార్ కమేడియన్ గాడ్ఫ్రే ఫిదా అయ్యారు. `దొంగ` చిత్రంలో `గోలీమార్`, `ముఠామేస్త్రీ` చిత్రంలోని `ఈ పేటకు నేనే మేస్ట్రీ` పాటకు ఆయన మంత్రముగ్దులయ్యారు. ప్రశంసలతో ముంచెత్తారు. చిరంజీవి పాట వస్తున్నంత సేపు ఎంజాయ్ చేశారు. అరుపులతో గోల చేశారు. చిరంజీవి డాన్సులను మైకేల్ జాన్సన్తో పోల్చుతూ, ప్రశంసలు కురిపించారు.
తెలుగు-అమెరికన్ స్టాండప్ కమేడియన్ విష్ణు వాకా నిర్వహించిన లైవ్ షోలో హలీవుడ్ కమేడియన్ గాడ్ఫ్రే పాల్గొన్నారు. లైవ్ షోలో మధ్యలో ఆయన ఇండియన్స్ గురించి ప్రస్తావించారు. ఇండియన్స్ ఎంత టాలెంటెడ్ అనే విషయాన్ని ఆయన వివరించారు. క్రేజీ పర్సన్స్ అని, వాళ్లు ఎంతో రాణిస్తున్నారని తెలిపారు. ఈ క్రమంలో సినీ తారలకు సంబంధించిన చర్చ జరిగినప్పుడు చిరంజీవి ప్రస్తావన తీసుకొచ్చారు విష్ణువాకా.
ఆయనకు తాను పెద్ద అభిమానిని అని చెప్పగా, ఆయన గురించి తెలుసుకోవాలని కుతుహలం ప్రదర్శించారు గాడ్ఫ్రే. దీంతో మొదట చిరంజీవి నటించిన `దొంగ` చిత్ర క్లిప్స్ చూపించారు. ఇందులో `గోలీమార్` అంటూ వచ్చే చిరంజీవి డాన్సులను చూపించారు. అచ్చం మైకేల్ జాక్సన్ లాగే వేస్తున్నారంటూ ప్రశంసించారు. మైకేల్ జాక్సన్ డాన్సులతోనూ కంపేర్ చేయడం విశేషం. అనంతరం `ముఠామేస్ట్రి` చిత్రంలోని `ఈ పేటకు నేనే మేస్త్రీ` పాటని మరింతగా ఎంజాయ్ చేశారు. వాహ్ అంటూ ఇలా కూడా డాన్సు చేస్తారా అంటూ ఆద్యంతం తన ఆశ్చర్యానికి వ్యక్తం చేశారు.
మొదట చిరు పేరును పలకడానికి ఇబ్బంది పడ్డ గాడ్ ఫ్రేకి చిరంజీవి పేరును ఎలా పలకాలో వివరించారు విష్ణు. మెగాస్టార్ ఇండియాలో పెద్ద స్టార్ అని చెబుతూ అతన్ని ఇండియన్ మైఖేల్ జాక్సన్గా అభిమానులు పిలుచుకుంటారని గాడ్ ఫ్రేకు చెప్పుకొచ్చారు. చిరంజీవి వేస్తున్న స్టెప్పులు చూసి ఈలలు, కేకలు వేస్తూ ఎంజాయ్ చేశారు గాడ్ ఫ్రే. దీనికి సంబంధించిన లైవ్ వీడియోను విష్ణు వాకా ట్విట్టర్ ద్వారా సోషల్ మీడియా అభిమానులతో షేర్ చేశారు. ఈ ప్రస్తుతం ఈ వీడియోలు నెట్టింట సందడి చేస్తున్నాయి.
గాడ్ఫ్రే.. అమెరికా నటుడుగా, కమేడియన్గా రాణఙస్తున్నారు. `సోల్ ప్లేన్`, `ఒరిజినల్ గ్యాంగ్స్టాస్`, `జూలాండర్`, `జాన్సన్ ఫ్యామిలీ వెకేషన్` వంటి సినిమాల్లో కమేడియన్గా నటించి ఆకట్టుకున్నారు. వీటితోపాటు షోస్, టెలివిజన్ సిరీస్ల్లో నటించారు.