ఆదిత్య నారాయణ్, శ్వేతా అగర్వాల్ అడుగుపెట్టిన ఇంటి గురించి బాలీవుడ్ మీడియాలో అనేక కథనాలు రావడం జరిగింది. ఈ కొత్త ఇంటి ఖరీదు నాలుగు కోట్లని, విలాసవంతమైన ఇల్లు అని వరుస కథనాలు వస్తున్నాయి. ఈ నేపథ్యంలో సదరు వార్తలపై ఆదిత్య నారాయణ్ స్పందించారు.
ప్రముఖ సింగర్ ఉదిత్ నారాయణ్ కుమారుడు ఆదిత్య నారాయణ్ డిసెంబర్ 1న తన చిరకాల ప్రేయసి శ్వేతా అగర్వాల్ మెడలో తాళి కట్టాడు. చాలా కాలంగా ప్రేమలో ఉన్న ఈ జంట పెళ్లి బంధంతో ఒక్కటయ్యారు. ముంబైలో ఈ వివాహ వేడుక ఘనంగా జరిగింది. కోవిడ్ ఆంక్షల నేపథ్యంలో బంధు మిత్రులు, అత్యంత సన్నహితులు మాత్రమే ఈ వివాహానికి హాజరు కావడం జరిగింది. కొత్తగా పెళ్ళైన ఈ వధూవరులు నూతన గృహ ప్రవేశం చేశారు.