Bigg Boss Telugu 7: హౌజ్‌లో శివాజీ గ్రాఫ్‌ పడిపోతుందా?.. నాగార్జున నిలదీసే పరిస్థితికి వచ్చాడుగా!

Aithagoni RajuPublished : Dec 2, 2023 6:07 PM

బిగ్‌ బాస్‌ తెలుగు 7 చివరి దశకు చేరుకుంది. మరో రెండు మూడు వారాల్లో షో క్లోజ్‌ కాబోతుంది. అయితే మొన్నటి వరకు టాప్‌ లో ఉన్న శివాజీ ఇప్పుడు ఒక్కసారిగా పడిపోయాడా? నాగార్జున చెప్పింది అదేనా?

బిగ్‌ బాస్‌ తెలుగు 7 షో చివరి దశకు చేరుకుంది. మరో రెండు వారాల్లో షో పూర్తి కాబోతుంది. ప్రస్తుతం పదమూడో వారం చివరికి చేరుకుంది. ఈ వారం ఎవరు ఎలిమినేట్‌ అవుతారనేది ఆసక్తికరంగా మారింది. ఇప్పుడున్న వారిలో అంతా స్ట్రాంగ్‌ కంటెస్టెంట్లే ఉన్నారు. మరి గౌతమ్‌, శోభా, యావర్‌లో ఎవరు హౌజ్‌ని వీడతారు అనేది ఆసక్తికరంగా మారింది.

ఇదిలా ఉంటే ప్రారంభం నుంచి శివాజీ టాప్‌లో నిలుస్తూ వస్తున్నారు. ఆయన ఛాణక్య ఆటతీరుతో గెలుస్తూ వస్తున్నాడు. అన్ని పరిస్థితులను తనవైపు తిప్పుకుంటున్నాడు. తాను నిజాయితీగా ఆడుతున్నట్టుగా వ్యవహరిస్తూ వస్తున్నారు. బయటకు కూడా అదే ప్రొజెక్ట్ అయ్యింది. హౌజ్‌లో వీకెండ్‌లో నాగార్జున నిలదీసినప్పుడు కూడా అదే చెబుతున్నారు. ఏదో రకంగా కవర్‌ చేసుకుంటున్నాడు. తాను మాటలు జారడం కూడా కవర్‌ చేసుకునే తీరు కూడా ఫెయిర్‌గా అనిపించడం లేదు. 

అయితే మిడిల్‌లో ఆయనకు ఒక్కసారిగా గ్రాఫ్‌ పెరిగింది. హౌజ్‌లో ఆయన్ని నెగటివ్‌ గా అనుకున్న వాళ్లంతా తర్వాత ఆయనకు అనుకూలంగా మారిపోయాడు. ఆయన్ని హౌజ్‌లో దేవుడిని చేశారు. కానీ ఇటీవల ఆయన ఆట తీరు, ఆయన వ్యవహారశైలి కొంత నెగటివ్‌గా మారుతుంది. శివాజీ ఇతరుల విషయంలో కొన్ని మాటలు జరగడం, ఓగ్రూపుగా కూర్చొని ఇతర కంటెస్టెంట్లపై నెగటివ్‌ కామెంట్లు చేయడం కొంత ఆయనపై నెగటివిటీ పెరగడానికి కారణమవుతుంది. 

గత వారంలో ఎలిమినేషన్‌కి సంబంధించిన ప్రక్రియలో ఆయన కింద నుంచి మూడో స్థానంలో ఉన్నారు. అప్పుడే శివాజీ క్రేజీ పడిపోతుందనే సాంకేతాలు కనిపించాయి. ఇక ఈ వారం ఆటలో ఏమాత్రం ప్రదర్శన ఇవ్వలేదని, సరిగా ఆడలేదని, ఏమాత్రం కష్టపడకుండానే గేమ్‌ లో ఓడిపోయాడని తెలుస్తుంది. తాజాగా వీకెండ్‌లో వచ్చిన నాగార్జున శివాజీని నిలదీశాడు. టికెట్‌ టూ ఫినాలేలో సరిగా ఆడలేదని వెల్లడించారు. నాగ్‌ అడిగిన ప్రశ్నలకు శివాజీ సమాధానం చెప్పలేకపోయారు. ఇలా ఇటీవల కొన్ని యాక్టివిటీ జనాలకు నచ్చడం లేదు. దీంతో శివాజీ మైలేజ్‌ పడిపోతుందని తెలుస్తుంది. 

నిజానికి మధ్యలో విన్నర్‌ శివాజీనే అవుతాడనే కాన్ఫిడెన్స్ అందరిలోనూ కలిగింది. ఆ సత్తా అతనిలో ఉందని అంతా భావించారు. కనీసం టాప్‌ 3లో ఉంటారనే భావన కూడా కలిగింది. కానీ తాజా పరిణామాల నేపథ్యంలో ఆయన టాప్‌ 5లో తప్ప టాప్‌ 3కి రాలేడనే అనుమానాలు కలుగుతున్నాయి. దీనికితోడు నేను ఇది ఆడలేదు, నేను ఇది భరించలేను, ఇది చూడలేను నన్ను పంపించండి బిగ్‌ బాస్‌ అంటూ పదే పదే శివాజీ అనడం కూడా ఆయనకు నెగటివ్‌గా మారుతుంది. ఏదో సింపతీ కోసం ఆయన ఇలా ఓవర్‌ చేస్తున్నాడనే అభిప్రాయం కూడా కలుగుతుంది. మరి ఇది గమనించి ఆయన తన ఆటతీరుని మెరుగుపరుచుకుని, మరింత హుందాగా వ్యవహరిస్తూ ముందుకు సాగుతాడా? లేదా అనేది చూడాలి. అయితే ఈ వారంలో మాత్రం ముందుగా శివాజీ, ప్రశాంత్‌లు సేవ్ అయ్యారని తెలుస్తుంది. 

Read more: Bigg Boss Telugu 7: రంగంలోకి దిగిన అమర్ దీప్ భార్య, ప్రియాంక పై ఫైర్ అయిన తేజస్వి
 

About the Author

Aithagoni Raju

అయితగోని రాజు 2020 నుంచి ఏషియానెట్‌ తెలుగులో వర్క్ చేస్తున్నారు. ఆయనకు టీవీ, ప్రింట్‌, డిజిటల్‌ జర్నలిజంలో 13ఏళ్ల అనుభవం ఉంది. ప్రధానంగా న్యూస్‌, సినిమా జర్నలిజం, ఎంటర్‌టైన్‌మెంట్‌ రంగంలో ప్రముఖ సంస్థల్లో వర్క్ చేశారు. ప్రపంచ సినిమాని `షో`(నవతెలంగాణ) పేరుతో రాసిన ప్రత్యేక కథనాలు విశేష గుర్తింపుని తెచ్చిపెట్టాయి. ప్రస్తుతం ఏషియానెట్‌ తెలుగులో ఎంటర్‌టైన్‌ మెంట్ టీమ్‌ని లీడ్‌ చేస్తున్నారు. సబ్‌ ఎడిటర్‌గానే రిపోర్టర్ గా సినిమా ఫీల్డ్ అనుభవం ఉంది. ఎంటర్‌టైన్‌మెంట్‌ విభాగంలో సినిమా, టీవీ, ఓటీటీ కి సంబంధించి ఆసక్తికర కథనాలను, సినీ ఇండస్ట్రీలోని విషయాలను, సినిమా రివ్యూలు, విశ్లేషణాత్మక కథనాలు రాయడంలో మంచి పట్టు ఉంది. క్వాలిటీ కంటెంట్‌ని అందిస్తూ, క్వాలిటీ జర్నలిజాన్ని ముందుకు తీసుకెళ్లడంలో తనవంతు కృషి చేస్తున్నారు.Read More...
click me!