తండ్రి ఫోటో ముందు తన వేలిని కొడుకు పట్టుకున్న ఉన్న ఫోటోని పంచుకున్నాడు. ఇది ఆద్యంతం ఆకట్టుకుంటుంది. దీంతో శివకార్తికేయన్ అభిమానులు ఫుల్‌ ఖుషీ అవుతున్నారు.
తమిళ హీరో శివకార్తికేయన్ రెండోసారి తండ్రయ్యాడు. ఆయన భార్య ఆర్తి సోమవారం పండంటి మగబిడ్డకి జన్మినిచ్చింది. ఈ విషయాన్ని శివకార్తికేయన్ వెల్లడించారు. సోషల్‌ మీడియా అకౌంట్‌ అయిన ట్విట్టర్‌ ద్వారా తెలిపారు. `18ఏళ్ల తర్వాత ఈ రోజు మా నాన్న నా చేయి పట్టుకున్నాడు. అది కూడా నా కొడుకు రూపంలో. ఎన్నో ఏళ్ల నుంచి నుంచి మోస్తూ వస్తున్న బాధని నా భార్య నేడు పోగొట్టింది. ఆమెకు కన్నీటితో కృతజ్ఞతలు తెలియజేస్తున్నా. తల్లీ బిడ్డ క్షేమంగా ఉన్నార`ని ట్వీట్‌ చేశాడు శివకార్తికేయన్.
ఈ సందర్భంగా తండ్రి ఫోటో ముందు తన వేలిని కొడుకు పట్టుకున్న ఉన్న ఫోటోని పంచుకున్నాడు. ఇది ఆద్యంతం ఆకట్టుకుంటుంది. దీంతో శివకార్తికేయన్ అభిమానులు ఫుల్‌ ఖుషీ అవుతున్నారు. `కుట్టి కార్తికేయన్‌ వచ్చాడని అంటూ `కుట్టిఎస్కే` యాష్‌ ట్యాగ్‌ని ట్రెండ్‌ చేస్తున్నారు. ప్రస్తుతం ఈ ఫోటో సోషల్‌ మీడియాలో వైరల్‌ అవుతుంది. మరోవైపు సినీ తారలు సైతం శివకార్తికేయన్‌కి శుభాకాంక్షలు తెలియజేస్తున్నారు.
18 வருடங்களுக்குப் பிறகு இன்று என் அப்பா என் விரல் பிடித்திருக்கிறார் என் மகனாக…என் பல வருட வலி போக்க தன் உயிர்வலி தாங்கிய என் மனைவி ஆர்த்திக்கு கண்ணீர்த்துளிகளால் நன்றி🙏 அம்மாவும் குழந்தையும் நலம்🙏👍❤️😊 pic.twitter.com/oETC9bh6dQ
— Sivakarthikeyan (@Siva_Kartikeyan)ఇదిలా ఉంటే శివకార్తికేయన్, ఆర్తిలకు 2013లో కుమార్తె ఆరాధన జన్మించారు. దాదాపు ఎనిమిదేళ్ల తర్వాత రెండో సంతానంగా ఇప్పుడు కుమారుడు జన్మించడంతో శివకార్తికేయన్ కుటుంబంలో ఆనందానికి అవధుల్లేవని చెప్పొచ్చు. `రెమో` చిత్రంతో తెలుగు ఆడియెన్స్ కి దగ్గరయ్యాడు శివకార్తికేయన్. ఈ సినిమా తర్వాత ఆయన నటించిన ప్రతి సినిమాని తెలుగులో డబ్‌ చేసి విడుదల చేస్తున్నారు. క్రమంగా టాలీవుడ్‌ ఆడియెన్స్ కి దగ్గరవుతున్నారు. ప్రస్తుతం ఆయన `డాన్‌` చిత్రంలో నటిస్తున్నారు. ఆయన నటించిన `డాక్టర్‌` సినిమా విడుదలకు రెడీగా ఉంది.