రన్ బీర్ ఊపిరి తీసుకోనివ్వలేదు: షబనా ఆజ్మీ

బాలీవుడ్ హీరో సంజయ్ దత్ జీవితం ఆధారంగా 'సంజు' అనే సినిమా రూపొందిన సంగతి తెలిసిందే. రన్ బీర్ కపూర్ నటించిన ఈ సినిమా శుక్రవారం ప్రేక్షకుల ముందుకు వచ్చింది. ఈ సినిమాకు అన్ని చోట్ల నుండి పాజిటివ్ రెస్పాన్స్ వస్తుంది. అభిమానులతో పాటు బాలీవుడ్ ప్రముఖులు కూడా ఈ సినిమా ప్రశంసలతో ముంచెత్తుతున్నారు.

తాజాగా నటి షబనా అజ్మీ కూడా ఈ సినిమాపై స్పందించింది. 'రన్ బీర్ జీవితంలో ఇది అద్భుతమైన సినిమా అవుతుంది. తన యాక్టింగ్ చూసి ఒక్క క్షణం ఊపిరి తీసుకోవడం మర్చిపోయాను. అంత చక్కటి పెర్ఫార్మన్స్ కనబరిచాడు' అంటూ రన్ బీర్ కపూర్ తండ్రి రిషి కపూర్ ట్యాగ్ చేసి ఓ పోస్ట్ పెట్టారు. తన కొడుకుపై కురిపిస్తోన్న అభినందలను ఆయన ఎంతో సంతోషంగా స్వీకరించారు.