సమంత చైతూలను సర్ ప్రైజ్ చేసిన పవన్ త్రివిక్రమ్

ఇటీవలే సమంత, నాగచచైతన్యల వివాహం అక్కినేనిగా ఇంటి పేరు మార్చుకున్న సమంత సమంత,చైతూల పెళ్లికి డైమండ్ రింగ్స్ గిఫ్ట్ ఇచ్చిన పవన్,త్రివిక్రమ్

టాలీవుడ్ హాట్ లవర్స్ సమంత, నాగచైతన్య  ఈ అక్టోబర్ 6న వివాహంతో ఒక్కటయ్యారు. వారం పది రోజులుగా అంతటా ఈ పెళ్లి గురించిన వార్తలే. కుటుంబ సభ్యులు, సన్నిహతుల మధ్య వీరిద్దరూ అక్టోబర్ 6న గోవాలో పెళ్లాడారు. హిందూ, క్రైస్తవ సంప్రదాయాల ప్రకారం వీరి వివాహమైంది.

పెళ్లి కానుకగా సామ్-చై దంపతులకు పవన్ కళ్యాణ్, డైరెక్టర్ త్రివిక్రమ్ ఊహించని రీతిలో గిఫ్ట్‌ను పంపారట. కొత్త జంట కోసం రెండు డైమండ్ రింగ్‌లను వీరు బహుమతిగా పంపించారట. ఎంత వరకు నిజమో తెలియదు గానీ ఈ వార్త మాత్రం సోషల్ మీడియాలో హల్‌చల్ చేస్తోంది.

హైదరాబాద్‌లో జరిగే రిసెప్షన్లో పాల్గొని కొత్త జంటకు ఉంగరాలు ఇవ్వాలని పవన్, త్రివిక్రమ్ ముందుగా భావించారట. కానీ ప్లాన్ మార్చుకొని పెళ్లి సమయంలో నూతన దంపతులకు ఈ గిఫ్ట్‌ను పంపి సర్‌ప్రైజ్ చేశారట. అయితే ఈ వార్తల పట్ల అటు చైతూ సమంతలు గానీ, ఇటు పవన్, త్రివిక్రమ్ గానీ స్పందించలేదు. పవర్ స్టార్ సరసన సమంత ‘అత్తారింటికి దారేది’ సినిమాలో నటించారు.