సమంత - విజయ్ దేవరకొండ ‘ఖుషి’ రిలీజ్ డేట్ ఫిక్స్.. బ్యూటీఫుల్ పోస్టర్ తో అనౌన్స్ మెంట్.. ఎప్పుడంటే?
By Asianet News | First Published Mar 23, 2023, 4:45 PM ISTసమంత - విజయ్ దేవరకొండ కలిసి నటిస్తున్న చిత్రం ‘ఖుషి’. ఎప్పుడెప్పుడా అని ఎదురుచూస్తున్న ఈ చిత్రం విడుదల తేదీని తాజాగా అనౌన్స్ చేశారు. ఈ సందర్భంగా బ్యూటిఫుల్ పోస్టర్ ను కూడా విడుదల చేయడంతో ఆకట్టుకుంటోంది.
డాషింగ్ హీరో విజయ్ దేవరకొండ (Vijay Deverakonda) , మోస్ట్ టాలెంటెడ్ బ్యూటీ సమంత (Samantha) కాంబినేషన్ లో రూపొందుకుంటున్న చిత్రం ఖుషి(Khushi). గతేడాది షూటింగ్ ప్రారంభించుకున్న ఈ చిత్రం గురించి అభిమానులు ఎంతగానో ఎదురుచూస్తున్నారు. రీసెంట్ గా సమంత అనారోగ్యానికి గురవడంతో సినిమా నుంచి అప్డేట్స్ ఎప్పుడు వస్తాయోనని కాస్తా అప్సెట్ అయ్యారు. సమంత కూడా క్యూర్ అవడంతో షూటింగ్ కు గ్రీన్ సిగ్నల్ ఇవ్వడంతో మళ్లీ పనులు చకా చకా నడుస్తున్నాయి. ఉగాది పండుగకు ఈ చిత్రం నుంచి ఎలాంటి అప్డేట్ రాలేదని అభిమానులు చూస్తుండగా.. తాజాగా అదిరిపోయే అప్డేట్ అందించారు.
ఇప్పటికే గతేాడాది డిసెంబర్ 23న చిత్రాన్నివిడుదల చేస్తామని అనౌన్స్ చేశారు. కానీ సమంత అనారోగ్యం దృష్ట్యా వాయిదా వేసినట్టు తెలుస్తోంది. ఇక తాజాగా చిత్రం రిలీజ్ డేట్ ను కన్ఫమ్ చేస్తూ మరోసారి అనౌన్స్ మెంట్ ఇచ్చారు. బ్యూటీఫుల్ పోస్టర్ ను విడుదల చేస్తూ విడుదల తేదీని ప్రకటించారు. సెప్టెంబర్ 1న ఈ చిత్రాన్ని ప్రపంచ వ్యాప్తంగా తెలుగుతో పాటు ఇతర భాషల్లోనూ విడుదల చేయబోతున్నారు. కశ్మీర్ తో పాటు ఎన్నో అందరమైన లొకేషన్స్ లో చిత్రీకరణ జరుపుకున్న ఈ చిత్రంతో విజయ్ దేవరకొండ - సమంత కాంబినేషన్ ప్రతి ఒక్కరి హృదయానికి హత్తుకునేలా దర్శకుడు తీర్చి దిద్దుతున్నారు. మిడ్ మాన్ సూన్ లో రెండు భిన్నమైన నేపథ్యాల మధ్య రాబోతోన్న ఈ కథ ప్రతి ఒక్కరినీ ఆకట్టుకోనుంది. తాాజగా విడుదలై బ్యూటీఫుల్ పోస్టర్ కూడా సినిమాపై ఆసక్తిని పెంచుతోంది. ప్రస్తుతం నెట్టింట వైరల్ గా మారింది.
Latest Videos
బ్యూటీఫుల్ లవ్ స్టోరీస్ తో సెన్సిబుల్ మూవీ మేకర్ గా పేరు తెచ్చుకున్న శివ నిర్వాణ డైరెక్ట్ చేస్తోన్న ఈ చిత్రాన్ని మైత్రీ మూవీ మేకర్స్ నిర్మిస్తున్నారు. నిన్ను కోరి, మజిలీ వంటి అందమైన సకుటుంబ ప్రేమ కథల్ని తెరకెక్కించిన శివ నిర్వాణ మరోసారి సిల్వర్ స్క్రీన్ పై తనదైన మ్యాజిక్ చేయబోతున్నారు. గతంలో మహానటి చిత్రంలో విజయ్, సమంత కలిసి నటించారు. ఖుషీతో ఈ ఇద్దరూ జంటగా పూర్తి స్థాయి ఈ ఫ్యామిలీ ఎంటర్టైనర్ రాబోతోంది. ఇక మజిలీ చిత్రం తరువాత శివ నిర్వాణ డైరెక్షన్ లో సమంత నటిస్తుండటం విశేషం. మైత్రీ మూవీ మేకర్స్ సంస్థలో విజయ్ డియర్ కామ్రేడ్ వంటి డిఫరెంట్ అటెంప్ట్ చేశారు. రంగస్థలం లాంటి బ్లాక్ బస్టర్ తరువాత సమంత కూడా మైత్రీ మూవీ మేకర్స్ బ్యానర్ లో నటిస్తోంది. దీంతో ఈ చిత్రం క్రేజీ కాంబినేషన్ల మధ్య ప్రేక్షకుల ముందుకు రానుంది.
Experience the Magic of Two Worlds Falling for Each Other ♥ in cinemas from 1st SEPTEMBER 2023 ❤️🔥 pic.twitter.com/C2VGk6uJPz
— Mythri Movie Makers (@MythriOfficial)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి