`ఊ అంటవా మావ.. ఊఊ అంటావా ` అంటూ సాగే స్పెషల్‌ నెంబర్ ని శుక్రవారం సాయంత్రం విడుదల చేశారు. ఇందులో సమంత డాన్సులు చేయడం విశేషం. ఆమె గ్లామర్‌ డాల్‌గా మారి చేసిన ఈ హాట్‌ డాన్సు నెంబర్ ఇప్పుడు ఊపేస్తుంది.
ఐకాన్‌స్టార్‌ అల్లు అర్జున్‌(Allu Arjun) నటిస్తున్న చిత్రం `పుష్ప`(Pushpa). క్రియేటివ్‌ డైరెక్టర్‌ సుకుమార్‌ దర్శకత్వంలో రూపొందిన చిత్రమిది. రెండు భాగాలుగా రూపొందుతున్న ఈ చిత్రంలోని మొదటి భాగంగా `పుష్పః ది రైజ్‌` వచ్చే వారం విడుదల కానుంది. ఈ సందర్భంగా ప్రమోషన్‌ కార్యక్రమాల జోరు పెంచింది యూనిట్‌. అందులో భాగంగా తాజా ఈ సినిమాలోని స్పెషల్‌ సాంగ్‌ని విడుదల చేసింది. `ఊ అంటవా మావ.. ఊఊ అంటావా `(Oo Antava Mava) అంటూ సాగే స్పెషల్‌ నెంబర్ ని శుక్రవారం సాయంత్రం విడుదల చేశారు. ఇందులో సమంత(Samantha) డాన్సులు చేయడం విశేషం. ఆమె గ్లామర్‌ డాల్‌గా మారి చేసిన ఈ హాట్‌ డాన్సు నెంబర్ ఇప్పుడు ఊపేస్తుంది. మాస్‌ బీట్‌గా సాగుతూ మెప్పిస్తుంది. జస్ట్ లిరికల్‌ వీడియోనే ఈ రేంజ్‌లో ఆకట్టుకుంటుంటే, ఇక సినిమాలో పూర్తి వీడియో సాంగ్‌ ఏ రేంజ్‌లో ఉంటుందో ఊహించుకోవచ్చు. పైగా Samantha చేసిన మాస్‌ బీట్‌ డాన్సు మరింతగా మంత్రముగ్దుల్ని చేస్తుందని చెప్పొచ్చు.
ఈ పాటకి దేవిశ్రీ ప్రసాద్‌ సంగీతం అందిస్తుండగా, చంద్రబోష్‌ ఈ పాటని రాశారు. ఇంద్రావతి చౌహాన్‌ ఆలపించారు. ఈ పాటని ఐదు భాషల్లో ఏకకాలంలో విడుదల చేశారు. ప్రస్తుతం ఇది యూట్యూబ్‌లో ట్రెండింగ్‌ అవుతుండటం విశేషం. సినిమాకిది హైలైట్‌గా నిలువబోతుందని చెప్పొచ్చు. ఫస్ట్ టైమ్‌ సమంత స్పెషల్‌ సాంగ్‌ చేస్తున్న నేపథ్యంలో దీనిపై సర్వత్రా ఆసక్తి నెలకొంది. పాట కోసం ఆమె అభిమానులు ఈగర్‌గా వెయిట్‌ చేశారు. ఇప్పుడు పండగ చేసుకుంటున్నారు. సినిమాలో ఈ పాట ఓరేంజ్‌లో ఉర్రూతలూగిస్తుందని అంటోంది యూనిట్‌.
అల్లు అర్జున్‌, రష్మిక మందన్నా జంటగా నటించిన `పుష్ప` చిత్రానికి సుకుమార్‌ దర్శకత్వం వహిస్తున్నారు. ఇందులో అనసూయ, సునీల్‌ ప్రధాన పాత్రలు పోషిస్తున్నారు. మలయాళ హీరో ఫహద్‌ ఫాజిల్‌ నెగటిల్‌ రోల్‌ చేస్తున్నారు. ఈ సినిమా ఈనెల 17న గ్రాండ్‌గా విడుదల కాబోతుంది. తెలుగుతోపాటు తమిళం, కన్నడ, మలయాళం, హిందీలోనూ పాన్‌ ఇండియా తరహాలో విడుదల చేస్తున్నారు. ఇప్పటికే విడుదలైన పాటలు ఆద్యంతం ఆకట్టుకున్నాయి. ట్రైలర్‌ సైతం మెప్పిస్తుంది. ఈ నెల 12న `పుష్ప` ప్రీ రిలీజ్‌ ఈవెంట్‌ని నిర్వహించబోతున్నారు. మరోవైపు అల్లు అర్జున్‌ ఇటీవల వరుసగా టీవీ షోలో, ఇతర సినిమాల ఈవెంట్లలో పాల్గొంటూ సందడి చేస్తున్న విషయం తెలిసిందే.
also read: Samantha: చరణ్ మరదలు పెళ్ళిలో సమంత సందడి... క్లోజ్ ఫ్రెండ్ తో పాటు హాజరైన స్టార్ లేడీ