మరో సౌత్ సినిమాపై సల్మాన్ కన్ను.. విజయ్ సినిమా రీమేక్?
సారాంశం
సల్మాన్ ఖాన్ మరో రీమేక్ సినిమా చేయబోతున్నాదని సమాచారం. ఇటీవల దళపతి విజయ్ హీరోగా రూపొందిన `మాస్టర్` చిత్రం మంచి విజయాన్ని సాధించింది. ఇది తెలుగులో మిశ్రమ స్పందన రాబట్టుకున్నా, తమిళంలో మాత్రం మంచి విజయాన్ని అందుకుంది.
సల్మాన్ ఖాన్ సౌత్ సినిమాలతో కమర్షియల్ హీరోగా ఎదిగారు. తెలుగులో వచ్చిన `పోకిరి`, `రెడీ`, `కిక్` చిత్రాలతో సూపర్ హిట్స్ అందుకున్నారు. ఆయనకు సూపర్స్టార్ ఇమేజ్ రావడంతో సౌత్ సినిమాల రీమేక్లు కీలక పాత్ర పోషించాయని చెప్పొచ్చు. తాజాగా ఆయన మరో రీమేక్ సినిమా చేయబోతున్నాదని సమాచారం. ఇటీవల దళపతి విజయ్ హీరోగా రూపొందిన `మాస్టర్` చిత్రం మంచి విజయాన్ని సాధించింది. ఇది తెలుగులో మిశ్రమ స్పందన రాబట్టుకున్నా, తమిళంలో మాత్రం మంచి విజయాన్ని అందుకుంది. దీనికి లోకేష్ కనగరాజ్ దర్శకత్వం వహించారు.
ఇదిలా ఉంటే ఈ సినిమాని సల్మాన్ ఖాన్ రీమేక్ చేయబోతున్నట్టు తెలుస్తుంది. హిందీ రైట్స్ ని నిర్మాత మురాద్ ఖేతని దక్కించుకున్నారు. ఆయన అంతకు ముందు `కబీర్సింగ్` చిత్రాన్ని నిర్మించారు. ఇది సల్మాన్ చేస్తే బాగుంటుందని ఆయన్ని సంప్రదించారట. అయితే ఈ కథకి సల్మాన్ ఇంప్రెస్ అయ్యారట. కొన్ని మార్పులతో సినిమాకి గ్రీన్ సిగ్నల్ ఇచ్చినట్టు సమాచారం. అన్ని అనుకున్నట్టు జరిగిదే సినిమా ఈ ఏడాది చివర్లో పట్టాలెక్కనుందని టాక్.
ప్రస్తుతం సల్మాన్ `రాధే` చిత్రంలో నటిస్తున్నారు. ఇది విడుదలకు సిద్ధంగా ఉంది. మరోవైపు `అంతిమ్ః ది ఫైనల్ ట్రూత్`, `టైగర్3` చిత్రాల్లో నటిస్తున్నారు. దీంతోపాటు `లాల్ సింగ్ చద్దా`, `పఠాన్`లో గెస్ట్ రోల్స్ చేస్తున్నాడు.